Джусойты: Хаджеты Таймуразы хуызæн поэтты фæрцы ирон культурæ райста индивидуалон хуыз

22
(ранӕуӕггонд 22:15 14.08.2020)
Президенты паддзахадон уынаффæгæнæг Джусойты Сослан радио Sputnik Хуссар Ирыстоны эфиры радзырдта Хаджеты Таймуразы сфæлдыстады тыххæй  

Хаджеты Таймуразæн ис йæхи сæрмагонд бынат ирон сфæлдыстады. Джусойты Сосланы хъуыдымæ гæсгæ, Таймуразæн иннæ поэттæй уæлдай йæ сæрибардзинад уыд уæрæхдæр.

"Алы поэт дæр хъуамæ уа сæрибар, фæлæ Таймуразæн иннæ фысджытæй уæлдай йæ сæрибардзинады æмвæзад уыд уæлдæр, уымæн æмæ йын Хуыцауæй дæтгæ уыд", - банысан кодта Сослан.

22

Дзиццойты Юрий: Хуссар Ирыстоны паддзахад æлхæд у тугæй

8
(ранӕуӕггонд 19:41 19.09.2020)
Филологон зонæдты кандидат Дзиццойты Юрий радио Sputnik Хуссар Ирыстонæн интервьюйы радзырдта республикæйы сæвзæрды тыххæй

Ацы аз Хуссар Ирыстоны республикæйыл æххæст кæны 30 аз. Дзиццойты Юрийы куыд радзырдта, уымæ гæсгæ нæ паддзахады сæвзæрды истори райдыдта 1920 азæй.

"Махæн автономон область куыннæ уыдаид, уæд нæ уыдаид фадат республикæ расидынæн", - банысан кодта Юрий.

8

Куыд хизынц Хуссар Ир æмæ Уæрæсейы хсæн арæны сæртыл видео

11
(ранӕуӕггонд 11:39 16.09.2020)
Адæм сæрибарæй цæуынц Цæгат Ирыстонмæ - 15 сентябрæй хуымæтæг режимы кусы Хуссар Ирыстон æмæ Уæрæсейы хсæн паддзахадон арæн

Хуссар Ирыстон æмæ Уæрæсейы хсæн паддзахадон арæныл змæлд цæуы хуымæтæг режимы – æппæт тобæтæ дæр ист æрцыдысты.

Дыууæ бæстæйы хсæн арæны сæртыл хизыны тобæтæ фæзынд 13 апрелæй, фæлæ уый адæмы алкæцы категоритæм нæ хауд. 10 майæ арæн бынтондæр сæхгæдтой. Йæ райгуырæн бæстæм чи здæхт, уыдонæн æнæмæнг уыд дыууæ къуыри карантины.

11
Симд

Ансамблы ног сконд: "Симд" ратдзæн концерттæ Цхинвалы

0
(ранӕуӕггонд 15:18 28.09.2020)
Концертон нывæзты ис Кавказы адæмты кафтытæ. Алы номыры дæр архайдзæн 12 æмæ уымæй фылдæр къайы - се ʻхсæн ис артисттæ, кæцытæ стыр сценæмæ хизынц фыццаг хатт

ЦХИНВАЛ, 28 сен — Sputnik, Плиты Фатимæ. Галаты Борисы номыл Хуссар Ирыстоны кафт æмæ зарды паддзахадон ансамбль "Симд" дæргъвæтин фæстиаты фæстæ ратдзæн концерттæ Цхинвалы, фехъусын кодта Sputnik ансамблы директор Гаглойты Кристина.

Уый банысан кодта, сфæлдыстадон къорды ралæудтæ кæй ацæудзысты столицæйы 24 æмæ 25 декабры.

"Сæйраг кафты коллективы ног сконд бавдисдзæн ирон аивады уарзджытæн ног нывæзт. Концертон нывæзты ис 19 номыры. Коллективы раз цы зындзинæдтæ ис, уыдон баст уыдысты карантинимæ. Артисттæн хуыд цæуынц костюмтæ фæсарæнты æмæ сын ныр фадат фæцис ныццæуын æмæ сæ фенын", - загъта директор.

Ансамбль, Гаглойты Кристинæйы ныхæстæм гæсгæ, активонæй йæхи цæттæ кæны ног скондæй кæсæджы раз фыццаг фæлварæнмæ.

"Бон фондз сахаты бæрц цæуынц репетицитæ. Концертон нывæзты ис Кавказы адæмты кафтытæ. Алы номыры дæр архайдзæн 12  æмæ уымæй фылдæр къайы. Се ʻхсæн ис артисттæ, кæцытæ стыр сценæмæ хизынц фыццаг хатт", - бафтыдта Гаглойты Кристина.

Галаты Борисы номыл Хуссар Ирыстоны кафт æмæ зарды паддзахадон ансамбль "Симд" ивгъуыд аз фехъусын кодта реорганизацийы тыххæй. Уый фæлгæтты коллектив ногæй иста кафджыты, ивта хор æмæ оркестры сконд. Фæстæдæр къордæн фæзынд ног аивадон къухдариуæггæнæг дæр.

0