Казахстаны президентæй ногæй æвзæрст æрцыд Нурсултан Назарбаев.

Владимир Путин раарфæ кодта Назарбаевæн президентон æвзæрстыты фæуæлахизы цытæн

25
(ранӕуӕггонд 09:50 02.06.2015)
Уæрæсейы сæргълæууæг Владимир Путин арфæйы фыстæг арвыста йæ казахстайнаг коллегæ Нурсултан Назарбаевмæ, цыран банысан кодта, зæгъгæ авзæрстыты фæстиуджытæ дзурæг сты Назарбаевы бæрзонд авторитетыл.

Цхинвал, 27 апр – Sputnik. Уæрæсейы сæргълæууæг Владимир Путин раарфæ кодта йæ казахстайнаг коллегæ Нурсултан Назарбаевæн, фæстæмæ президентæй 'взæрст кæй æрцыд, уый тыххæй, фехъусын кодта къуырисæры Кремлы пресс-службæ.

Казахстаны ЦÆК куыд фехъусын кодта, афтæмæй Назарбаев хуыцаубоны æнæрадон президентон æвзæрсыты райста хъæлæсты 97,7 %. Æвзрстыты хайад райста Казахстаны æмбæстæгты 95%.

Владимир Путин банысан кодта, дарддæр дæр цæттæ кæй у Казахстанимæ æмгуыстадмæ, афтæ ма Евразиаг экономикон цæдисы фæлгæтты конструктивон æмархайдмæ.

"Уæрæсейы президент равдыста разыдзинад, цæмæй иумæйаг куыст дыууæ бæстæйы сæрибар æмæ сабырады сæраппонд дарддæр æрцæуа", — дзырд цæуы арфæйы фыстæджы.

Афтæ ма Уæрсейы сæргълæууæг æрдзырдта, æвзæрстыты фæстиуджытæ кæй дзурынц Назарбаевы бæрзонд авторитетыл йе мбæстæгты æхсæн, кæцытæ равдыстой разыдзинад сæ президенты политикон курсимæ. Уый та сæйраджыжæр у Казахстаны социалон-экономикон райрæзт, активон хайад исын евразиаг интеграцион процессты, Уæрæсеимæ хæларадон æмæ æмгуыстадон ахастытæ бафидар кæнын.

Нурсултан Назарбаев
© Sputnik
Нурсултан Назарбаев на президентских выборах в Казахстане

Казахстаны Конституцимæ гæсгæ президент нымад у республикæйы сæргълууæгыл, кæцы нысан кæны бæстæйы мидæггагон мæ æддагон политикæйы сæйраг кахдзæфтæ.

Республикæйы президент æвзæрст цæуы конституцион законмæ гæсгæ, æххæсткар æмбæстæгты æппæтиумæйаг хъæлæскæнынады руаджы. Президент æвзæрст цæуы фондз азы æмгъуыдмæ.

Нурсултан Абишы фырт Назарбаев райгуырд 6-æм июля 1940 азы Алма-Атæйы облæсты Чемолганы хъæуы.

25
Мӕскуы

Мӕскуыйӕн нывонд: Хуссар Иры фӕсивӕды хонынц ӕппӕтуӕрӕсейон конкурсы хайад райсынмӕ

17
(ранӕуӕггонд 09:50 09.06.2021)
Конкурсмӕ ист цӕуынц хуызфыссынады къабазы куыстытӕ, аив кӕсынӕй видеороликтӕ ӕмӕ вокалон номыртӕ, уыдон иууылдӕр хъуамӕ уой Уӕрӕсейы столицӕимӕ баст

ЦХИНВАЛ, 8 июн – Sputnik, Плиты Фатимæ. Хуссар Ирыстоны фӕсивӕд хайад райсдзысты ӕппӕтуӕрӕсейон Мӕскуыйы ӕддагон бастдзинӕдты фӕдыл уагдӕтты бацӕттӕгонд конкурс "Москва в сердце каждого"-йы, хъусын кӕны РХИ Уӕрӕсейы минӕвӕрады сайт.

Конкурсмӕ ист цӕуынц хуызфыссынады куыстытӕ, аив кӕсынӕй видеороликтӕ ӕмӕ вокалон номыртӕ, уыдон иууылдӕр хъуамӕ уой Уӕрӕсейы столицӕимӕ баст.

"Конкурсы сӕ бон у хайад райсын 7-17 азы кары сывӕллӕттӕн, кӕцытӕ сты Уӕрӕсейы ӕмбӕстӕгтӕ, фӕлӕ цӕрынц фӕсарӕнты. Ис дзы ӕртӕ номинацийы - хуызфыссынад "Москва глазами детей", хифыст ӕмдзӕвгӕйы бакасты видеоролик "Москва - сердце родины моей" ӕмӕ вокалон номыр "И вспомню о Москве...". Ӕппӕт куыстытимӕ хъуамӕ уа ӕмбарынгӕнӕн эссе", - дзырдӕуы хъусинаджы.

Сфӕлдыстадон конкурс цӕуы 2021 азы 31 маййӕ октябрьмӕ. Фыццаг этап балхынцъ уыдзӕн ацы мӕйы кӕрон, уӕд ӕруромдзысты куыстыты ист дӕр. Стӕй куыстмӕ бавналдзысты жюрийы уӕнгтӕ. 2 сентябрьмӕ хатдзӕгтӕ сараздзысты ӕмӕ сӕ цӕттӕ кӕндзысты Мӕскуымӕ ацӕуынмӕ.

Фӕндагон ӕмӕ уазӕгуаты цӕрыны хӕрдзтӕ организатортӕ исынц сӕхимӕ.

Мадзалы организатортӕ сты Мӕскуыйы ӕддагон бастдзинӕдты департамент ӕмӕ "Московский Дом соотечественника" Мӕскуыйы мэрийы ӕххуысӕй.

17
Башар Асады ногӕй равзӕрстой Сирийы президентӕй

Башар Асады ногӕй равзӕрстой Сирийы президентӕй

9
(ранӕуӕггонд 11:25 28.05.2021)
Ныры президентӕн схъӕлӕс кодтой ӕвзарджыты 95,1 проценты

ЦХИНВАЛ, 28 май - Sputnik. Башар Асад рамбылдта Сирийы президентон ӕвзӕрстыты. Уый тыххӕй фехъусын кодта сириаг парламенты спикер Хаммуд Саббаг.

Бӕрӕггӕнӕнтӕм гӕсгӕ, Асадыл схъӕлӕс кодтой 13 милуан 540 мин 860 адӕймаджы (хъӕлӕс кӕныны бар ӕдӕппӕт уыд 18 милуанӕй фылдӕр сириагӕн).

"Башар Асад райста хъӕлӕсты 95,1 проценты", - загъта Хаммуд Саббаг.

Башар Асады, кӕцы у Сирийы президент 2000 азӕй фӕстӕмӕ, равзӕрстой ноджы иу авдазон ӕмгъуыдмӕ. Ивгъуыд ӕвзӕрстыты 2014 азы уый райста хъӕлӕсты 88 проценты.

Хуссар Ирыстоны парламенты спикер Тадтаты Алан, кӕцы ис Дамаскы ӕхсӕнадӕмон цӕстдарӕджы хуызы, фехъусын кодта, Ныгуылӕны бӕстӕты ӕндавдадмӕ ӕнӕкӕсгӕйӕ сириаг адӕм загътой сӕ хъуыды ӕвзӕрстыты.

"Мах ныр уынӕм, адӕм кӕй цин кӕнынц – Дамаскы, афтӕ ма Сирийы ӕндӕр горӕтты. Сирийӕн ис ирд фидӕн ныры къухдариуӕгадимӕ", - загъта Тадтаты Алан.

Президентон ӕвзӕрстытӕ Сирийы ацыдысты 26 майы. 12 мин ӕвзарӕн фадыджы куыстой 7.00 сахатӕй ӕмбисӕхсӕвмӕ. Официалон бӕрӕггӕнӕнтӕм гӕсгӕ, хъӕлӕсдӕттын алы провинцийы дӕр ацыд ӕнӕ фехӕлдтӕй.

9
Мæргъиты Ирбег

Æвзонг натуралистты бæрæгбон банысан кодтам экологион акцийæ Мæргъиты Ирбег

0
(ранӕуӕггонд 16:06 15.06.2021)
Æвзонг натуралистты станцæйы сæргълæууæг Мæргъиты Ирбег радио Sputnik Хуссар Ирыстоны эфиры радзырдта, сӕ бæрæгбонмæ цавӕр акцитæ ауагътой, уыдон тыххæй
Æвзонг натуралистты бонмæ сарæзтам экологион акци – Мæргъиты Ирбег

Æвзонг натуралистты бон ӕрвылаз дæр нысан кæнынц 15 июны. Хуссар Ирыстоны Æвзонг натуралистты станцæйы сæргълæууæг Мæргъиты Ирбег куыд радзырдта, уымæ гæсгæ ацы бонмæ æрвылаз дæр сывæллæтимæ бацæттæ кæнынц мадзæлттæ æмæ равдысттæ. Фæлæ ацы аз станцæмæ цы фæндаг цæуы, уый цалцæгкæнæн куыстытæ бакъуылымпы кодтой саразын ахæм мадзæлттæ.

"Фæлæ ахуыргæнджыты советы ахæм фæндон рахастам, цæмæй нæхæдæг саразæм экологион акци. Уыцы акцийæн бынат равзæрстам Хеуиты хъæу - уым дыууæ суадоны рæзтæ хъуыд ныссыгъдæг кæнын бырæттæй", - загъта Мæргъиты Ирбег.

Станцæйы сæргълæууæг куы банысан кодта, уымæ гæсгæ абон 11 сахатыл ацыдысты натураистты станцæйы минæвæрттæ уыцы дыууæ суадонмæ æмæ сын сæ алфæмблай ныссыгъдæг кодтой.

"Хъыгагæн, не 'мбæстæгтæ аккаг хъусдард нæ дарынц нæ алфæмблай æрдзмæ æмæ уый æвзæн хабар у. Алы адæймаг дæр Ирыстоны хæсджын у, цæмæй кæм бада, цæра æмæ цæуа, уым ма бырон кæна", - бахахх кодта Ирбег.

Уый банысан кодта, æрдзы сыгъдæгдзинадæн кæй ис ахсджиаг нысаниуæг æмæ уыцы хъуыдыйыл хъомыл кæнынц сæ ахуыргæнинæгты дæр.

0
Темӕтӕ:
Радио иронау