Цъоны æртыккаг сезон: куыд кусы Хуссар Иры къахдзоныгътыл бырæн иунæг курорт - видео

25
(ранӕуӕггонд 16:11 22.01.2021)
Цъоны хъæу æвæрд у 1700 метры денджызы æмвæзадæй бæрзонддæр. Фæндаг æм цæуы хæрзвадат трассæ Цхинвал-Гуфта-Къуаисайыл

Хуссар Ирыстоны иунӕг къахдзоныгътыл бырӕн трассӕ "Цъон"-ы ацы аз фӕзындысты ногдзинӕдтӕ. Раздӕры рӕстӕгмӕ цатырты бӕсты Цъоны ӕвӕрд ӕрцыд ӕдзухон хъармгӕнӕн пункт 54 квадратон метры бӕрц. Ногдзинӕдтӕм ма бахӕссӕн ис уый дӕр, ӕмӕ трассӕ ныр иу ахӕм кӕй фӕдаргъдӕр ис. Кӕд раздӕр йӕ дӕргъ уыд 900 метры, уӕд ныр та у 2 км.

Цъоны хъæу æвæрд у 1700 метры денджызы æмвæзадæй бæрзонддæр. Фæндаг æм цæуы хæрзвадат трассæ Цхинвал-Гуфта-Къуаисайыл.

25

Пæррæстаты Дмитрий: театралон дунейы ис бирæ стереотиптæ

14
(ранӕуӕггонд 13:53 25.02.2021)
Хуссар Ирыстоны адæмон артист Пæррæстаты Дмитрий радио Sputnik эфиры радзырдта йæ дæсныйады тыххæй

Пæрæстаты Дмитрий куыд радзырдта, уымæ гæсгæ чысылæй фæстæмæ йæ бæллиц уыд актер суӕвын. Фӕлӕ, йӕ ныхӕстӕм гӕсгӕ, уыцы рæстæджы уыд æндыгъд уавæр æрмæст Хуссар Ирыстоны нæ, фæлæ æмтгæй Советон Цæдисы.

"Уæрæсейæ æрцыд хонӕн фыстæг нæхимæ, цы ран фадат лæвæрдтой Мæскуыйы Щепкины номыл уæлдæр театралон ахуыргӕнӕндонмӕ бацӕуынӕн. Æртымбыл стæм 20 адæймаджы бæрц æмæ ацыдыстым ахуырмæ", - дзуры Дмитрий.

Бӕстондӕрӕй - нӕ видеоӕрмӕджы

14
Темӕтӕ:
Радио иронау

Сæрыстыр дæн, Галуанты Люда æмæ Плиты Жаннайы дуджы кæй цæрын Дзудцаты Тамерлан

8
(ранӕуӕггонд 13:48 17.02.2021)
Паддзахадон драмон театры аивадон къухдариуæггæнæг Дзудцаты Тамерлан радио Sputnik эфиры радзырдта дыууæ зындгонд ирон сылгоймаджы сфæлдыстады тыххæй

Февралы Хуссар Ирыстоны райгуырдысты дыууæ гениалон сылгоймаджы, кæцытæ стыр хай бавæрдтой ирон аивадон хæзнадоны – Плиты Жанна æмæ Галуанты Людмила. Дзудцаты Тамерланы хъуыдымæ гæсгæ, ирæттæ хъуамæ стыр аргъ кæной ацы диссаджы курдиатджын адæмæн.

"Плиты Жаннайæн йæ музыкалон уацмыстæ сты космикон. Галуанты Люда та у стыр дамгъæтæй фыст гениалон актрисæ", - банысан кодта режиссер.

Лæмбынæгдæр - нæ видеоæрмæджы.

8
Темӕтӕ:
Радио иронау
Хъӕбӕр цардуагон ӕвзарӕнты пресс кӕнынӕн фӕзуат

Хуссар Иры скусдзӕн бырондоны фӕзуат

7
Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис – уый руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ

ЦХИНВАЛ, 5 мар — Sputnik, Хъуылымбегты Азӕмӕт. Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис, фехъусын кодта Хуссар Ирыстоны арӕзтад, архитектурӕ ӕмӕ ЦКХ министрады минӕвар Къацты Сослан.

Фӕзуат ис ног быроны полигоны цур, кӕцы сарӕзтой Цхинвалы районы Ирыхъӕуы. Уым сарӕзтой ангар, кӕдӕм ласдзысты бырон, уый фӕстӕ та йӕ пресс кӕндзысты. Уый фӕдыл бӕстыхайы сӕвӕрдтой сӕрмагонд техникӕ.

Площадки для компактирования твердых коммунальных отходов (ТКО)
© Sputnik / Азамат Кулумбегов
Хъӕбӕр цардуагон ӕвзарӕнты пресс кӕнынӕн фӕзуат
"Ифтонггарз кусы. Ӕвзарӕнтӕ пресс кӕнынӕн фӕзуатимӕ полигон цӕттӕ у эксплуатацимӕ раттынмӕ. Тагъд рӕстӕджы скусдзӕн", - банысан кодта Къацты Сослан.

Полигоны территорийыл сӕвӕрдтой вагонтӕ персоналӕн, афтӕ ма дзы ауагътой электрохызӕгтӕ, йӕ бацӕуӕнты та ӕвӕрд ӕрцыд асфальт.

Арӕзтады министрады специалисттӕ куыд банысан кодтой, афтӕмӕй ацы методикӕйы руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ. Полигонӕй Присы иууыл ӕввахсдӕр цӕрӕг бӕстыхаймӕ у 2,5 километры. Йӕ эксплуатацийы ӕмгъуыд у 25 азы.

Объект арӕзт ӕрцыд инвестицион программӕйы фӕлгӕтты.

7