Уæрæсейы мобилон госпиталæн балæвар кодтой дыргътæ видео

5
(ранӕуӕггонд 16:16 30.10.2020)
Амалиуæгады минæвæрттæ мæйрæмбоны баластой сæ тыллæгæй æфсæддон медиктæн æмæ сæ рынчынтæн

Аграрон хӕдзарад "Южной сад" балæвар кодта 30 асыкк фæткъуытӕ уæрæсейаг ӕфсӕддон-быдырон госпиталӕн, кӕцы ӕрбынат кодта Цхинвалы стадионы коронавирусӕй рынчынтӕн хос кӕныны нысанӕн.

Хуссары Ирыстоны фӕстаг мӕй фӕкарздӕр ис коронавирусы фӕдыл уавӕр. Медкластеры объекттӕ рынчынтыл кӕй нал ӕххӕссынц, уымӕ гӕсгӕ республикӕйы размынад ракуырдта ӕххуыс Уӕрӕсейӕ. Дыццӕджы ӕфсӕддон-быдырон госпиталь ӕрхӕццӕ Цхинвалмӕ.

Хуссар Ирыстоны егъау хъӕууонхӕдзарадон амалиуӕгадӕн уый сӕ иунӕг гуманитарон акци нӕу. Амалиуæгад "Южный сад " ныр дыккаг аз йæ тыллӕджы иу хай дæтты скъолатӕн ӕмӕ сабидӕттӕн Цхинвалы, ХИПУ-йӕн, колледжтӕн, Зӕрӕдты хӕдзарӕн ӕмӕ ӕххуысхъуаг бинонтӕн. Ӕххуысы иу гуырахст та цæуы ӕнӕниздзинад хъахъхъӕнынады хаххыл.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

5

Цхуырбаты Тамерлан: Гуыцмӕзты Петры сфӕлдыстадыл фӕзындысты дуджы ивындзинӕдтӕ

8
(ранӕуӕггонд 10:35 18.10.2021)
Нывгӕнӕг Цхуырбаты Тамерлан радио Sputnik Хуссар Ирыстоны эфиры радзырдта, цавӕр нывгӕнӕг ӕмӕ адӕймаг уыд Гуыцмӕзты Петр, уый тыххӕй

Ацы аз Хуссар Ирыстоны адӕмон нывгӕнӕг Гуыцмӕзты Петрыл сӕххӕст уыдаит 80 азы. Цхуырбаты Тамерлан куыд радзырдта, уымӕ гӕсгӕ Петрӕн йӕ иууыл стырдӕр хӕрзиуӕг уыд, йӕ хъармдзинад кӕй лӕвар кодта йӕ студенттӕн, уый мидӕг.

"Ӕз Петр Дмитрийы фыртыл фембӕлдтӕн Тугъанты Махарбеджы номыл нывгӕнӕн ахуыргӕнӕндоны куы ахуыр кодтон 1980-ӕм азты, уӕд. Нӕ  ахуыргӕнӕг уыд. Йӕ ныхасӕн ын аргъ кодтой, йӕ алыварс цы нывгӕнджытӕ уыд, уыдон", - загъта Тамерлан.

Бӕстондӕрӕй - нӕ видеоӕрмӕджы.

8

Дзудцаты Тамерлан: мах нырма кӕронмӕ нӕ зонӕм Къостайы сфӕлдыстад

6
(ранӕуӕггонд 10:35 18.10.2021)
Паддзахадон драмон театры аивадон къухдариуӕггӕнӕг, режиссер Дзудцаты Тамерлан радио Sputnik Хуссар Ирыстоны эфиры радзырдта Хетӕгкаты Къостайы хъӕздыг сфӕлдыстады тыххӕй

Хетӕгкаты Къостайыл кӕд бирӕ уацтӕ ӕмӕ публикацитӕ фыст ӕрцыд, уӕддӕр, режиссер Дзудцаты Тамерланы хъуыдымӕ гӕсгӕ, йе ‘сфӕлдыстад нырма кӕронмӕ иртӕст не ‘рцыд.

"Ӕрмӕст "Ирон фӕндыр"-ыл нӕ хъӕуы ӕрынцайын, фӕлӕ йӕ ӕргомӕй хъӕуы зӕгъын, уый дӕр нырма кӕронмӕ кӕй нӕ сахуыр кодтам ӕмӕ йӕ кӕронмӕ нӕ пропагандӕ кӕнӕм", - бахахх кодта Тамерлан.  

Лӕмбынӕгдӕр – нӕ видеоӕрмӕджы.

6
Уӕрӕсейы хицауад рахицӕн кодта сывӕллӕттимӕ бинонтӕн ӕххуысӕн 28,3 млрд сомы

Уӕрӕсейы хицауад рахицӕн кодта сывӕллӕттимӕ бинонтӕн ӕххуысӕн 28,3 млрд сомы

0
(ранӕуӕггонд 15:39 19.10.2021)
Уӕлӕмхасӕн 28,3 миллиард сомы ацӕудзысты 3-7 азы кары сывӕллӕттимӕ бинонтӕн ӕххуысӕн, ноджы 5,9 миллиард сомы та рахицӕн кӕндзысты бинонтӕн, кӕцытӕ хъомыл кӕнынц ӕртӕ кӕнӕ фылдӕр сывӕллӕтты

ЦХИНВАЛ, 19 окт — Sputnik. Уӕрӕсейаг бинонтӕн, кӕцыты хъомыл кӕнынц 3-7 азы кары сывӕллӕтты, рахицӕн кӕндзысты 28 миллиард сомӕй фылдӕр, хъусын кӕны РИА Новости.

Уӕрӕсейаг премьер Михаил Мишустины уынаффӕмӕ гӕсгӕ, дзырд цӕуы ӕрвылмӕйон фиддоныл, кӕцыйы бӕрцуат баст у бинонты астӕуккаг ӕфтиагыл.

Нысангонд ӕрцыд, бюджетӕй 2021 азы ацы мадзалӕн ныридӕгӕн рахицӕн кодтой 276 миллиард сомы. Уӕлӕмхасӕн фӕрӕзтӕ рахицӕн кӕндзысты хицауады фӕстауӕрцон фондӕй.

"Афтӕ ма бафыстой барамынд, цӕмӕй рахицӕн кӕной 5,9 миллиард сомы бинонтӕн, кӕцытӕ хъомыл кӕнынц ӕртӕ кӕнӕ фылдӕр сывӕллӕтты. Уыдонӕн ма ис бар исын сӕрмагонд ӕрвылмӕйон фиддонтӕ, цалынмӕ сывӕллоныл ӕртӕ азы ма сӕххӕст уа", - дзырдӕуы хъусинаджы.

Хицауады куыд банысан кодтой, афтӕмӕй федералон бюджеты ацы нысӕнттӕн ис 59 миллиард сомӕй фылдӕр. Ныртӕккӕ ахӕм ӕххуыс исынц 620 мин бирӕсывӕллонджын бинонтӕ, уӕлӕмхасӕн фӕрӕзты руаджы та фиддонтӕ исдзысты ноджы 48 мин сывӕллоны ахӕм бинонты.

0