Ирон богал Найфонты Артур фембылд ис Олимпиадӕйы ӕрдӕгфиналы Токиойы

© Sputnik / РИА НовостиОлимпиада-2020.
Олимпиада-2020.  - Sputnik Хуссар Ирыстон, 1920, 04.08.2021
Рафыссын
Олимпиаг турниры ӕрдӕгфиналы 86 килограммы онг уӕзы категорийы ирон богалы ныхмӕлмууӕг уыд ирайнаг спортсмен Хассан Язданишариати

ЦХИНВАЛ, 4 авг – Sputnik, Хъуылымбегты Азӕмӕт. Ирон уӕгъдибар хъӕбысӕйхӕцӕг, Европӕйы ӕртывӕр чемпион  Найфонты Артур фембылд Олимиаг хъӕзтыты-2020 ӕрдӕгфиналы Токиойы.

Олимпиаг турниры ӕрдӕгфиналы 86 килограммы онг уӕзы категорийы ирон богалы ныхмӕлмууӕг уыд ирайнаг спортсмен Хассан Язданишариати.

Тедеты Дзамболат  - Sputnik Хуссар Ирыстон, 1920, 30.07.2021
Гауыз ӕй равдисдзӕн: Тедеты Дзамболат УФ богалты хайадисты тыххӕй Олимпиадӕйы

Раздӕр Найфонты Артур рамбылдта дунейы вице-чемпион Словакийӕ, йе 'мзӕххон Макъоты Борисы - 6:0 ӕмӕ туркаг спортсмен Османа Гочены - 12:1.

Олимпиадӕйы бронзӕ майданы тыххӕй ирон богал стох кӕндзӕн Узбекистан ӕмӕ Швейцариы спортсменты хсӕн тохы фӕуӕлахизуӕвӕгимӕ.

Токиойы олимпиадӕ ахастӕуыд иу аз фӕстӕдӕр пандемийы тыххӕй ӕмӕ уагъд цӕуы 23 июлӕй 8 августы онг. Уый нымад у иууыл егъаудӕрыл спорты хуызты нымӕцмӕ гӕсгӕ - 33 ӕмӕ категоритӕм гӕсгӕ - 339. Хайад сӕ исынц 19 мин спортсмены онг. Олимпиадӕ цӕуы ӕнӕ фӕсарӕйнаг кӕсджытӕй.

Ног хабӕртты лентӕ
0