Куыд ацыд Уӕлахизы парад Мӕскуыйы

12
(ранӕуӕггонд 20:14 24.06.2020)
Уӕлахизы парад Мӕскуы ӕмӕ Уӕрӕсейы ӕндӕр горӕтты ацыд 24 июны - ацы бон 1945 азы Сырх Фӕзуатыл ацыд уӕлахиздзауты легендарон историон парад

Абон Уӕрӕсейы Федерацийы сӕйраг горӕты ацыдысты Стыр Фыдыбӕстон хӕсты Уӕлахизы 75-азонг юбилейы цытӕн бӕрӕгбонон мадзӕлттӕ. Бӕрӕгбонмӕ хуынд ӕрцыд Хуссар Ирыстоны президент Бибылты Анатолий, афтӕ ма фӕсарӕйнаг бӕстӕты президенттӕ.

Парады фӕстӕ Путин, Бибылты Анатолий ӕмӕ сӕ иннӕ фӕсарӕйнаг коллегӕтӕ дидинтӕ сӕвӕрдтой Ӕбӕрӕг Солдаты Ингӕны цур Ӕнусон артмӕ.

 

12

Тахтысты фатау: куыд ацыдысты Хуссар Иры бӕхты дугътӕ - видео

19
(ранӕуӕггонд 11:28 13.10.2020)
Хуссар Ирыстоны Знауыры районы ацыдысты бӕхты дугътӕ. Барджытӕ ӕмӕ сӕ дугъонты ерыстӕ куыд ахицӕн сты, уый тыххӕй бакӕсут нӕ видеоӕрмӕджы

Дугъты уӕлахиздзау ссис Дзагъинайы хъӕуккаг Хъӕцмӕзты Шамиль. Уымӕй ма чысыл фӕстӕдӕр финишмӕ ӕрбахӕццӕ ис Знауыры районӕй барӕг Хъӕцмӕзты Родион ӕмӕ ӕртыккаг бынат та бацахста дзауаг Харебаты Алан.

Уӕлахиздзауты схорзӕхджын кодтой кады грамотатӕ, кубоктӕ ӕмӕ лӕвӕрттӕй, алкӕцы хайадисӕгӕн дӕр радтой бузныджы фыстӕджытӕ.

Мадзал сорганизаци кодта районон администрацийы культурӕйы хайад, феххуыс сын кодта фӕсивӕдон политикӕ ӕмӕ спорты комитет дӕр.

19

Дзиццойты Юрий: Хуссар Ирыстоны паддзахад æлхæд у тугæй

15
(ранӕуӕггонд 19:41 19.09.2020)
Филологон зонæдты кандидат Дзиццойты Юрий радио Sputnik Хуссар Ирыстонæн интервьюйы радзырдта республикæйы сæвзæрды тыххæй

Ацы аз Хуссар Ирыстоны республикæйыл æххæст кæны 30 аз. Дзиццойты Юрийы куыд радзырдта, уымæ гæсгæ нæ паддзахады сæвзæрды истори райдыдта 1920 азæй.

"Махæн автономон область куыннæ уыдаид, уæд нæ уыдаид фадат республикæ расидынæн", - банысан кодта Юрий.

15
 Уӕрӕсейаг режиссёр сӕвӕрдзӕн спектакль Цхинвалы театры

Ӕмгуыстады ног авналӕнтӕ: уӕрӕсейаг режиссёр сӕвӕрдзӕн спектакль Цхинвалы театры

10
(ранӕуӕггонд 10:50 20.10.2020)
Нывӕзтгонд проект ӕххӕст цӕуы Уӕрӕсейы театралон архайджыты цӕдисы сӕрмагонд проект "режиссерская лаборатория"- йы фӕлгӕтты

ЦХИНВАЛ, 20 окт — Sputnik, Плиты Фатимӕ. Хуссар Ирыстоны паддзахадон драмон театры (ПДТ) сценӕйыл фидӕн аз уӕрӕсейаг режиссёр сӕвӕрдзӕн спектакль бынӕттон труппӕимӕ, фехъусын кодтой Sputnik уагдоны пресс-службӕйы.

Ивгъуыд къуыри ПДТ труппӕимӕ куыстой ӕртӕ хицӕн режиссеры Уӕрӕсейы театралон архайджыты цӕдисӕй. Уазджытӕ ӕрцыдысты Цӕдис ӕмӕ Хуссар Ирыстоны ПДТ ӕмгуыстады фӕстиуӕгӕн.

Российские режиссеры поставили отрывки спектаклей с югоосетинской труппой
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры

Театралон архайджыты цӕдис ахӕм мадзӕлтӕ уадзы йӕ сӕрмагонд проект "режиссёрская лаборатория"-йы фӕлгӕтты.

"Ӕртӕ хицӕн режиссеры Уӕрӕсейы театралон архайджыты цӕдисӕй ивгъуыд къуырийы куыстой ам бынаты нӕ труппӕимӕ. Уыдон сӕвӕрдтой ӕртӕ хицӕн эскизы (пьесӕйы скъуыддзаг) бынӕттон актертимӕ. Вазыгджын эпидемиологон уавӕр хынцгӕйӕ сӕ куыстытӕ уӕрӕх аудиторийӕн нӕ бавдыстой - аргъгӕнӕг сын уыдысты сӕхӕдӕг актертӕ ӕмӕ театралон факультеты студенттӕ", - театры загътой пресс-службӕйы.

Уым ма банысан кодтой, нывӕзтмӕ гӕсгӕ ӕртӕ скъуыддзагӕй кӕй хъуамӕ равзарой хуыздӕры, цӕмӕй йӕ ног театралон сезоны ӕххӕстӕй сӕвӕрой Хуссар Ирыстоны паддзахадон театры сценӕйыл.

"Актерон сконд ӕртӕйы дӕр банымадта хорзыл. Фӕстӕдӕр ацы фарст скъуыддзаг цӕудзӕн аивадон советы аивадон къухдариуӕггӕнӕг Дзудцаты Тамерланимӕ иумӕ. Ӕртӕйӕ кӕцы равзарой, уый Уӕрӕсейы театралон архайджыты цӕдисы хӕрдзтӕй ӕрцӕудзӕн ӕвӕрд", - бахахх кодтой уагдоны.

Российские режиссеры поставили отрывки спектаклей с югоосетинской труппой
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры

Театры директор Уалыты Мӕдинӕйы ныхӕстӕм гӕсгӕ, Уӕрӕсейы театралон архайджыты цӕдисимӕ (ТАЦ)  ӕмгуыстад кӕны ног фӕндӕгтӕ Хуссар Ирыстоны сфӕлдыстадон коллективы раз.

"Режиссерты куыст нын фенын кодта нӕ труппӕйы уӕрӕх фадӕттӕ ногӕй. Уыдон бафӕлвӕрдтой архайд сценӕйӕ рахӕссын кӕсӕджы залмӕ ӕмӕ сын уыд диссаджы ӕнтыст",- хъусын кӕны пресс-службӕй директоры ныхӕстӕ.

Уалыты Мӕдинӕ бафтыдта, Уӕрӕсейы ТАЦ-имӕ ӕмгуыстады фӕлгӕтты ма ноджы кӕй цӕуынц ахуыртӕ, квалификаци фӕбӕрзонддӕр кӕныны куыст. Дарддӕр та сӕ нывӕзты ис бацархайын, цӕмӕй Цхинвалы фӕзына ТАЦ фыццаг филиал фӕсарӕнты.

Российские режиссеры поставили отрывки спектаклей с югоосетинской труппой
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры
10