Хуссар Иры фыццаг хатт фӕзындзӕн олимпиаг тхэквондойы секци

Хуссар Иры фыццаг хатт фӕзындзӕн олимпиаг тхэквондойы секци

163
(ранӕуӕггонд 11:39 01.09.2021)
Тхэквондойы ацы хуыз Хуссар Иры никуы уыд, уымӕ гӕсгӕ дзы нӕй тренертӕ дӕр. Гуыцмӕзты Валерий куыд банысан кодта, афтӕмӕй уый ӕрфидар кӕнынӕн ӕнцой кӕндзысты Цӕгат Ирыстоны фӕлтӕрддзинадыл

ЦХИНВАЛ, 30 авг — Sputnik, Плиты Фатимӕ. Хуссар Ирыстоны столицӕйы фыццаг хатт йӕ куыст райдадзӕн олимпиаг тхэквондойы секци. Цхинвалӕн ӕнахуыр спортыл фидӕны спортсменты Сывӕллӕтты сфӕдыстадон галуаны цайдагъ кӕндзӕн Гуыцмӕзты Валерий.

Тренер ӕрӕджы ӕрыздӕхт йӕ райгуырӕн бӕстӕмӕ Уӕрӕсейӕ, раздӕр уый архайдта тхэквондойы спорты, стӕй та куыста Ростовы клуб "Курган"-ы. Уыймӕ размӕ уыд Хуссар Ирыстоны барадхъахъхъӕнӕг органты сконды. Хуссар Ирыстонмӕ йе 'рцыды фӕстӕ бындур ӕрӕвӕрдтой тхэквондойы Федерацийӕн ӕмӕ бакодтой спортивон клуб "Рухс сомбон".

В Южной Осетии открывается секция олимпийского тхэквондо
Из архива В. Гучмазова
Хуссар Иры фыццаг хатт фӕзындзӕн олимпиаг тхэквондойы секци

Уый банысан кодта, секцимӕ сывӕллӕттӕ ист кӕй цӕуынц ӕхсӕз азы карӕй.

"Фыццаг-ӕртыккаг кълӕсты скъоладзаутыл ӕнцой кӕндзынӕн. Иу аз хъӕуы, цӕмӕй сывӕллӕттӕн фыццаг бындур радтон. Уроктӕ цӕудзысты сахат ӕмӕ 'рдӕг. Ӕз ӕй зонын, ам сывӕллӕттӕ уӕлахиздзаутӕй гуырынц, ӕрмӕст сӕ хъӕуы слӕууын кӕнын сӕ фӕндагыл. Хицӕн къордӕй та кусдзынӕн хистӕр кары адӕмимӕ", - загъта тренер, Федерацийы вице-президент Гуыцмӕзты Валерий.

Уый ма бафтыдта, Хуссар Ирыстоны ацы спорты хуыз ӕрфидар кӕнынӕн кӕй ӕнцой кӕндзысты Цӕгат Ирыстоны фӕлтӕрддзинадыл.

"Тхэквондойы ацы хуыз Хуссар Ирыстоны никуы уыд, уымӕ гӕсгӕ дзы нӕй тренертӕ дӕр. Афтӕмӕй тынг ӕвзыгъд стӕм, Цӕгат Ирыстон ацы спортӕй нымад у тыхджындӕр регионыл. Уӕрӕсейы ӕппӕт къуымтӕй уырдӕм тырнынц спаррингтӕм. Мах сывӕллӕтты цӕттӕ кӕндзыстӕм Цӕгат Ирыстонимӕ ӕмгуыстады", - радзырдта уый.

Тхэквондойы спорты Ирыстонӕн ис йӕхи хъайтартӕ. Дунейы чемпионӕй дарддӕр дзы ис олимпиаг хъӕзтыты архайджытӕ дӕр.

163
Александр Усик (Украина) ӕмӕ Гасситы Мурӕт  (Уӕрӕсе)

Тренер Сланты Виталий саргъ кодта "Ирон"-ы шанстӕн Усикы ныхмӕ тохы

4
(ранӕуӕггонд 12:20 27.09.2021)
Ивгъуыд улӕфт бонты ацыд украинӕйаг Александр Усик ӕмӕ британиаг Энтони Джошуайы ныхмӕлӕуд, кӕцыйӕ украинӕйаг боксер рахызт уӕлахиздзауӕй

ЦХИНВАЛ, 27 сен - Sputnik. Украинӕйаг Александр Усик ӕмӕ ирон боксер Гасситы Мурӕты хсӕн патенциалон ныхмӕлӕуды фӕстиуджытӕн зын у рагзагъд саразын, загъта "Ирон"-ы ахуыргӕнӕг, УФ сгуыхт тренер Сланты Виталий 15-ӕм регионӕн.

"Зын зӕгъӕн у, фӕуӕлахиз уыдзӕн Гасситы Мурӕт ахӕмУсикыл, ӕви нӕ. Фӕлӕ мӕ ныфс ис, уыцы тох искуы кӕй ацӕудзӕн. Уый уыдзӕн хорз тох. Мурӕт бирӕ фӕразондӕр у Джошуайӕ. Йӕ цӕф дӕр тыхджындӕр у. Алцыдӕр равдисдзӕн ринг", - загъта Сланты Виталий.

Тренер банысан кодта, тохы фӕстиуджыты ма стыр нысаниуӕг кӕй ис Мурӕты ӕнӕниздзинадӕн райсгӕ травмӕты фӕстӕ.

"Суперсерийы финалы фӕстӕ бирӕ моменттӕ уыд. Райста цӕфтӕ, йӕ уӕз тынг зынтӕй ӕппӕрста. Ныфс ӕвӕрдзыстӕм, сӕ дыккаг тох дӕр кӕй ацӕудзӕн ӕмӕ кӕй уыдзӕн бирӕ конкурентондӕр", – банысан кодта тренер.

Ивгъуыд улӕфт бонты ацыд украинӕйаг Александр Усик ӕмӕ британиаг Энтони Джошуайы ныхмӕлӕуд, кӕцыйӕ украинӕйаг боксер рахызт уӕлахиздзауӕй.

Гасситы Мурӕт фембылд Александр Усикӕн 2018 азы июлы.

4
Хуссар Иры ӕрмхӕцджытӕ

Хуссар Иры ӕрмхӕцджытӕ сӕхи цӕттӕ кӕнынц Европӕйаг ерыстӕм

21
(ранӕуӕггонд 12:09 24.09.2021)
Ерыстӕ ацӕудзысты октябры, Хуссар Ирыстонӕй ерысты ралӕудзысты Гасситы Сослан, Плиты Батрадз ӕмӕ Хӕбӕлаты Арсен

ЦХИНВАЛ, 24 сен - Sputnik, Хъуылымбегты Азӕмӕт. Хуссар Ирыстоны ӕрмхӕцджытӕ стох кӕндзысты Европӕйы чемпионаты Вильнюсы, фехъусын кодта Sputnik сӕ тренер Джиоты Валерий.

Ерыстӕ ацӕудзысты октябры, Хуссар Ирыстонӕй ерысты ралӕудзысты Гасситы Сослан, Плиты Батрадз ӕмӕ Хӕбӕлаты Арсен.

"Лӕппуты дӕсныйад бӕлвырд у сӕ хорзӕхтӕй, фӕлӕ уӕддӕр бӕрзонд ерыстӕм уӕлӕмхасӕй цӕттӕ кӕндзысты. Уӕлдайдӕр та ерысты хӕдразмӕ. Уый ӕнӕмӕнг у, цӕмӕй сӕ хорзӕхты хӕзнадон европӕйаг ерысты фӕстӕ фӕхъӕздыгдӕр уа", - загъта Джиоты Валерий.

Йӕ ныхӕстӕм гӕсгӕ, ӕрмхӕцджытӕй чи уыдзӕн чемпионаты архайӕг, чи та фыццагады.

"Гасситы Сослан тох кӕны хистӕр кары спортсменты хсӕн 110 кг уӕзы. Хӕбӕлаты Арсен у фӕсивӕдон категорийы, фӕлӕ ӕмрӕстӕджы йӕхи сфӕлвардзӕн хистӕр кары дӕр, ис 85 кг категорийы. Ӕртыккаг спортсмен Плиты Батрадз тох кӕндзӕн ӕрмӕст фыццагады", - бафтыдта уый.

Ныридӕгӕн Гасситы Сослан ӕмӕ Хӕбӕлаты Арсен архайынц Уӕрӕсейы хуссары культурӕ ӕмӕ спорты фестивалы.

21
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2