Ивгъуыд азы триумфатортæ: Хуссар Иры кады богалтæ

43
(ранӕуӕггонд 15:13 16.01.2020)
Ивгъуыд азы та спорты æнтыстытыл буцахуыр Ирыстонæн ногæй уыд фадат сæрыстыр уæвынæн. Уæгъдибар хъæбысхæсты спортмæ бабырстой æртæ бынæттон лæппуйы – Зассеты Арсæмæг, Бестауты Андрей æмæ Дзæгъиаты Сослан

Зассеты Арсæмæг æмæ Бестауты Андрей Уæрæсейы фыццагады финалы 110 кг уæзы дих кодтой уæлахиздзауы ном. Финалы тыхджындæр уыд Арсæмæг. Уый ацыд "дунемæ", Андрей - "Европæмæ". Ног æмвæзадыл дæр та ссисты уæлахиздзаутæ. Дзæгъиаты Сослан дæр рамбылдта Уæрæсейы фыццагад, фæлæ йын дунейон ерыстæм фысым бæстæ визæ нæ радта.

Уæлахизты фæстæ та лæппутæ ногæй бавнæлдтой цæттæ кæнынмæ сæ тренер Коцты Тамерланы къухдариуæгды бын. Цæттæгæнæн куыст цæуы Цхинвал æмæ Дзæуджыхъæуы.

Лæппутæ ног спортивон сезоны юношатæй хизынц фæсивæды категоримæ, стæй ма ивынц сæ уæзтæ дæр – Арсæмæг архайдзæн 97 кг, йе ʻмгар Андрей та йæ ных сæвæрдта 120 кг-мæ.

43

Дзиццойты Юрий: Хуссар Ирыстоны паддзахад æлхæд у тугæй

8
(ранӕуӕггонд 19:41 19.09.2020)
Филологон зонæдты кандидат Дзиццойты Юрий радио Sputnik Хуссар Ирыстонæн интервьюйы радзырдта республикæйы сæвзæрды тыххæй

Ацы аз Хуссар Ирыстоны республикæйыл æххæст кæны 30 аз. Дзиццойты Юрийы куыд радзырдта, уымæ гæсгæ нæ паддзахады сæвзæрды истори райдыдта 1920 азæй.

"Махæн автономон область куыннæ уыдаид, уæд нæ уыдаид фадат республикæ расидынæн", - банысан кодта Юрий.

8

Куыд хизынц Хуссар Ир æмæ Уæрæсейы хсæн арæны сæртыл видео

11
(ранӕуӕггонд 11:39 16.09.2020)
Адæм сæрибарæй цæуынц Цæгат Ирыстонмæ - 15 сентябрæй хуымæтæг режимы кусы Хуссар Ирыстон æмæ Уæрæсейы хсæн паддзахадон арæн

Хуссар Ирыстон æмæ Уæрæсейы хсæн паддзахадон арæныл змæлд цæуы хуымæтæг режимы – æппæт тобæтæ дæр ист æрцыдысты.

Дыууæ бæстæйы хсæн арæны сæртыл хизыны тобæтæ фæзынд 13 апрелæй, фæлæ уый адæмы алкæцы категоритæм нæ хауд. 10 майæ арæн бынтондæр сæхгæдтой. Йæ райгуырæн бæстæм чи здæхт, уыдонæн æнæмæнг уыд дыууæ къуыри карантины.

11
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

Ӕвзонг теннисисткӕ Цхинвалӕй рамбылдта бронзӕ Подмосковьейы турниры

0
(ранӕуӕггонд 16:19 25.09.2020)
Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл

ЦХИНВАЛ, 25 сен — Sputnik. Ӕвзонг теннисисткӕ Хуссар Ирыстонӕй Плиты Алана схызт кады пьедесталы ӕртыккаг къӕпхӕнмӕ Подмосковьейы турниры, хъусын кӕны республикӕйы фӕсивӕдон политикӕ ӕмӕ спорты фӕдыл комитеты пресс-службӕ.

Дунейы дыууӕ хатты чемпионкӕ Зоя Рудневайы мысӕнӕн турниры горӕт Втдноейы тох котой спортсментӕ Мӕскуы, Мӕскуыйы область, Тверь, Калуга, Рязань, Ярославль, Воронеж ӕмӕ Уӕрӕсейы ӕндӕр горӕттӕ ӕмӕ регионтӕй.

Юная теннисистка Алана Плиева из Южной Осетии завоевала бронзу на турнире в Подмосковье
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

"Фарастаздзыд Плиты Алана рамбылдта йӕ ныхмӕлӕуджыты Мӕскуы, Мӕскуыйы область ӕмӕ Калугайӕ 3:0, 3:1 ӕмӕ 3:2 хыгъдӕй ӕмӕ бацахста дыккаг бынат ӕвзарӕн этапы. Фӕлӕ уый фӕстӕ ирон спортсменкӕ фембылд 2:3 хыгъдӕй турниры фидӕны уӕлахиздзау Олеся Усовайӕн, кӕцы дзы уыд дыууӕ азы хистӕрдӕр", - дзырдӕуы хъусинаджы.

Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл.

0