Рим

Римы ссардтой гуырдзиаг агрессийы амӕттӕгты рухс нӕмттӕ

16
(ранӕуӕггонд 16:25 08.08.2019)
Хуссар Ирыстоны ФХМ минӕвар Италийы Мауро Мурджиа куыд банысан кодта, афтӕмӕй 2008 азы цаутӕ равдыстой, дунейы ӕхсӕнадӕн кӕй хъӕуы банымайын республикӕйы хӕдбардзинад

ЦХИНВАЛ, 8 авг — Sputnik. Римы ссардтой 2008 азы гуырдзиаг агрессийы амӕттӕгты рухс нӕмттӕ. Ардеатинаг лӕгӕтты мемориалмӕ дидинджытӕ сӕвӕрдта Хуссар Ирыстоны Фӕсарӕйнаг хъуыддӕгты министрады (ФХМ) минӕвар Италийы Мауро Мурджиа, хъусын кӕны РИА Новости.

"Мах ссардтам Хуссар Ирыстоны фӕмардуӕвӕг сабыр цӕрджыты рухс нӕмттӕ. Ардеатинаг лӕггӕтты монументмӕ дидинджыты сӕвӕрдӕн, кӕцы сарӕзтой италиӕгты мысӕнӕн, кӕцыты нацисттӕ амардтой 1944 азы, ис символикон нысаниуӕг", - фехъусын кодта Мурджиа.

Йӕ ныхӕстӕм гӕсгӕ, дыууӕ хатт дӕр мардтой сабыр цӕрджыты.

"Абон уыцы ӕвирхъау цаутӕ мысгӕйӕ мах дзурӕм, дунейы ӕхсӕнадӕн кӕй хъӕуы банымайын Республикӕ Хуссар Ирыстоны хӕдбардзинад", - бахахх кодта Мурджиа.

Гуырдзыстон 2008 азы 8 августы ӕхста Хуссар Ирыстон "Град"-ӕй, Гуырдзыйы ӕфсӕдтӕ ӕрбабырстой республикӕмӕ. Уӕрӕсе, Хуссар Ирыстоны цӕрджыты хъахъхъӕнгӕйӕ, кӕцыты стыр хай райста УФ ӕмбӕстӕггад, бакодта йе 'фсӕдты республикӕмӕ ӕмӕ фондзбонон хӕсты фӕстӕ фӕтардта Гуырдзыстоны ӕфсӕдты. Мӕскуы 2008 азы 26 августы банымадта Хуссар Ирыстон ӕмӕ Абхазы хӕдбардзинад.

16