Боксер Гасситы Мурӕт

Фӕбӕрӕг сты Гасситы Мурӕты радон тохы датӕ ӕмӕ ныхмӕлӕууӕг

17
(ранӕуӕггонд 10:23 02.07.2021)
WBA ӕмӕ IBF верситӕм гӕсгӕ чемпион Гасситы Мурӕт йӕ фӕстаг тох ауагъта ивгъуыд азы октябры Сочийы. Уӕд ирон спортсмен нокауты арвыста албайнаг спортсмен Нури Сеферийы

ЦХИНВАЛ, 1 июл — Sputnik. Гасситы Мурӕт ӕрбаздӕхдзӕн рингмӕ 22 июлы. Ирон боксеры ныхмӕлӕууӕг суыдзӕн Германийӕ Эркан Тепер, хъусын кӕны 15 регион УФ Боксы федерацийы пресс-службӕйыл ӕнцойгӕнгӕйӕ.

"Ныхмӕлӕуд суыдзӕн мӕскуыйаг волейболон аренӕ "Динамо"-йы боксы изӕры сӕйраг тох", - дзырдӕуы хъусинаджы.

WBA ӕмӕ IBF верситӕм гӕсгӕ чемпион Гасситы Мурӕт йӕ фӕстаг тох ауагъта ивгъуыд азы октябры Сочийы. Уӕд ирон спортсмен нокауты арвыста албайнаг спортсмен Нури Сеферийы - уый ссис йе 'нтыстджын дебют уӕззау уӕзы.

39-аздзыд Эркан Теперы хыгъдыл ис 21 уӕлахизы (13 - нокаутӕй) ӕмӕ ӕртӕ фӕхӕрды.

17
Тедеты Дзамболат

Гауыз ӕй равдисдзӕн: Тедеты Дзамболат УФ богалты хайадисты тыххӕй Олимпиадӕйы

13
(ранӕуӕггонд 13:04 30.07.2021)
Уӕрӕсейаг хъӕбысхӕцджыты фыццаг рахызт Токиойы Олимпиаг хъӕзтыты гауызмӕ ацӕудзӕн 4 августы

ЦХИНВАЛ, 30 июл – Sputnik, Козаты Диана. Уӕрӕсейы ӕмбырдгонд уӕгъдибар хъӕбысхӕстӕй йӕхи цӕттӕ кӕны Японимӕ атӕхынмӕ Олимпиадӕ-2020 хайадисты нысанӕн. Ӕмбырдгонды сӕйраг тренер Тедеты Дзамболат куыд фехъусын кодта, афтӕмӕй спортсментӕ хъавынц ӕрхӕссын ӕрмӕстдӕр сыгъзӕрин майдантӕ.

Токиойы олимпиадӕ уагъд цӕуы 23 июлӕй 8 августы онг. Уый нымад у иууыл егъаудӕрыл спорты хуызты нымӕцмӕ гӕсгӕ - 33 ӕмӕ категоритӕм гӕсгӕ - 339. Хайад сӕ исынц 19 мин спортсмены онг. Олимпиадӕ коронавирусы пандемийы тыххӕй цӕуы ӕнӕ фӕсарӕйнаг кӕсджытӕй.

"Ныртӕккӕ стӕм рӕвдзыты Владивостокы. Фӕсивӕд ныридӕгӕн ауагътой контролон тохтӕ, уыдон сты хорз спортивон формӕйы", - банысан кодта Тедеты Дзамболат йӕ интервьюйы Sputnik.

Уый банысан кодта, уӕрӕсейаг хъӕбысхӕцджыты фыццаг рахызт Токиойы Олимпиаг хъӕзтыты гауызмӕ кӕй ацӕудзӕн 4 августы. 

"Гауыз алцыдӕр равдисдзӕн. Богалтӕ развӕлгъау никуы фӕдзурынц, рамбулдзысты ӕви нӕ. Ныфс мӕ ис, нӕ фарсхӕцджыты зӕрдӕтӕ кӕй барухс кӕндзыстӕм", - загъта тренер.

Тедеты Дзамболат ма радзырдта, спортсментӕн кӕй ис серьезон ахаст коронавирусы пандемийы фӕдыл арӕнӕвӕрдтӕ, уыдон никӕимӕ ӕбӕлынц, ӕрмӕстдӕр уадзынц тренировкӕтӕ.

"Залӕй дарддӕр никуыдӕм цӕуӕм. Не 'мбырдгонд у бирӕнационалон, уымӕ гӕсгӕ нӕм ӕрбацӕуынц сӕ минӕварады уӕнгтӕ, фӕлӕ, хъыгагӕн абон ахӕм уавӕртӕ сӕвзӕрд, уымӕ гӕсгӕ мах никӕимӕ ӕмбӕлӕм. Дӕттӕм анализтӕ ӕмӕ ӕнхъӕлмӕ кӕсӕм нӕ атахтмӕ", - фехъусын кодта тренер.

Уый раарфӕ кодта Таймӕзты Мӕдинӕйӕн дӕр Олимпион хъӕзтыты йӕ бронзӕйон майданы фӕдыл ӕмӕ банысан кодта, сӕрыстыр кӕй у Ирыстоны фӕсивӕдӕй.

Уыимӕ Тедеты Дзамболат банысан кодта, абоны бон спорты кӕй ис фылдӕр политикӕ политикӕимӕ абаргӕйӕ, уымӕн ирд дӕнцӕг та у Таймӕзты Мӕдинӕйы тох япойнаг спортсменкӕимӕ, цы ран ирон дзюдоисткӕйӕн нӕ банымадтой иу зыгъуытт.

13
Таймӕзты Мӕдинӕ

Таймӕзты Мӕдинӕ ссис Токиойы Олимпиадӕйы бронзӕйон призер

20
(ранӕуӕггонд 16:21 28.07.2021)
Ирон дзюдоисткӕйы бронзӕ ссис Токиойы уӕрӕсейаг олимпиаг ӕмбырдгонды хӕзнадоны дыууынӕм майдан

ЦХИНВАЛ, 28 июл — Sputnik, Хъуылымбегты Азӕмӕт. Ирыстойнаг дзюдоисткӕ Таймӕзты Мӕдинӕ бацахста ӕртыккаг бынат Токиойы Олимпиадӕйы.

Ӕртыккаг бынаты сӕраппонд тохы 70 килограммы онг категорийы Таймӕзты чызг рамбылдта хорватийаг Барбара Матичы вазари нысанмӕ гӕсгӕ.

Ирон спортсменкӕ ӕрдӕгфиналы фӕхӕрд Японийӕ спортсменкӕ, дунейы дыууӕ хатты чемпионкӕ Тидзуру Араийӕн. Ныхмӕлӕуд цыд 16 минут ӕмӕ 41 секунды.

Ирон дзюдоисткӕйы бронзӕ ссис Токиойы уӕрӕсейаг олимпиаг ӕмбырдгонды хӕзнадоны дыууынӕм майдан.

Токиойы олимпиадӕ ахастӕуыд иу аз фӕстӕдӕр пандемийы тыххӕй ӕмӕ уагъд цӕуы 23 июлӕй 8 августы онг. Уый нымад у иууыл егъаудӕрыл спорты хуызты нымӕцмӕ гӕсгӕ - 33 ӕмӕ категоритӕм гӕсгӕ - 339. Хайад сӕ исынц 19 мин спортсмены онг. Олимпиадӕ цӕуы ӕнӕ фӕсарӕйнаг кӕсджытӕй.

20
Автотрассӕ Цхинвал-Дменисыл фӕндагон-транспортон цау

Хуссари Иры ӕрцыд авари: ис зианбаййафджытӕ

10
(ранӕуӕггонд 10:59 31.07.2021)
Фӕндагон бӕллӕххы фӕстиуӕгӕн фӕцӕфуӕвджыты баластой республикон рынчындонмӕ буары алыгъуызон цӕфтимӕ

ЦХИНВАЛ, 31 июл - Sputnik. Автотрассӕ Цхинвал-Дменисыл майрӕмбоны изӕры ӕрцыд фӕндагон-транспортон цау, уый фӕстиуӕгӕн бахъыгдард сты дыууӕ адӕймаджы, хъусын кӕны республикӕйы МХМ пресс-службӕ.

"Авари ӕрцыд 21:00 сахатмӕ ӕввахс автотрассӕ Цхинвал-Дменисыл. Развӕлгъау бӕрӕггӕнӕнтӕм гӕсгӕ, хӕдтулгӕ ВАЗ-2109 фехӕлдта фӕндагон змӕлды фӕтк ӕмӕ сӕмбӕлд машинӕ Toyota Prado", - дзырдӕуы хъусинаджы.

Фӕндагон бӕллӕхы фӕстиуӕгӕн бахъыгдард сты дыууӕ адӕймаджы, уыдон буары алыгъуызон цӕфтимӕ фӕхӕццӕ кодтой РБМЦ. 

Уагдоны банысан кодтой, цауы бынаты кӕй кусынц ПАИ минӕвӕрттӕ, уыдон бӕлвырд кӕнынц аварийы аххосӕгтӕ.

10