Казахстаны президентæй ногæй æвзæрст æрцыд Нурсултан Назарбаев.

Владимир Путин раарфæ кодта Назарбаевæн президентон æвзæрстыты фæуæлахизы цытæн

25
(ранӕуӕггонд 09:50 02.06.2015)
Уæрæсейы сæргълæууæг Владимир Путин арфæйы фыстæг арвыста йæ казахстайнаг коллегæ Нурсултан Назарбаевмæ, цыран банысан кодта, зæгъгæ авзæрстыты фæстиуджытæ дзурæг сты Назарбаевы бæрзонд авторитетыл.

Цхинвал, 27 апр – Sputnik. Уæрæсейы сæргълæууæг Владимир Путин раарфæ кодта йæ казахстайнаг коллегæ Нурсултан Назарбаевæн, фæстæмæ президентæй 'взæрст кæй æрцыд, уый тыххæй, фехъусын кодта къуырисæры Кремлы пресс-службæ.

Казахстаны ЦÆК куыд фехъусын кодта, афтæмæй Назарбаев хуыцаубоны æнæрадон президентон æвзæрсыты райста хъæлæсты 97,7 %. Æвзрстыты хайад райста Казахстаны æмбæстæгты 95%.

Владимир Путин банысан кодта, дарддæр дæр цæттæ кæй у Казахстанимæ æмгуыстадмæ, афтæ ма Евразиаг экономикон цæдисы фæлгæтты конструктивон æмархайдмæ.

"Уæрæсейы президент равдыста разыдзинад, цæмæй иумæйаг куыст дыууæ бæстæйы сæрибар æмæ сабырады сæраппонд дарддæр æрцæуа", — дзырд цæуы арфæйы фыстæджы.

Афтæ ма Уæрсейы сæргълæууæг æрдзырдта, æвзæрстыты фæстиуджытæ кæй дзурынц Назарбаевы бæрзонд авторитетыл йе мбæстæгты æхсæн, кæцытæ равдыстой разыдзинад сæ президенты политикон курсимæ. Уый та сæйраджыжæр у Казахстаны социалон-экономикон райрæзт, активон хайад исын евразиаг интеграцион процессты, Уæрæсеимæ хæларадон æмæ æмгуыстадон ахастытæ бафидар кæнын.

Нурсултан Назарбаев
© Sputnik
Нурсултан Назарбаев на президентских выборах в Казахстане

Казахстаны Конституцимæ гæсгæ президент нымад у республикæйы сæргълууæгыл, кæцы нысан кæны бæстæйы мидæггагон мæ æддагон политикæйы сæйраг кахдзæфтæ.

Республикæйы президент æвзæрст цæуы конституцион законмæ гæсгæ, æххæсткар æмбæстæгты æппæтиумæйаг хъæлæскæнынады руаджы. Президент æвзæрст цæуы фондз азы æмгъуыдмæ.

Нурсултан Абишы фырт Назарбаев райгуырд 6-æм июля 1940 азы Алма-Атæйы облæсты Чемолганы хъæуы.

25
Эльбрус бӕрзӕндыл амардысты фондз альпинисты

Эльбрусы бӕрзӕндыл амардысты фондз альпинисты

25
Эльбрусы бӕрзӕндыл знон ныффидар ис 19 адӕймаджы скондӕй къорд, агурӕн-ирвӕзынгӕнӕн операцийы рӕстӕджы фервӕзын кодтой 14 альпинисты

ЦХИНВАЛ, 24 сен - Sputnik. Эльбрусы бӕрзӕндыл амардысты фондз альпинисты, 14 фервӕзын кодтой. Къорд ныффидар ис Эльбрусыл 5 400 метры бӕрзӕндыл знон. Альпинисттӕ ракуырдтой ӕххуыс боныгъӕд кӕй февзӕрдӕр, уый тыххӕй.

"Мах фӕдзӕгъӕл стӕм. Ихыл фӕбырыдыстӕм ӕмӕ бынмӕ хауын райдыдтам. Иу лӕппу нӕ асаста йӕ къах", - радзырдта къорды хайадисджытӕй иу.

Нӕлгоймаджы ныхӕстӕм гӕсгӕ, ирвӕзынгӕнджытӕн бантыст бацӕуын цауы бынатмӕ туристтӕ сӕхӕдӕг бынмӕ хизын куы райдыдтой, уӕд. Альпинисттӕ иууылдӕр райстой буары цӕфтӕ  

25
Хуссар Ир спайда кӕндзӕн Мӕскуыйы фӕлтӕрддзинадӕй комфортон горӕтон фалдзусы арӕзтады

Хуссар Ир спайда кӕндзӕн Мӕскуыйы фӕлтӕрддзинадӕй комфортон горӕтон фалдзусы арӕзтады

27
(ранӕуӕггонд 12:23 16.09.2021)
Бибылты Анатолий Мӕскуымӕ йӕ балцы рӕстӕджы бацыд парк "Говоровский лес"-мӕ. Бӕстӕйы сӕргълӕууӕг базонгӕ парчы проекты историимӕ, афтӕ ма объекты арӕзтады лыстӕг хӕйттимӕ

ЦХИНВАЛ, 16 сен - Sputnik. Хуссар Ирыстоны Бибылты Анатолий бацыд  парк "Говоровский лес"-мӕ Ног Мӕскуыйы. Республикӕйы раздзог улӕфӕн бынатмӕ фӕуазӕг Мӕскуыйаг районы администрацийы сӕргълӕууӕг Дания Андрецова ӕмӕ Паддзахадон думӕйы депутат Дмитрий Саблинимӕ.

Проектгӕнджытӕ радзырдтой хуссарирыстойнаг президентӕн парчы историйы тыххӕй ӕмӕ равдыстой, куыд гӕнӕн ис саразын горӕты мидӕг улӕфӕн зонӕ, уыимӕ алкӕцы бӕлас дӕр бахъахъхъӕнгӕйӕ.

Хъусинагӕй куыд бӕрӕг у, афтӕ ма ацы бонты ног объекттӕ равдисдзысты Сирийы делегаттӕн дӕр.

27
Коронавирус

Югосетпотребнадзор фехъусын кодта ног бӕрӕггӕнӕнтӕ коронавирусы фӕдыл

0
(ранӕуӕггонд 14:01 28.09.2021)
Пандемийы рӕстӕджы республикӕйы сбӕрӕг кодтой 5908 фӕрынчынуӕвӕджы коронавирусӕй, уыдонӕй 5033 адӕймаджы сӕнӕниз сты

ЦХИНВАЛ, 28 сен - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой 41 ног рынчыны COVID-19-ӕй, фехъусын кодта Sputnik дыццӕджы Югосетпотребнадзоры сӕргълӕууӕг Коцты Марина.

"Нӕ лабораторийы сарӕзтӕуыд 163 иртӕсты, уыдонӕй COVID-19 сбӕрӕг кодтой 41 адӕймагӕн. Медицинон хыгъдӕй систой 99 пациенты. Медикты хъусдарды бын ма сты 875 адӕймаджы", - загъта Коцты Марина.

Хуссар Ирыстоны абоны онг коронавирусӕй ӕдӕппӕт сӕнӕниз сты 5033 адӕймаджы.

Пандемийы райдайӕнӕй COVID-19 раиртасыны тыххӕй Югосетпотребнадзоры ПЦР-лабораторийы сарӕзтӕуыд 37 214 иртӕсты, уыдонӕй ӕвӕрццаг фӕстиуӕг равдыстой 5908.

0