Цытджын "дембель": куыд афæндараст кодтой хуссарирыстойнаг æрсидтонты запасмæ - видео

11
(ранӕуӕггонд 16:20 14.05.2021)
Цхинвалы майрæмбоны ахынцыдтой запасмæ æрсиддонты, кæцытæ рацыдысты æфсæддон службæ. Цытджын церемони ацыд Хуссар Иры Хъахъхъæнынады министрады æфсæддон городокы плацыл

Ацы аз æфсæддон билеттæ райсдзысты 66 адæймаджы. Уыдонæн раарфæ кодта хъахъхъæнынады министр инæлар-лейтенант Гассеты Ибрагим.

"Афæдзы размæ æфсады рæнхъытæм æрсидтысты æвзонг лæппутæм, кæцытæ цæсгомджынæй æмæ хъæбатырæй æххæст кодтой сæ конституцион æмæ æхсæнадон хæс, бахастой сæ хайбавæрд паддзахадон суверенитет æмæ территориалон æнæхъæндзинад бахъахъхъæнынмæ", - загъта уый.

Министр банысан кодта, зæгъгæ, уæрæсейаг уæлдæр æфсæддон ахуыргæнæндæттæм кæй фæнды бацæуын, уыдонæн бакæндзысты максималон æххуыс.

11

Карсанты Гурам: ирон адӕм туристтӕм уазджыты хуызӕн кӕсынц

10
(ранӕуӕггонд 11:54 03.06.2021)
Экскурситӕ уадзӕг, гид Карсанты Гурам радио Sputnik Хуссар Ирыстоны эфиры радзырдта туризмы индустрийы проблемӕты тыххӕй

Фӕстаг рӕстӕджы ӕддагон туристты цымыдис кӕнын райдыта Хуссар Ирыстон. Гид Карсанты Гурамы ныхӕстӕм гӕсгӕ, ахсджиаг у развӕлгъау базонын туристты домӕнтӕ.

"Уазӕг нӕм куы ‘рцӕуы, уӕд мах ахуыр стӕм иумӕйаг фынг ӕрӕвӕрыныл, фӕлӕ туристӕн ис йӕхи домӕнтӕ, чи карчы фыдӕн ӕрмӕстдӕр йӕ урс дзидза хӕры, кӕй та ӕнӕхъӕн уӕлибых нӕ хъӕуы, ӕмӕ уымӕ не ‘сты цӕттӕ нӕдӕр нӕ хӕрӕндӕттӕ, нӕдӕр адӕм", - бафиппайдта гид.

Бӕстондӕрӕй нӕ видеоӕрмӕджы.

10
Темӕтӕ:
Радио иронау

Фӕстаг дзӕнгӕрӕг Хуссар Иры: куыд хӕрзбон кодтой рауагъдонтӕ скъолайӕн - видео

21
(ранӕуӕггонд 15:51 25.05.2021)
Хуссар Ирыстоны скъолаты фӕстаг дзӕнгӕрӕг дыццӕджы айзӕлыд 519 иуӕндӕсӕмкъласонӕн. Бӕрӕгбон адарддӕр уыдзӕн изӕры Театралон фӕзуатыл концертӕй

Зноны скъоладзаутӕн цытджын линейкӕты рӕстӕджы раарфӕ кодтой ахуыргӕнджытӕ, ныййарджытӕ ӕмӕ хӕлӕрттӕ.

Цытджын линейкӕ рауагъдонтӕн, традицимӕ гӕсгӕ, ссис сӕ курдиӕттӕ равдисыны фӕзуат. Зарджытӕ, кафт ныййарджытимӕ, хӕрзбонон вальс ӕмӕ рауагъдонты цӕссыгтӕ - ахӕмӕй бахъуыды кӕндзысты ахуырдзаутӕ ацы бон.

Цытджын хайы фӕстӕ фӕсивӕд, традицимӕ гӕсгӕ ныффыстой сӕ фӕндиӕгтӕ кӕрӕдзи раздарӕнтӕ ӕмӕ хӕдӕттыл.

Бӕрӕгбон адарддӕр уыдзӕн изӕры Театралон фӕзуатыл концертӕй.

21
Ленингор

Хуссар Иры Ленингоры районы ссардтой нӕлгоймаджы мӕрдон буар

4
(ранӕуӕггонд 16:08 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты аххосæгтӕ.

4