Кӕсут ӕмдзӕвгӕтӕ хӕстыл: Федерацийы Советы спикер Уӕлахизы 75 азы юбилейы тыххӕй

34
(ранӕуӕггонд 11:43 05.05.2020)
Стыр Уӕлахизы 75 азы юбилейы бӕрӕгбоны хӕдразмӕ Sputnik ракуырдта УФ Федерацийы Советы сӕрдар Валентина Матвиенкойӕ радзурын, куыд ӕмбӕлы ацы бӕрӕгбоныл пандемийы уавӕрты

Валентина Матвиенко бауынаффӕ кодта райсын ӕнкъарӕнтӕ поэзийӕ ӕмӕ йӕхӕдӕг дӕр бакастис йӕ уарзон ӕмдзӕвгӕтӕй иу. Бӕстондӕрӕй Sputnik видеойы.

34

Хуссар Иры ветерантӕ райстой ӕнахуыр арфӕтӕ

36
(ранӕуӕггонд 15:17 08.05.2020)
Бӕрӕгбонон акцийы инициатортӕ уыдысты Sputnik ӕмӕ парти "Иугонд Ирыстон", уадзгӕ та йӕ акодтой фӕсивӕдон змӕлд "Иугонд Аланийы" активисттӕ

Нывӕзтмӕ гӕсгӕ, акцийы хайадисджытӕ бацӕттӕ кодтой ветеранты нӕмттимӕ табличкӕтӕ ӕмӕ сӕ ӕндадзынц, хӕсты хайадисджытӕ цы хӕдзӕртты цӕрынц, уыдон дуӕрттыл. Активистты номхыгъды ӕдӕппӕт ис 13 адресы.

Столицӕйы фӕстӕ та акци адарддӕр уыдзӕн республикӕйы районты. 

 

36

"Сӕрыстыр сӕ дӕн": Хуссар Иры президент радзырдта йӕ хиуӕтты тыххӕй, кӕцытӕ уыдысты хӕсты

14
(ранӕуӕггонд 15:09 06.05.2020)
Хуссар Ирыстоны президент Бибылты Анатолий хайад райста Sputnik пресс-центрты проект "Хӕстон сфарст"-ы. Президент радзырдта йӕ бинонты уӕнгты тыххӕй, кӕцытӕ хайад истой Стыр Фыдыбӕстон хӕсты

Президент Бибылты Анатолийы хъысмӕты стыр бынат ис йӕ дыууӕ хӕстӕгӕн, кӕцытӕ тох кодтой Стыр Фыдыбӕстон хӕсты

"Ӕз сӕрыстыр дӕн мӕ хиуӕттӕй, кӕцытӕ хайад истой ацы хӕсты. Мӕ царды ахсджиаг фӕлгонц ис дыууӕ адӕймагӕн, кӕцытӕ мын баххуыс кодтой равзарын мӕ фидӕны професси. Уыдон сты Стыр Фыдыбӕстон хӕсты хайадисджытӕ – мӕ фыды фыды ӕфсымӕр Бибылты Суликъо ӕмӕ ноджы иу ӕввахс хӕстӕг Бибылты Самсон", - загъта президент.

Паддзахады сӕргълӕууӕг радзырдта сабибонты тыххӕй, уыцы рӕстӕг цыдысты йӕ фембӕлдтӕ хӕсты дыууӕ архайӕгимӕ.

Афтӕ ма президент банысан кодта, йӕ райгуырӕн хъӕу – Бибылты хъӕуӕй – Стыр Фыдыбӕстон хӕстмӕ ацыдысты аст адӕймаджы, уыдонӕй фӕстӕмӕ ӕрыздӕхтысты йӕ дыууӕ хӕстӕджы Самсон ӕмӕ Суликъо.

"Ӕвӕццӕгӕн бӕрндзинад сӕ разы сбӕрӕг кодта мӕ фидӕны професси дӕр", - бахахх кодта Бибылты Анатолий.

Бӕстондӕрӕй Sputnik видеойы.

Стыр уӕлахизы бӕрӕгбоны хӕдразмӕ Sputnik редакцитӕ Белоруси, Абхаз, Кыргызтан, Сомих, Молдова, Гуырдзыстон, Азербайджан, Казахстан ӕмӕ Хуссар Ирыстоны мыхуыр кӕнынц бинонты историтӕ, кӕцытӕ радзырдтой солдаттӕ ӕмӕ офицерты байзӕддӕгтӕ.

14
Хуссар Ир карантины

"Зынаргъ коронавирус": цас лӕууы Хуссар Ирӕн COVID-19-имӕ тох

5
(ранӕуӕггонд 15:26 27.05.2020)
Фӕрӕзтӕ, сӕйраджыдӕр, хицӕн кӕнынц паддзахады сӕргълӕууӕг ӕмӕ хицауады фӕстауӕрцон фондтӕй

ЦХИНВАЛ, 27 мая – Sputnik, Козаты Диана. Коронавирусон инфекцийы апарахат ма ‘руадзынӕн ӕмӕ COVID-19-ӕй рынчынты хоскӕнынадӕн Хуссар Ирыстон ныридӕгӕн рахицӕн кодта 11 милуан сомы. Президенты администрацийы бӕрӕггӕнӕнтӕм гӕсгӕ, фӕрӕзты фылдӕр хай рахицӕн кодтой президент ӕмӕ хицауады фӕстауӕрцон фондтӕй.

Цӕвиттонӕн, уазӕгдон "Алан" сцалцӕг кӕныныл бахардз кодтой 243 мин сомы. Дзауы районы рынчындон бацӕттӕ кӕнынӕн президенты фондӕй рахицӕн кодтой 142 мин сомы.

Югосетпотребнадзор райста иу милуан соммӕ ӕввахс сӕрмагонд хъахъхъӕнынады фӕрӕзтӕ, ифтонггарз ӕмӕ вирусологион лабораторийӕн ӕрмӕджытӕ балхӕнынӕн.

Республикӕйы ӕмбӕстӕгтӕн гуманитарон ӕххуыс ласыны хӕрдзтӕн пандемийы рӕстӕджы рахицӕн кодтой 263 мин сомы.

Ацы фӕрӕзтӕ – иу милуан ӕмӕ 600 мин сомы – рахицӕн кодтой президенты фӕстауӕрцон фондӕй.

Хицауадон фондӕй ӕхцатӕ рахицӕн кодтой Ӕнӕниздзинад хъахъӕнынады министрад, Дзауы район ӕмӕ Хъахъхъӕнынады министрадӕн.

Ӕнӕниздзинад хъахъхъӕнынад ӕмӕ социалон райрӕзты министрад райстой 6,5 милуан сомы хостӕ ӕмӕ медицинон ӕрмӕджытӕ балхӕнынӕн.

Дзауы районы администрацийӕн рахицӕн кодтой сӕдӕ мин сомӕй фылдӕр районон рынчындонӕн ифтонггарз балхӕнынӕн, афтӕ ма медицинон уагдоны рудзгуытыл хызӕгтӕ сӕвӕрынӕн.

Иу милуан сомы бахардз кодтой УФ ӕфсӕддон ахуырадон уагдӕтты курсантты ӕрласыныл, кӕцытӕ цыдысты сӕ фыдыбӕстӕмӕ Уӕрӕсейы ахуыр ӕмгъуыдӕй раздӕр кӕй фӕцис, уый тыххӕй.

Афтӕ ма ӕрдӕг милуан сомӕй фылдӕр бахардз кодта МХМ сӕрмагонд хъахъхъӕнынады ӕмӕ дезинфекцион фӕрӕзтӕ балхӕнынӕн.

Уымӕй дарддӕр, стыр суммӕ хардз кӕнынц карантиныл уӕвӕг адӕмы хӕлцадыл. Пациентты хиуӕтты нал уадзынц хӕссын медицинон уагдӕттӕм хӕлцадон продукттӕ.

Инфекциимӕ тох нырма нӕ фӕцис. Республикӕйы медицинон уагдӕтты хоскӕнынад нырма цӕуынц аст адӕймаджы коронавирусы диагнозимӕ. Афтӕ ма республикӕмӕ ӕрцӕудзысты МХМ курсанттӕ ӕмӕ республикӕйы ӕмбӕстӕгтӕ ФХМ хаххыл.

5