Бестауты Тамаз: хæсты рамбулынц "хулигантæ"

63
(ранӕуӕггонд 14:08 25.08.2021)
Уацамонгæйы майданы кавалер Бестауты Тамаз радио Sputnik Хуссар Ирыстоны интервьюйы радзырдта, цы аргъ бафыстой ирон адӕм сӕ хæдбардзинадыл, уый тыххæй

Бестауты Тамаз йæ интервьюйы радзырдта, ирон-гуырдзиаг хӕстыты цы уавæрты хæцыдысты хуымæтæг ирон лæппутæ, уый тыххӕй.

"Æхсæв æмæ мын бон нæ уыд, Присы къуылдым куы хъахъхъæдтам, уæд. Фыццаг дыууæ-æртæ къуыри дзы ницы уыд арæзт, нæдæр дзы окоппытæ уыд. Цалынмæ уыдон къахтой, уæдмæ гуырдзиæгтæ нæ æрлæууыдысты сæ æхсынæй. Мæ тыхтæ фесæфтысты макæуыл дзы мацы æрцæуайы мæтæй", - радзырдта Тамаз.

Бӕстондӕрӕй нӕ видеоӕрмӕджы.

63

Остъаты Роберт: тынг зын мын у мысын Беслæны трагеди

52
(ранӕуӕггонд 12:22 03.09.2021)
Хуссар Ирыстоны парламенты депутат Остъаты Роберт радио Sputnik интервьюйы æрымысыд 2004 азы Беслæны трагикон бонтæ

Остъаты Роберт æнæнхъæлæджы æвдисæн ссис уыцы бонты Беслæны уæззау цаутæн. Йæ ныхæстæм гæсгæ, фын фенæджы хуызæн уыдысты, кæронмæ никæй уырныдта, ахæм фыдми кæй ис гæнæн æруадзын.

"Знаджы уыныс æмæ йемæ тох кæныс - уый æндæр хъуыддаг у, фæлæ йæ уым та зоныс, сывæллæттæ сæ къухы кæй сты, æмæ дæ мигæнæн кæцырдæм адарай, уый дæр нæ зоныс", - банысан кодта Роберт.

Интервьюмæ æнæхъæнæй бакæсут нæ видеоæрмæджы.

52

Бибылты Анатолий ӕмӕ Рашид Нургалиев бакодтой МХМ ИКЦ бӕстыхӕйтты комплекс Цхинвалы

16
(ранӕуӕггонд 15:55 26.07.2021)
ИКЦ директор Болататы Алан радзырда Центры архайды фӕстиуджыты тыххӕй, дӕнцӕгӕн уый ӕрхаста конкретон мадзӕлттӕ фыдгӕнджыты агурын ӕмӕ ӕрцахсыны фӕдыл

Хуссар Ир ӕмӕ Уӕрӕсейы мидхъуыддӕгты органты иумӕйаг информацион-координацион центры территорийыл Цхинвалы кӕронмӕ бахӕццӕ бӕстыхӕйттӕ ӕмӕ агъуыстты комплексы арӕзтады даккаг этап.Абон официалонӕй бакондӕуыд Центры объекттӕ.

Мадзалы хайад райстой президент Бибылты Анатолий, Хуссар Ирыстонмӕ кусӕгон балцы ӕрцӕуӕг Уӕрӕсейы Ӕдасдзинады Советы секретары хӕдивӕг Рашид Нургалиев, афтӕ ма Цӕгат Иры мидхъуыддӕгты министр Михаил Скоков.

Мадзалы рӕстӕджы ИКЦ къорд кусӕджы хицӕн ӕрцыдысты паддзахадон ӕмӕ уагдонон хорзӕхтӕй.

Бӕстондӕрӕй - нӕ видеоӕрмӕджы.

16
Цхуырбаты Тимур

Цхуырбаты Тимур: Хуссар Иры паддзахады бындур сæвæрдтой "Адæмон ныхасы" минæвæрттæ

6
(ранӕуӕггонд 10:45 20.09.2021)
Хуссар Ирыстоны фыццаг æрсидты депутат, фыдыбæстæ хъахъхъæнæг Цхуырбаты Тимур радио Sputnik эфиры радзырдта, паддзахадон тырыса æмæ республикæйæн цы нысаниуæг ис, уый тыххæй
Цхуырбаты Тимур: Хуссар Ирыстоны паддзахады бындур сæвæрдтой "Адæмон ныхасы" минæвæрдтæ

Хуссар Ирыстон ацы бонты нысан кæны дыууæ ахсджиаг бæрæгбоны – Паддзахадон тырыса æмæ Республикæйы бон. Цхуырбаты Тимур куыд радзырдта, уымæ гæсгæ республикæйæн дæр æмæ паддзахадон тырысайæн дæр бындур сæвæрдтой æхсæнадон змæлд "Адæмон ныхас"-ы минæвæрттæ.

"Ирыстоны бахъахъхъæнынæн мах сарæзтам практикон змæлд, фæлæ йын бындур сæвæрдтой "Адæмон ныхасы" уæнгтæ. Фыццаг уыд идейæ, æнæ уый æрмæст хъаруйæ ныцы сараздзынæ, æнæмæнг дзы хъæуы идейæ", - загъта Тимур.

Уый æрхъуыды кодта, паддзахад сæвзæрдты цы адæм архайдтой, уыдон, уæлдайдæр та Цоциты Аланы.

"Гуырдзыстон фыццаг хатт 23 ноябры куы æрбацыд, уæд уыдон тынг цæттæ уыдысты, махмæ та уыд æрмæстдæр хъару, тырыса дæр нын нæ уыд. Ленины портрет сын сæ размæ рахастам сырх тырысаимæ, уымæн нæ, æмæ Ленины табугæнджытæ уыдыстæм, фæлæ гуырдзиæгтæ мæсты кодтой, æмæ уый тыххæй", - бафиппадта Тимур.

Фыдыбæстæ хъахъхъæнæг ма куыд банысан кодта, афтæмæй Хуссар Ирыстоны паддзахадон тырыса идеологон æмæ эстетикон домæнтæм гæсгæ у æххæст.

6
Темӕтӕ:
Радио иронау