Хуссар Иры вакцинӕ "Спутник V" сарзыны тыххӕй бахатыдысты ныридӕгӕн 500 адӕймаджы

4
(ранӕуӕггонд 15:47 12.05.2021)
Вакцинаци Хуссар Иры райдыдта майы райдайӕны. Прививкӕтӕ аразынц нырма медиктӕ ӕмӕ иммунитет ныллӕгкӕнӕн низтимӕ чи тох кӕны, уыцы адӕмӕн. Вакцинацийы тыххӕй лӕмбынӕгдӕр Sputnik радзырдта ӕнӕниздзинад хъахъхъӕнынады министры хӕдивӕг Наниты Сослан

Чысыл паузӕйы фӕстӕ та Хуссар Ирыстоны сног кодтой прививкӕтӕ аразын коронавирусы ныхмӕ. Коронавирусы ныхмӕ уӕрӕсейаг вакцинӕ "Sputnik V"-йы фыццаг парти республикӕмӕ ӕрластой 30 апреля. Препаратимӕ цыппар контейнеры фӕхӕццӕ кодтой республикон бирӕпрофилон медцентрмӕ. Фыццаг прививкӕтӕ сарӕзтӕуыд 3 майы.

Хуссар Ирыстоны ӕнӕниздзинад хъахъхъӕнынады министры хӕдивӕг Наниты Сосланы ныхӕстӕм гӕсгӕ, прививкӕ сарзыны тыххӕй бахатыдысты ныридӕгӕн 500 адӕймаджы. Уыдонӕй сӕдӕйы бӕрц сты республикӕйы медуагдӕтты кусджытӕ.

Бирӕ куырдиӕттӕ цӕуынц районтӕй дӕр.

4

Карсанты Гурам: ирон адӕм туристтӕм уазджыты хуызӕн кӕсынц

10
(ранӕуӕггонд 11:54 03.06.2021)
Экскурситӕ уадзӕг, гид Карсанты Гурам радио Sputnik Хуссар Ирыстоны эфиры радзырдта туризмы индустрийы проблемӕты тыххӕй

Фӕстаг рӕстӕджы ӕддагон туристты цымыдис кӕнын райдыта Хуссар Ирыстон. Гид Карсанты Гурамы ныхӕстӕм гӕсгӕ, ахсджиаг у развӕлгъау базонын туристты домӕнтӕ.

"Уазӕг нӕм куы ‘рцӕуы, уӕд мах ахуыр стӕм иумӕйаг фынг ӕрӕвӕрыныл, фӕлӕ туристӕн ис йӕхи домӕнтӕ, чи карчы фыдӕн ӕрмӕстдӕр йӕ урс дзидза хӕры, кӕй та ӕнӕхъӕн уӕлибых нӕ хъӕуы, ӕмӕ уымӕ не ‘сты цӕттӕ нӕдӕр нӕ хӕрӕндӕттӕ, нӕдӕр адӕм", - бафиппайдта гид.

Бӕстондӕрӕй нӕ видеоӕрмӕджы.

10
Темӕтӕ:
Радио иронау

Фӕстаг дзӕнгӕрӕг Хуссар Иры: куыд хӕрзбон кодтой рауагъдонтӕ скъолайӕн - видео

21
(ранӕуӕггонд 15:51 25.05.2021)
Хуссар Ирыстоны скъолаты фӕстаг дзӕнгӕрӕг дыццӕджы айзӕлыд 519 иуӕндӕсӕмкъласонӕн. Бӕрӕгбон адарддӕр уыдзӕн изӕры Театралон фӕзуатыл концертӕй

Зноны скъоладзаутӕн цытджын линейкӕты рӕстӕджы раарфӕ кодтой ахуыргӕнджытӕ, ныййарджытӕ ӕмӕ хӕлӕрттӕ.

Цытджын линейкӕ рауагъдонтӕн, традицимӕ гӕсгӕ, ссис сӕ курдиӕттӕ равдисыны фӕзуат. Зарджытӕ, кафт ныййарджытимӕ, хӕрзбонон вальс ӕмӕ рауагъдонты цӕссыгтӕ - ахӕмӕй бахъуыды кӕндзысты ахуырдзаутӕ ацы бон.

Цытджын хайы фӕстӕ фӕсивӕд, традицимӕ гӕсгӕ ныффыстой сӕ фӕндиӕгтӕ кӕрӕдзи раздарӕнтӕ ӕмӕ хӕдӕттыл.

Бӕрӕгбон адарддӕр уыдзӕн изӕры Театралон фӕзуатыл концертӕй.

21
Мæргъиты Ирбег

Æвзонг натуралистты бæрæгбон банысан кодтам экологион акцийæ Мæргъиты Ирбег

0
(ранӕуӕггонд 16:06 15.06.2021)
Æвзонг натуралистты станцæйы сæргълæууæг Мæргъиты Ирбег радио Sputnik Хуссар Ирыстоны эфиры радзырдта, сӕ бæрæгбонмæ цавӕр акцитæ ауагътой, уыдон тыххæй
Æвзонг натуралистты бонмæ сарæзтам экологион акци – Мæргъиты Ирбег

Æвзонг натуралистты бон ӕрвылаз дæр нысан кæнынц 15 июны. Хуссар Ирыстоны Æвзонг натуралистты станцæйы сæргълæууæг Мæргъиты Ирбег куыд радзырдта, уымæ гæсгæ ацы бонмæ æрвылаз дæр сывæллæтимæ бацæттæ кæнынц мадзæлттæ æмæ равдысттæ. Фæлæ ацы аз станцæмæ цы фæндаг цæуы, уый цалцæгкæнæн куыстытæ бакъуылымпы кодтой саразын ахæм мадзæлттæ.

"Фæлæ ахуыргæнджыты советы ахæм фæндон рахастам, цæмæй нæхæдæг саразæм экологион акци. Уыцы акцийæн бынат равзæрстам Хеуиты хъæу - уым дыууæ суадоны рæзтæ хъуыд ныссыгъдæг кæнын бырæттæй", - загъта Мæргъиты Ирбег.

Станцæйы сæргълæууæг куы банысан кодта, уымæ гæсгæ абон 11 сахатыл ацыдысты натураистты станцæйы минæвæрттæ уыцы дыууæ суадонмæ æмæ сын сæ алфæмблай ныссыгъдæг кодтой.

"Хъыгагæн, не 'мбæстæгтæ аккаг хъусдард нæ дарынц нæ алфæмблай æрдзмæ æмæ уый æвзæн хабар у. Алы адæймаг дæр Ирыстоны хæсджын у, цæмæй кæм бада, цæра æмæ цæуа, уым ма бырон кæна", - бахахх кодта Ирбег.

Уый банысан кодта, æрдзы сыгъдæгдзинадæн кæй ис ахсджиаг нысаниуæг æмæ уыцы хъуыдыйыл хъомыл кæнынц сæ ахуыргæнинæгты дæр.

0
Темӕтӕ:
Радио иронау