Мӕхи хӕдзары фӕхатыдтӕн: китайаг журналист Хуссар Ирыстоны тыххӕй

88
(ранӕуӕггонд 13:18 07.08.2019)
Лу Юй Гуан уыд иунӕг журналист Китаййӕ, кӕцы дӕтта информаци Хуссар Ирыстоны тыххӕй 2008 азы августы хӕсты цауы бынӕттӕй. Уый ӕрцыд республикӕмӕ агрессийы 11-ӕм афӕдзыбоны размӕ ӕмӕ радзырдта, цытӕ федта Хуссар Иры ӕмӕ йӕ куыд райстой бынӕттон цӕрджытӕ

Китайаг Адӕмон республикӕйӕ журналист Лу Юй Гуан банысан кодта, Хуссар Ирыстон кӕй у иттӕг хорз бынат туризмӕн ӕрмӕст республикӕйы рӕсугъддзинады тыххӕй нӕ, фӕлӕ ма бынӕттон цӕрджыты уазӕгуарзондзинады тыххӕй дӕр.

Йӕ интервью ӕнӕхъӕнӕй - Sputnik Хуссар Ирыстоны видеосюжеты.

88

Агурынц хæцæнгарз æмæ æхца: Хуссар Иры зондджын куыйтæ

24
(ранӕуӕггонд 12:37 20.07.2020)
Зондджын куыйтӕ ис уӕлвӕткон уагдоны ӕмӕ мидхъуыддӕгты министрады дӕлбар милицийы сӕрмагонд нысаниуӕгджын къордмӕ

Цыппаркъахонтӕй ӕртӕ ис МСНК-мӕ, дыуууӕ та УУМ-мӕ. Фыццаг ӕртӕ - Красавица, Арза ӕмӕ Рокийы ӕнтыстытӕм бахӕлӕг кӕндзысты сгарджытӕ, адӕймаг йӕ сӕр цӕуыл фӕцъӕл кӕны, уыдон куыдзы смудӕнтӕ базонынц уайтагъд. Фӕлӕ ацы хъуыддаджы дӕр æнӕ адӕймаджы ӕххуысӕй нӕу - зондджын куыдз кусы йӕ хицауимӕ тандемы.

Дыууӕ куыдзы - Эра ӕмӕ Лита та 2014 азӕй фӕстӕмӕ сты Уӕлвӕткон уавӕрты министрады структурӕйы сконды. Уыдон сты хӕххон уавӕрты зӕйты бын адӕмы агурыны специалисттӕ.

24

Националон кувӕндон: Монастъер уӕлӕрвтӕй ракӕсгӕйӕ

10
(ранӕуӕггонд 15:00 29.06.2020)
Монастъеры моладзандон ис Хуссар Ирыстоны Цхинвалы районы, столицӕйы цӕгат-ныгуылӕйнаг фарсӕрдыгӕй

Моладзандон у туристты уарзондӕр бынӕттӕй иу - алӕмӕттаг ӕрдзы хъӕбысы рагон аргъуан дисы бафтауынц бӕлццӕтты сӕ рӕсугъддзинадӕй.

10
Цхинвалы авд уынгыл цæуынц цалцæггæнæн куыстытæ

Цæттæ сæ кæнынц асфальтмæ: Цхинвалы авд уынгыл цæуынц цалцæггæнæн куыстытæ

8
(ранӕуӕггонд 13:21 04.08.2020)
Республикæйы Арæзтад æмæ архитектурæйы министры хæдивæг Гаглойты Сергейы ныхæстæм гæсгæ, развæлгъау уал уынгтыл ивд цæуынц газы, нуазыны доны æмæ канализацийы хæххытæ

ЦХИНВАЛ, 4 авг – Sputnik, Дриаты Лейла. Хуссар Ирыстоны социалон-экономикон рæзтæн ахъазгæнæг Инвестицион программæйы фæлгæтты ацы аз Цхинвалы цы аст уынджы хъуамӕ ӕрцӕуой цалцӕг, уыдонӕй авдыл ныртӕккӕ активонӕй уагъд цӕуынц куыстытӕ

Республикæйы Арæзтад æмæ архитектурæйы министры хæдивæг Гаглойты Сергейы ныхæстæм гæсгæ, развæлгъау уал уынгтыл ивд цæуынц газы, нуазыны доны æмæ канализацийы хæххытæ.

"Авд уынгыл активонæй кусынц зæххы бын коммуникацитæ ивыныл. Газы хæтæлтæ ивыныл кусы паддзахадон унитарон куыстуат "Энергоресурс", доны æмæ канализацийы хæххытæ ивыныл та – "Водоканал", - банысан кодта Гаглойты Сергей.

Цхинвалы Белинскийы уынджы ныртæккæ аразджытæ кусынц газ уадзыныл, магистралон трубæтæ æвæрыны фæдыл куыстытæ æххæст æрцыдысты 75 процентæй. Доны æмæ канализацийы фæдыл куыстытæ та – 80 процентæй.

"Газуадзæн куыстытæ ныртæккæ фесты Хъайтарты æмæ Кимы уынгты. Ныртæккæ Кимы уынджы цæуынц хæрзарæзтадон куыстытæ – калынц ыл ставд цъæлдур æмæ лыстæг хуырдур. Тротуарты та цæттæ кæнынц плиткæ сæвæрынмæ. Табуйы фырты уынджы уадзынц магистралон газы хахх, хæдзæрттæм бауагътой газ, æвæрд цæуынц газнымайæнтæ. Æвæрд æрцыдысты магистралон канализацион трубæтæ дæр æмæ аразджытæ хæдзæрттæм уадзынц канализацион æмæ донуадзæн хæххытæ", - ранымадта Гаглойты Сергей.

Йæ ныхæстæм гæсгæ, Революцийы уынджы дæр цæуынц газуадзæн куыстытæ, фæуд кæны канализацион хахх, кусынц доны хахх уадзыныл æмæ цъайтæ аразыныл дæр.

Базарадон уынджы æвæрынц магистралон газуадзæн, газ уадзынц хæдзæрттæм, æвæринаг ма сты газынымайæнтæ, доны æмæ канализацийы фæдыл куыстытæ фесты.

Нæузæххонты уынджы фæуд кæнынц газуадзæн куыстытæ, монтаж кæнынц газрегуляторгæнæн пункттæ. Куыст цæуы дон æмæ канализацийы хæххытæ хæдзæрттæм уадзыныл.

Гаглойты Сергей ма куыд зæгъы, афтæмæй Плиты Ароны уынджы дæр аразджытæ рæхджы æрывналдзысты хæрзарæзтадон куыстытæм.

Инвестпрограммæмæ хаст объекттæй дарддæр ма "Водоканал"-æн хæсгонд у, цæмæй Джиоты Аланы проспекты кæрон 130, 130 а, 128, 128 а æмæ 128 б бирæфатерон корпусты территорийыл раивой зæронд канализацион хæтæлтæ.

Азы райдианæй ма Сталины уынджы 96 æмæ 98-æм хæдзæрттæ, Фидауынгæнджыты уынджы 5, 6, 8 æмæ 10-æм хæдзæрттæ, Путины уынджы 2-æм хæдзары дæр ма цалцæг æрцыдысты канализацион хæххытæ.

8