Куыд æххуыс кæнынц волонтертæ Цхинвалы медиктæн "сырх зонæйы" - видео
(ранӕуӕггонд 13:37 06.11.2020)
Бархионтӕ ӕххуыс кӕнынц баллонтӕ ӕвгӕнынӕн республикӕйы "сырх зонӕтӕн", ӕрвылбон уӕзласӕн хӕдтулгӕ цӕуы Дзӕуджыхъӕумӕ туаггуырмӕХуссар Ирыстоны волонтертӕ ӕххуыс кӕнынц республикон бирӕпрофилон медицинон центры "сырх зонӕтӕм" медицинон туаггуыры баллонтӕ хӕссынӕн. Коронавирусы апарахаты фӕстиуӕгӕн фӕстаг рӕстӕджы ӕрвылбон фылдӕр кӕны рынчындоны туаггуыры хӕрдзтӕ.
РБМЦ-йы инфекцийы хайад ӕмӕ сывӕллӕты рынчындон, кӕцы рацарӕзтой коронавирусӕй рынчынтӕн, иумӕ суткӕ хардз кӕны 180 баллон туаггуыр. Уымӕн ӕрмӕст йӕ иу хай цӕуы комкоммӕ линийыл, аннӕ хӕссынц къухӕй баллонты, сӕ иуы уӕз у 89 кг.
Цхуырбаты Тамерлан: Гуыцмӕзты Петры сфӕлдыстадыл фӕзындысты дуджы ивындзинӕдтӕ
(ранӕуӕггонд 10:35 18.10.2021)
Нывгӕнӕг Цхуырбаты Тамерлан радио Sputnik Хуссар Ирыстоны эфиры радзырдта, цавӕр нывгӕнӕг ӕмӕ адӕймаг уыд Гуыцмӕзты Петр, уый тыххӕйАцы аз Хуссар Ирыстоны адӕмон нывгӕнӕг Гуыцмӕзты Петрыл сӕххӕст уыдаит 80 азы. Цхуырбаты Тамерлан куыд радзырдта, уымӕ гӕсгӕ Петрӕн йӕ иууыл стырдӕр хӕрзиуӕг уыд, йӕ хъармдзинад кӕй лӕвар кодта йӕ студенттӕн, уый мидӕг.
"Ӕз Петр Дмитрийы фыртыл фембӕлдтӕн Тугъанты Махарбеджы номыл нывгӕнӕн ахуыргӕнӕндоны куы ахуыр кодтон 1980-ӕм азты, уӕд. Нӕ ахуыргӕнӕг уыд. Йӕ ныхасӕн ын аргъ кодтой, йӕ алыварс цы нывгӕнджытӕ уыд, уыдон", - загъта Тамерлан.
Бӕстондӕрӕй - нӕ видеоӕрмӕджы.
Дзудцаты Тамерлан: мах нырма кӕронмӕ нӕ зонӕм Къостайы сфӕлдыстад
(ранӕуӕггонд 10:35 18.10.2021)
Паддзахадон драмон театры аивадон къухдариуӕггӕнӕг, режиссер Дзудцаты Тамерлан радио Sputnik Хуссар Ирыстоны эфиры радзырдта Хетӕгкаты Къостайы хъӕздыг сфӕлдыстады тыххӕйХетӕгкаты Къостайыл кӕд бирӕ уацтӕ ӕмӕ публикацитӕ фыст ӕрцыд, уӕддӕр, режиссер Дзудцаты Тамерланы хъуыдымӕ гӕсгӕ, йе ‘сфӕлдыстад нырма кӕронмӕ иртӕст не ‘рцыд.
"Ӕрмӕст "Ирон фӕндыр"-ыл нӕ хъӕуы ӕрынцайын, фӕлӕ йӕ ӕргомӕй хъӕуы зӕгъын, уый дӕр нырма кӕронмӕ кӕй нӕ сахуыр кодтам ӕмӕ йӕ кӕронмӕ нӕ пропагандӕ кӕнӕм", - бахахх кодта Тамерлан.
Лӕмбынӕгдӕр – нӕ видеоӕрмӕджы.
Кокойты Тарзан: Галуанты Людайӕн иууыл диссаг уыд йе 'мбӕстагон позици
(ранӕуӕггонд 12:48 23.10.2021)
Парламенты раздӕры депутат, мидхъуыдтӕгты министры хӕдивӕг Кокойты Тарзаны раныхас Галуанты Людмилайӕн фӕстаг харзбон зӕгъыны церемонийыКокойты Тарзан: Галуанты Людайӕн иууыл диссаг уыд йӕ ӕмбӕстагон позици
Хуссар Ирыстоны аивад ӕмӕ интеллигенцийы минӕвӕрттӕ хӕрзбон загътой Адӕмон артисткӕ, поэт Галуанты Людмилайӕн. Фыдохы митинджы церемонийы Кокойты Тарзан йӕ раныхасы банысан кодта, Людмилайӕн йе сфӕлдыстадон курдиат нырма иртӕстгонд кӕй не ‘рцыд.
"Фӕлӕ иууыл диссаг уыд йӕ ӕмбӕстагон позици. Ирыстоны сӕрмӕ сау мигътӕ куы ‘ртымбыл сты, ӕмӕ ныл гадзрахатӕй куы рацыдысты алӕрдыгӕй дӕр, уӕд хъуыддаг цӕмӕ цӕуы, уый алчи не ‘мбӕрста. Фӕлӕ Галуанты Люда уыд, чи йӕ ‘мбӕрста, уыдонӕй", - загъта Кокойты Тарзан.
Тарзаны ныхӕстӕм гӕсгӕ, Галуанты Людмилайы фӕлтӕр сӕхиуыл банкъардтой ирон ӕвзаг, культурӕ ӕмӕ националон традициты дӕлдзиныг.
"Диссаг уыд йӕ ныфсхаст, парламенты кусгӕйӕ афтӕ дзырдта – ныфсхастдзинад дам у уӕлахизӕн йе ‘мбис", - банысан кодта Кокойты Тарзан.
Уый ма куыд бафиппайдта, афтӕмӕй Людмила Графы чызг ӕмбӕрста, сӕрибардзинад кӕй никуы вӕййы лӕварӕй дӕтгӕ.
Темӕтӕ: