Гергиты Валерий

Музыкалон критиктæ Гергиты Валерийы банымадтой 2017 азы хуыздæр дирижерыл

22
(ранӕуӕггонд 13:09 11.04.2018)
Уæрæсейы музыкалон критиктæ сарæзтой хатдзæгтæ ивгъуыд азæн æмæ раргом кодтой иууыл номдзыд музыкантты æмæ зындгонд композициты номхыгъд

ЦХИНВАЛ, 11 апр — Sputnik. Уæрæсейы музыкалон критикты цæдис сарæзта хæтдзæгтæ 2017 азæн, уыдон равзæрстой хуыздæр зарæггæнджытæ æмæ музыкалон куыстытæ æндæр æмæ æндæр жанрты. Экспертты хъуыдымæ гæсгæ, ивгъуыд азы хуыздæр дирижерыл нымад æрцыд Мариинаг паддзахадон театры генералон директор Гергиты Валерий, хъусын кæны InterMedia.

Критиктæ ма фехъусын кодтой хуыздæр популярон музыкантты нæмттæ. Афтæ, азы поп-зарæгыл банымадтой къорд "Грибы"-йы композици "Тает лед", поп-композиторыл та — Максим Фадеевы.

Уæрæсейы музыкалон критикты цæдисæн бындур æвæрд æрцыд 2018 азы. Баиугонд архайы куыд виртуалон æмæ иу кæны профессионалон музыкалон критикты. Йе сконды ис æдæппæтæй 60 эксперты бæстæйы стырдæр мыхуыры фæрæзтæй.

22
Сан-Марино

Хуссар Иры ФХМ снысан кодта йӕ официалон минӕвары Сан-Маринойы

6
(ранӕуӕггонд 15:24 16.02.2021)
Республикӕйы ФХМ минӕвар фидар кӕндзӕн ахастытӕ бынӕттон разамынадимӕ, райтынг кӕндзӕн хӕларадон ахастытӕ дыууӕ адӕмты хсӕн

ЦХИНВАЛ, 16 фев – Sputnik. Хуссар Ирыстоны фӕсарӕйнаг хъуыддӕгты министрады официалон минӕварӕй Республикӕ Сан-Маринойы нысан ӕрцыд Франческо Чиарелли, ӕмбӕлон барамынд уагдон бафыста 12 февралы.

МХМ-йы пресс-службӕ куыд хъусын кӕны, афтӕмӕй Франческо Чиарелли ауагъта пресс-конференци, цы ран базонгӕ кодта журналистты официалон минӕвары функцитимӕ.

"Хуссар Ирыстоны официалон минӕвары архайды сферӕмӕ хауы Хуссар Ирыстон ӕмӕ Сан-Маринойы иумӕйаг гуманитарон ӕмӕ экономикон проекттӕ аразыны фадӕттӕ агурын. Уӕлдай хъусдард здӕхт цӕудзӕн туризмы фадыджы ӕмгуыстадмӕ", - дзырдӕуы хьусинаджы.

Уый ма бафтыдта, кӕй фидар кӕндзӕн ахастытӕ бынӕттон разамынадимӕ.

2013 азы Хуссар Ирыстон ӕмӕ Абхаз бахатыдысты Сан-Марино ӕмӕ Италимӕ, цӕмӕй сын банымайа сӕ хӕдбардзинӕдтӕ.

Ивгъуыд аз горӕт Цхинвал ӕмӕ Италийы цалдӕр горӕтимӕ бафыст ӕрцыд бадзырдтӕ ӕмгуыстады фӕдыл. Уымӕй дарддӕр ма италиаг партитимӕ бастдзинӕдӕ фидар кӕнынц. Хуссар Ирыстоны политикон тыхтӕ.

Цыбыр биографион справка

Франческо Чиарелли райгуырд 1981 азы 18 марты Сан-Маринойы. 2003 азы райста ӕхсӕнадтимӕ куысты специалисты диплом. 2019 райста ахуырад Сан-Маринойы Университеты.

2007 январæй 2011 азы декабры онг –San Marino Telecom s.p.a. æххуысгæнæг техникон фарстыты фæдыл.

2011 азы ссис OffertOne генералон директор.

2019 азæй – Agenfor Italia-йы æхсæнадимæ бастдзинадты æмæ маркетингы минæвар.

6
Хуссар Иры президент ацыд æртæбонон кусæгон балцы Уæрæсемæ

Хуссар Иры президент ацыд æртæбонон кусæгон балцы Уæрæсемæ

8
(ранӕуӕггонд 11:22 16.02.2021)
Бибылты Анатолий уæрæсейаг коллегæтимæ æрдзурдзæн Хуссар Ирыстон æмæ Уæрæсейы хсæн социалон-экономикон æмгуыстадыл

ЦХИНВАЛ, 16 фев — Sputnik. Хуссар Ирыстоны президент Бибылты Анатолий ис кусæгон балцы Уæрæсейы Федерацийы. Уый тыххæй хъусын кæны паддзахады разамонæджы пресс-службæ.

"Мæскуыйы Бибылты Анатолийæн нывæзтгонд ис къорд фембæлды уæрæсейаг бæрнон кусджытимæ, цы ран дзырд цæудзæн РХИ æмæ УФ хсæн æмгуыстады социалон-экономикон фарстытыл", - дзырдæуы хъусинаджы.

Президентимæ ма æртæбонон балцы ис финансты министры хæстæ æххæстгæнæг Хæбæлаты Аза.

8
Тӕрхондон

Гæджиты Регинайы марæгæн аскъуыддзаг кодтой 16 азы ахæст

3
(ранӕуӕггонд 16:52 24.02.2021)
Тъехты Вадим бацыд йæ раздæры æмкъайы куыстмæ æмæ йæ ныццавта кардæй 15 хаттæй фылдæр. Чызг райсгæ цæфтæй амард реанимацийы

ЦХИНВАЛ, 24 фев — Sputnik. Тæрхондон аскъуыддзаг кодта Дзæуджыхъæуы цæрæг Тъехты Вадимæн, кæцы амардта йæ раздæры бинойнаджы, 16 азы карз режимы колонийы фæбадын. Уый тыххæй хъусын кæнынц Крылья TV.


2019 азы сентябры Дзӕуджыхъӕуы 31-аздзыд цӕрӕг Тъехты Вадим бирӕ хатт ныццавта кардӕй йӕ раздӕры цардӕмбалы, уый фӕстӕ йӕхи бааууон кодта цауы бынатӕй. Фӕстӕдӕр фыдгӕнӕг йӕхи къахӕй бацыд барадхъахъхъӕнӕг органтӕм.

Дохтыртӕ архайдтой ӕппӕты амӕлттӕй дӕр чызджы аирвӕзын кӕныныл, фӕлӕ иу къуырийы фӕстӕ уый амард Дзӕуджыхъӕуы республикон клиникон рынчындоны.

Куыд рабӕрӕг, афтӕмӕй ма лӕппу раздӕр дӕр уыд тӕрхоны ӕнӕниздзинадӕн карз зиан ӕрхӕссын ӕмӕ наркотикон буарадты ӕнӕзаконон зылды тыххӕй. Афтӕ ма фыдгӕнӕг 2017 азы дӕр ивар ӕрцыд 5 мин сомы чызджы фӕнӕмыны тыххӕй.

Цӕгат Иры прокуратурӕйы ма банысан кодтой, зӕгъгӕ, тӕрхондон ноджы аскъуыддзаг кодта, цӕмӕй марӕг зианджын бинонтӕн бафида компенсаци ӕртӕ милуан сомы бӕрц.

3