Ирон уӕлибыхтӕ

Путины ӕрвылазон пресс-конференцийы размӕ журналистты суазӕг кодтой ирон уӕлибыхтӕй

23
(ранӕуӕггонд 09:19 20.12.2019)
Традицимӕ гӕсгӕ хӕринагарзӕг сцӕттӕ кодта ирон уӕлибыхтӕ - ӕндӕр бӕстӕты ӕмбӕстӕгты зӕрдӕмӕ тынг цӕуы ацы хӕринаг

ЦХИНВАЛ, 19 дек – Sputnik. Журналистты суазӕг кодтой ирон уӕлибыхтӕй УФ президент Владимир Путины ӕрвылазон пресс-конференцийы размӕ, хъусын кӕны 15-ӕм Регион.

Кейтерингы кусджытæ куыд рабæрæг кодтой, афтæмæй республикæйы национ хæринаг дзыллон информацийы фæрæзты кусджытæн тынг уарзон у. Журналисттæ ирон уӕлибыхтӕн сæ хуызтæ дæр хорз зонынц.

"Æз уын уæ чъиритæ тынг уарзын. Уымæй уæлдай сæ мæхæдæг дæр кæнын. Куыд кæнгæ сты, уый Интернеты бакастæн æмæ сæ уæдæй фæстæмæ арæх фæкæнын. Арæхдæр цæхæраджынтæ фæкæнын", — загъта "15-æм Регион"-æн газет «Ржевские новости»-йы уацхæссæг Светлана Артемьева.

Уӕрӕсейаг лидер Владимир Путин цыппӕрӕмы ауагъта 15-ӕм стыр пресс-конференци. Мадзал уагъд цӕуы 2001 азӕй фӕстӕмӕ.

23
Гасситы Мурат

Гасситы Мурӕтӕн радон хатт раивтой йӕ ныхмӕлӕууӕджы

5
(ранӕуӕггонд 11:13 20.10.2020)
Фыццаг ирон боксер хъуамӕ стох кодтаид америкӕйаг спортсмен Кевин Джонсонимӕ. Уый фӕстӕ та йын йӕ ныхмӕлӕууӕг рахуыдтой албайнаг Сефер Сеферийы

ЦХИНВАЛ, 20 окт — Sputnik. Ирон боксер Гасситы Мурӕты ныхмӕлӕууӕджы йӕ дебютон тохы уӕззау уӕзы фӕивтой дыккаг хатт. Йӕ ног оппонент ныр та у албайнаг спортсмен Нури Сефери, фехъусын кодта РИА Новости промоутер ӕмӕ мадзалы организатортӕй иу Владимир Хрюнов.

Гасситы Мурӕты дебют уӕззау уӕзы нысангонд у 31 октябры Сочийы. Фыццаг ирон боксер хъуамӕ стох кодтаид америкӕйаг спортсмен Кевин Джонсонимӕ. Уый фӕстӕ та йын йӕ ныхмӕлӕууӕг рахуыдтой Нури Сеферийы ӕфсымӕр - Сефер Сеферийы.

"Хъыгагӕн, махӕн фехъусын кодтой, Сефер Сеферийы залы кӕй ис коронавирус ӕмӕ Сефер кӕ хъуамӕ бада карантины. Ноджы ма иу аххосаг – уый фӕтарст Гасситы Мурӕтӕй. Ныр та Мурӕты ныхмӕлӕууӕг уыдзӕн йе фсымӕр Нури", - загъта Хрюнов телефоны.

Ирон боксер Гасситы Мурӕт бахӕццӕ Ӕппӕтдунейон боксы суперсерийы финалмӕ, цы ран 2018 азы июлы фембылд украинӕйаг Александр Усикӕн. Финалон тохы фӕстӕ боксерӕн сарызтой операци йӕ уӕхскыл.

5
Абхазмӕ ӕрцыдысты уӕрӕсейаг ӕфсӕддонтӕ коронавирусӕй рынчынтӕн ӕххуыс кӕныны тыххӕй

Абхазмӕ ӕрцыдысты уӕрӕсейаг ӕфсӕддонтӕ коронавирусӕй рынчынтӕн ӕххуыс кӕнынӕн

4
(ранӕуӕггонд 09:37 20.10.2020)
Мобилон госпиталь 100 бынатимӕ COVID-19-ӕй пациенттӕн хос кӕнынӕн сӕвӕрдтой Сухумы туристон уазӕгдон "Айтар"-ы территорийыл

ЦХИНВАЛ, 19 окт — Sputnik. Абхазмӕ ӕрцыд Хуссар ӕфсӕддон зылды бирӕпрофилон мобилон госпиталы колоннӕ Ставрополӕй, хъусын кӕны Sputnik Абхаз.

Амӕй размӕ Абхазы хъахъхъӕнынады министрад бадзырдта уӕрӕсейаг ӕфсӕддон уагдоны сӕргълӕууӕг Сергей Шойгумӕ, цӕмӕй республикӕйы сӕвӕрой быдырон госпиталь коронавирусӕй рынчынты нымӕц зынгӕ кӕй фӕфылдӕр, уый тыххӕй.

Мобилон госпиталь 100 бынатимӕ COVID-19-ӕй пациенттӕн хос кӕнынӕн сӕвӕрдтой Сухумы туристон уазӕгдон "Айтар"-ы территорийыл. Медицинон дӕлхайады сконды сты 113 ӕфсӕддоны ӕмӕ техникӕйы 30 иуӕджы.

Афтӕ ма, республикӕмӕ ӕрцыдысты Сау денджызон флоты ӕфсӕддон корпусы радиацион, химикон ӕмӕ биологон хъахъхъӕнынады къорды ӕфсӕддонтӕ, цӕмӕй баххуыс кӕной коронавирусы ныхмӕ тохы.

Абхазы коронавирусимӕ уавӕр нырма дӕр у уӕззау. Фӕстаг бӕрӕггӕнӕнтӕм гӕсгӕ, коронавирусӕй рынчынты иумӕйаг нымӕц у 2796, уыдонӕй 1187 сӕнӕниз сты, 27 адӕймаджы амардысты.

4
Цхинвалы сӕйраг фонтаны фӕлвӕрдон скуыст

Театралон фӕзуатыл ауагътой Цхинвалы сӕйраг фонтаны фӕлвӕрдон скуыст

0
(ранӕуӕггонд 10:37 22.10.2020)
Фонтан хъуамӕ радтаиккой эксплуатацимӕ Паддзахадон драмон театры бӕстыхаимӕ иумӕ 2018 азы. Уый фӕстӕ объекты баконд цалдӕр хатт аргъӕвтой

ЦХИНВАЛ, 22 окт — Sputnik, Гӕбӕраты Элина. Хуссар Ирыстоны столицӕйы сӕйраг фӕзуатыл ауагътой фӕлвӕрдон скуыст республикӕйы иууыл егъаудӕр фонтанӕн.

Фонтаны арӕзтадӕн ис рагон истори. Фӕстаг хатт фонтан нывӕдысты раттын эксплуатацимӕ ацы аз уалдзӕджы, фӕлӕ уӕд специалисттӕн нӕ бантыст ӕрцӕуын республикӕмӕ карантины тыххӕй.

Ныртӕккӕ куыстытыл архайынц фирмӕ ООО "Про-Микс"-ы специалисттӕ, кӕцытӕ сарӕзтой бирӕ фонтантӕ Цӕгат Кавказы.

"Куыстытӕн фестӕм сӕ 98 проценты. Фонтаны скуыст у зын процесс. Куыстыты кӕронбӕттӕн этап цӕудзӕн дыууӕ къуырийы дӕргъы, мӕйы кӕронмӕ нывӕндӕм ауадзын фонтаны фӕлварӕн скуыст", - фехъусын кодта Sputnik фирмӕйы разамонӕг Евгений Иванидзе.

Уый ма банысан кодта, ныры куыстытӕ баст кӕй сты ифтоггарз компьютеры программӕтимӕ баиу кӕнынимӕ.

Знон изӕры ацыд фонтаны тестон скуыст. Цхинвалы цӕрджыты зӕрдиагӕй кастысты фонтаны рӕсугъддзинӕдтӕм.

"Нӕ мӕ уырны, кӕй банхъӕлмӕ кастыстӕм фонтаны скуыстмӕ. Бирӕ проблемӕтӕ уыд, фӕлӕ ныр фӕзуат сфӕлындзӕн фонтанӕй", - радзырдта Sputnik столицӕйы цӕрӕг Александр.

Фонтан хъуамӕ радтаиккой эксплуатацимӕ Паддзахадон драмон театры бӕстыхаимӕ иумӕ 2018 азы. Уый фӕстӕ объекты баконд цалдӕр хатт аргъӕвтой.

Тестирование фонтана в Цхинвале
© Sputnik / Элина Габараева
Тестирование фонтана в Цхинвале
0