Хуссар Иры Ленингоры районы рабӕрӕг кодтой хуыздӕр футболон командӕты

Хуссар Иры Ленингоры районы рабӕрӕг кодтой хуыздӕр футболон командӕты

13
(ранӕуӕггонд 11:39 01.09.2021)
Районон турниры призон бынӕттыл тох кодтой ӕхсӕз командӕйы - уыдонӕй иууыл цӕттӕдӕртӕ фӕбӕрӕг сты ӕртӕбонон хъӕзтыты фӕстиуӕгӕн

ЦХИНВАЛ, 1 сен – Sputnik, Гӕбӕраты Элина. Хуссар Ирыстоны Ленингоры поселочы ацыд районон турнир футболӕй, кӕцы нывонд уыд республикӕйы Хӕдбардзинад банымайыны бонӕн. Районы пресс-секретарь Кокойты Анжела куыд радзырдта Sputnik, афтӕмӕй ерыстӕ адарддӕр сты ӕртӕ боны.

"Ацы аз хъазты бацыдысты ӕхсӕз командӕйы. Фӕстаг хатт фӕзуатыл сӕмбӕлдысты Цъинагары хъӕуы командӕтӕй иу ӕмӕ уӕрӕсейаг ӕфсӕддонты командӕ. Тох ӕртыккаг бынаты сӕраппонд цыд хъӕддыхӕй ӕмӕ ахицӕн 3:1 хыгъдӕй цъинагайрӕгты пайдайӕн", - банысан кодта пресс-секретарь.

Йӕ ныхӕстӕм гӕсгӕ, ноджы цымыдисондӕр уыд финалон хъазт Цъинагар ӕмӕ Ленингоры поселочы зынгхуыссынгӕнӕн-ирвӕзынгӕнӕн хайады командӕты хсӕн.

"Дыууӕ командӕ дӕр равдыстой ирд хъазт. Турниры фӕстиуджытӕм гӕсгӕ фыццаг бынат бацахста Цъинагары командӕ, дыккаг бынат - поселочы зынгхуыссынгӕнӕн-ирвӕзынгӕнӕн хайады, ӕмӕ ӕртыккаг бынат та Цъинагары дыккаг командӕ. Уӕлахиздзауты схорзӕхджын кодтой кубоктӕ ӕмӕ ӕхцайы премитӕй", - радзырдта Кокойты Анжела.

В Ленингорском районе Южной Осетии прошли соревнования по футболу
Пресс-служба Ленингорского района
Хуссар Иры Ленингоры районы рабӕрӕг кодтой хуыздӕр футболон командӕты

Районы администрацийы сӕргълӕууӕг Гулиты Владимир раарфӕ кодта хъазджытӕн ӕмӕ банысан кодта, ахӕм мадзӕлттӕ кӕй разӕнгард кӕнынц фӕсивӕды спортмӕ.

13
Хынцӕгты Альберт

Владимир Путин схорзӕхджын кодта Хынцӕгты Альберты Хӕлардзинады орденӕй

8
(ранӕуӕггонд 12:39 14.09.2021)
Паддзахадон хорзӕхтӕ Токиойы сыгъзӕрин уӕлахиздзаутӕн цытджын ӕгъдауӕй радтой Стыр Кремлаг галуаны къуырисӕры

ЦХИНВАЛ, 14 сен – Sputnik. Уӕрӕсейы президент Владимир Путин схорзӕхджын кодта Паралимпиаг хъӕзтыты чемпион ядро ӕхсынӕй Хынцӕгты Альберты Хӕлардзинады орденӕй. Уый тыххӕй хъусын кӕны 15-ӕм Регион.

Паддзахадон хорзӕхтӕ Токиойы сыгъзӕрин уӕлахиздзаутӕн цытджын ӕгъдауӕй радтой Стыр Кремлаг галуаны къуырисӕры.

Уымӕй дарддӕр ма II къӕпхӕны майдантӕй "За заслуги перед Отечеством" скад кодтой бронзӕйон призер лидзынӕй Къобесты Черменӕн.

Уӕрӕсейаг атлетты – Токиойы Паралимпиадӕйы призерты - схорзӕх кӕныны фӕдыл барамынд сабаты бафыста Уӕрӕсейы президент Владимир Путин.

8
Дзӕуджыхъӕумӕ ӕмӕ фӕстӕмӕ: Хуссар Иры велосипедисттӕ басастой иууыл даргъдӕр маршрут

Дзӕуджыхъӕумӕ ӕмӕ фӕстӕмӕ: Хуссар Иры велосипедисттӕ басастой иууыл даргъдӕр маршрут

23
(ранӕуӕггонд 13:03 14.09.2021)
Къорд "Крути педали"-йы уӕнгтӕ ӕртӕйӕ Тедеты Лери, Уанеты Олег ӕмӕ Гӕджиты Эльдар ӕвзӕр боныгъӕд ӕмӕ фӕлладмӕ ӕнӕкӕсгӕйӕ велосипедтыл ныццыдысты Цхинвалӕй Дзӕуджыхъӕумӕ ӕмӕ фӕстӕмӕ

ЦХИНВАЛ, 14 сен - Sputnik, Плиты Фатимӕ. Къӕвда, ӕнахуыр даргъ маршут ӕмӕ буары ӕлхынцъытӕ нӕ фӕкъуыхцы кодтой Республикӕйы бонӕн нывонд акци, фехъусын кодта Sputnik Къорд "Крути педали"-йы уӕнг, велосипедист Тедеты Лери.

Участники группы Крути педали пресекли кавказский хребет ко дню Республики
Из архива Лери Тедеева
Дзӕуджыхъӕумӕ ӕмӕ фӕстӕмӕ: Хуссар Иры велосипедисттӕ басастой иууыл даргъдӕр маршрут

Акцийы архайджытӕ фӕндагыл уыдысты дыууӕ боны. Уыдон Цхинвалы Театралон фӕзуатӕй араст сты сӕ велобалцы райсом ӕхсӕз сахатыл.

 "Мызуры нӕ къӕвда ӕрӕййӕфта ӕмӕ уарыд ӕнӕхъӕн балцы рӕстӕг. Уастырджыйы кувӕндоны бын уыдыстӕм уазал, хуылыдзӕй, тыхсын нӕ кодтой судорогӕтӕ, фӕлӕ нӕхи нӕ басастам. Мадзал нывонд уыд Республикӕйы бонӕн ӕмӕ йын ӕнӕаразгӕ нӕ уыд", - радзырдта Тедеты Лери.

Иумӕйагӕй исгӕйӕ бӕлццӕттӕ басастой 300 километрӕй фылдӕр велосипедтыл.

"Нӕ маршрут сӕххӕст кодтам. Фараст сахатыл уыдыстӕм Барбашовы цырты цур. Уым ныл сӕмбӕлдысты "Триал Владикавказ"- ы минӕвӕрттӕ. Фӕстӕмӕ балц райдыдта дыккаг бон. Фӕлӕ уымӕн йӕ ӕмбис цыдыстӕм хӕдтулгӕтыл",- бафтыдта уый. 

Участники группы Крути педали пресекли кавказский хребет ко дню Республики
Из архива Лери Тедеева
Дзӕуджыхъӕумӕ ӕмӕ фӕстӕмӕ: Хуссар Иры велосипедисттӕ басастой иууыл даргъдӕр маршрут

Тедеты Лерийы ныхӕстӕм гӕсгӕ, ацы аз "Цхинвал-Дзӕуджыхъӕуыл" сӕ дӕргъвӕтин балцтӕ фесты, фӕлӕ ног азмӕ ис ноджы гуырахстджындӕр маршруттӕ.

"Сӕйраг нын у ацы спорт бауарзын кӕнын ӕрыгон фӕлтӕрӕн, ӕмӕ нын ӕнтысгӕ дӕр кӕны. Ацы аз ма цӕудзыстӕм Зар ӕмӕ Знауыры рдӕм. Уалдзӕджы та бакӕндзыстӕм ног сезон", - балхынцъ кодта уый.

  • Дзӕуджыхъӕумӕ ӕмӕ фӕстӕмӕ: Хуссар Иры велосипедисттӕ басастой иууыл даргъдӕр маршрут
    Дзӕуджыхъӕумӕ ӕмӕ фӕстӕмӕ: Хуссар Иры велосипедисттӕ басастой иууыл даргъдӕр маршрут
    Из архива Лери Тедеева
  • Дзӕуджыхъӕумӕ ӕмӕ фӕстӕмӕ: Хуссар Иры велосипедисттӕ басастой иууыл даргъдӕр маршрут
    Дзӕуджыхъӕумӕ ӕмӕ фӕстӕмӕ: Хуссар Иры велосипедисттӕ басастой иууыл даргъдӕр маршрут
    Из архива Лери Тедеева
  • Дзӕуджыхъӕумӕ ӕмӕ фӕстӕмӕ: Хуссар Иры велосипедисттӕ басастой иууыл даргъдӕр маршрут
    Дзӕуджыхъӕумӕ ӕмӕ фӕстӕмӕ: Хуссар Иры велосипедисттӕ басастой иууыл даргъдӕр маршрут
    Из архива Лери Тедеева
1 / 3
Из архива Лери Тедеева
Дзӕуджыхъӕумӕ ӕмӕ фӕстӕмӕ: Хуссар Иры велосипедисттӕ басастой иууыл даргъдӕр маршрут
23
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

0
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

0