Вирусимӕ тох райдыдта. Куыд ацыд ковид-госпиталы фыццаг бон Цхинвалы - видео

9
(ранӕуӕггонд 10:05 30.10.2020)
Уӕрӕсейаг мобилон бирӕпрофилон госпиталь цыппӕрӕмы бавгӕлдта куыстмӕ Хуссар Ирыстоны. Куыд ацыд сӕ фыццаг бон вирусимӕ тохы, цал пациенты райстой ӕмӕ цы фадӕттӕ ис быдырон рынчындонӕн – бакӕсут нӕ видеоӕрмӕджы

Госпиталь айтыгътой Хуссар Ирыстоны сӕйраг горӕты республикон стадионы территорийыл. Ам ифтонг ӕрцыдысты исӕн, госпиталон, инфекцион, санитарон-эпидемиологон хайӕдтӕ, афтӕ ма анестезиологи ӕмӕ реанимации, лаборатории иртӕстытӕ уадзнӕн ӕмӕ анализты диагностикӕйӕн. Госпиталы ис нырыккон медицинон ифтонгад.

Хуссар Ирыстоны цӕрджытӕ стыр ныфс ӕвӕрынч ацы госпиталь ӕмӕм уӕрӕсейаг дохтыртӕй.

Хуссар Ирыстоны октябры сытынг ис инфекции, мӕйы кӕронмӕ коронавирус бахӕцыд 769 адӕймагыл.

9

Уӕрӕсейаг ӕфсӕддонтӕ дезинфекци уадзынц Хуссар Иры районты

8
(ранӕуӕггонд 16:24 24.11.2020)
Хуссар Ирыстоны уӕвӕг Уӕрӕсейы ӕфсӕддон госпиталы къорд бацыдысты Знауыры районы рынчындон ӕмӕ скъоламӕ

Уӕрӕсейы ӕфсӕддон-быдырон госпиталы специалисттӕ сдезинфекци кодтой дыууӕ социалон объектты, цӕмӕй ӕруромой коронавирусы дарддӕры апарахат. Сӕ дарддӕры нывӕзты ис ӕнгӕс куыстытӕ ауадзын Ленингоры районы дӕр.

8

Диссаджы хъарм ахаст: Цхинвалы цӕрӕг уӕрӕсейаг ковид-госпиталы хоскӕнынады тыххӕй

11
(ранӕуӕггонд 14:35 18.11.2020)
УФ хъахъхъӕнынады министрады мобилон ковид-госпиталь Хуссар Ирыстоны ӕххуыс кӕны коронавирусӕй рынчынтӕн - бакӕсут видеойы, цы дзурынц пациенттӕ уӕрӕсейаг специалисттӕй

Хуссар Ирыстоны цӕрджытӕн дарддӕр ӕххуыс кӕнынц уӕрӕсейаг ӕфсӕддон медиктӕ. УФ хъахъхъӕнынады министрады мобилон бирӕпрофилон ковид-госпиталы байгомӕй нырмӕ дзы медицинон ӕххуыс райстой минӕй фылдӕр адӕймаджы.

Уӕрӕсейы Хъахъхъӕнынады министрады мобилон госпиталь сӕвӕрдтой Хуссар Ирыстоны республикӕйы къухдариуӕгады ракуырдӕй, цӕмӕй ӕххуыс кӕной тох кӕнын коронавирусон инфекцийы ныхмӕ.

11
Сабанты Александр

Ирыстойнаг хъӕбысӕйхӕцӕг рамбылдта сыгъзӕрин майдан Уӕрӕсейы фыццагады

2
(ранӕуӕггонд 15:42 04.12.2020)
Финалон тохы 61 килограммы уӕзы категорийы Сабанты Александр рамбылдта Ай-Белек Монгушы Тывайӕ 11:0 хыгъдӕй

ЦХИНВАЛ, 4 дек — Sputnik. Ирон богал Сабанты Александр ссис Уӕрӕсейы фыццагады уӕлахиздзау уӕгъдибар хъӕбысхӕстӕй, хъусын кӕны Цӕгат Ирыстоны спорты министрады пресс-службӕ.

Уӕрӕсейы фыццагад уӕгъдибар хъӕбысхӕстӕй 23 азы кары онг спортсменты хсӕн уагъд цӕуы Смоленскы.

Финалон тохы 61 килограммы уӕзы категорийы Сабанты Александр рамбылдта Ай-Белек Монгушы Тывайӕ 11:0 хыгъдӕй.

"Финалмӕ фӕндагыл Сабанты Александр нӕ фембылд иу балл дӕр. Квалификацийы рамбылдта Яков Павловы 11:0 хыгъдӕй, финалы 1/8 – Гаглойты Зауыры 10:0 хыгъдӕй, финалы цыппӕрӕм хайы 5:0 хыгъды тушейыл рамбылдта Рахим Гурдалиевы, ӕрдӕгфинадлы та Бикъойты Вадимы 10:0 хыгъдӕй", - дзырдӕуы хъусинаджы.

Пресс-службӕйы бафтыдой, зӕгъгӕ, ирон хъӕбысӕйхӕцджытӕ рамбылдтой ноджы дыууӕ ӕвзист ӕмӕ ӕртӕ бронзӕйон майданы. Ӕвзист майдантӕ рамбылдтой Толпарты Аслан (92 кг) ӕмӕ Хынцӕгты Сослан (125 кг), бронзӕйон майданты хицӕуттӕ та баисты Дзукъаты Роберт (74 кг), Цкъаты Сослан ӕмӕ Цхуырбаты Артем (92 кг).

Афтӕ ма, майрӕмбоны сыгъзӕрин майданыл 97 килограммы уӕзы категорийы тох кӕндзӕн Хуыгаты Хох.

2