Уæрæсе æмæ Евроцæдисы тырысатæ

ЕЦ егъау бæстæты цæрджыты фылдæры фæнды Уæрæсеимæ ахастытæ фæхуыздæр кæнын

16
(ранӕуӕггонд 12:56 25.12.2019)
Ӕрфарст ауагъта Sputnik-æн компани IFop. Хайад дзы райстой 4012 респонденты, сæ кар - 18 азæй уæлæмæ

ЦХИНВАЛ, 25 дек - Sputnik. Ныгуылæн Европæйы раззæгондæр бæстæты цæрджыты фылдæры фæнды, цæмæ ЕЦ æмæ Уæрæсейы хсæн ахастытæ фæхуыздæр уой, æвдисынц Sputnik.Мнения-йы æрфарсты бæрæггæнæнтæ.

Иртæстытæ цыдысты 2-15 октябры æмæ куыд рабæрæг кодтой, афтæмæй немыцæгты 84%, италиæгты 78%, францæгты 68% æмæ бритайнæгты 68% разыйы дзуапп радтой ахæм фарстæн: "Фæндит уæ, цæмæй æввахс рæстæджы Фæхуыздæр уой Евроцæдис æмæ Уæрæсейы хсæн ахастытæ?". Фарстæн разыйы дзуаппытæ нæ радтой респондентты 10% Германийы, Итали æмæ Францийы фæйнæ 13%, æмæ 16% та Великобританийы.

Хотели ли вы, чтобы отношения между ЕС и Россией улучшились
© Sputnik /
Фæндит уæ, цæмæй æввахс рæстæджы Фæхуыздæр уой Евроцæдис æмæ Уæрæсейы хсæн ахастытæ?

Уæлдæр ахуырады дипломты хицæуттæ фылдæр уыдысты ЕЦ æмæ УФ ахастытæ фæхуыздæр кæныны фарс. Уыимæ ма цыппар бæстæйы дæр нæлгоймæгтæ активонæйдæр дзурынц ахастыты фæхуыздæрыл сылгоймæгтæм абаргæйæ.

Ӕрфарст ауагъта Sputnik-æн компани IFop. Хайад дзы райстой 4012 респонденты, сæ кар - 18 азæй уæлæмæ.

Ӕхсӕнадӕмон информацион агентад Sputnik у дунейы иууыл стырдӕр ДИФ-тӕй сӕ иу. Агентад кусы 32 ӕвзагыл. Ӕртӕ азмӕ фӕссоветон тыгъдады бӕстӕты Sputnik сайттӕ бацахстой раззагон бынӕттӕ бынӕттон ДИФ-ты хсӕн.

Sputnik Хуссар Ирыстон йæ куыст райдыта 2015 азы. Йе сконды ис информацион портал ирон æмæ уырыссаг æвзæгтыл, радиоресурс æмæ мультимедион пресс-центр.

Ног хабæртты портал Sputnik Хуссар Ирыстон ис фыццаг бынатыл бæстæйы интернет ресурсты хсæн. Sputnik (sputniknews.com) — ног хабӕртты агентад ӕмӕ радио мультимедион информацион хабтимӕ дӕсгай бӕстӕты. Sputnik-ы сконды сты 30 сайттӕй фылдӕр, аналогон ӕмӕ цифрон радиофидиуӕн, мобилон ӕмхасӕнтимӕ ӕмӕ социалон хызӕгты фӕрстимӕ. Рафысджытӕн ног хабӕртты лентӕтӕ ӕнӕхъӕн суткӕйы дӕргъы цӕуынц англисаг, арабаг, испайнаг ӕмӕ китайаг ӕвзӕгтыл.

16
Сухум

Абхаз 5 октябрӕй ногӕй бакӕндзӕн арӕнӕвӕрдон мадзӕлттӕ

12
Абхазы коронавирусӕй фӕрынчынуӕвджыты иумӕйаг нымӕц у 782 адӕймаджы. Уыдонӕй 226 пациенты сӕнӕниз сты, авд адӕймаджы амардысты

ЦХИНВАЛ, 18 сен — Sputnik. Абхазы къухдариуӕгад ногӕй бакӕндзӕн арӕнӕвӕрдон мадзӕлттӕ коронавирусы тыххӕй, хъусын кӕны майрӕмбоны Sputnik Абхаз.

Ӕмбӕлон барамынд бафыста республикӕйы сӕргълӕууӕг Аслан Бжания Абхазы цӕрджыты коронавирусон инфекцийӕ бахъахъхъӕныны фӕдыл Координацион штабы скъуыддзагыл ӕнцойгӕнгӕйӕ.

Документмӕ гӕсгӕ, 5 октябрӕй республикӕйы территорийыл нал ис бар уадзын массон спортивон, хиирхӕфсӕн ӕмӕ равдыстон мадзӕлттӕ бӕстыхӕйтты; афтӕ ма нӕй бар уадзын чындзӕхсӕвтӕ ӕмӕ ӕндӕр бӕрӕгбонон мадзӕлттӕ.

Уымӕй дарддӕр, рекомендаци радтой фӕкъаддӕр кӕнын уазджыты нымӕц фыдохы мадзӕлтты дӕр.

Фӕстаг бӕрӕггӕнӕнтӕм гӕсгӕ, Абхазы коронавирусӕй фӕрынчынуӕвджыты иумӕйаг нымӕц у 782 адӕймаджы. Уыдонӕй 226 пациенты сӕнӕниз сты, авд адӕймаджы амардысты.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй фӕрынчын сты 30 милуан адӕймагӕй фылдӕр, 950 мин рынчынӕй фылдӕр амардысты.

12
Джиоты Люба

Ног ӕмӕ уарзон зарджытӕ мадӕлон ӕвзагыл: Джиоты Люба йӕ концерты тыххӕй Мӕскуыйы

19
(ранӕуӕггонд 09:05 22.09.2020)
24 сентябры Уӕрӕсейы столицӕ Мӕскуыйы ацӕудзӕн хуссарирыстойнаг зарӕггӕнӕг Джиоты Любайы хисӕрмагонд концерт

ЦХИНВАЛ, 17 сен – Sputnik, Плиты Фатимæ. Сӕххӕст кӕндзӕн мадӕлон ӕвзагыл зарджытӕ, кӕцытӕ бауарзтой адӕм ӕмӕ ӕртӕ ног зарӕджы Хъодалаты Марияимӕ иумӕйаг альбомӕй Мӕскуыйы хисӕрмагонд концерты рӕстӕджы , фехъусын кодта Sputnik зарӕггӕнӕг Джиоты Люба.

24 сентябры Уӕрӕсейы столицӕ Мӕскуыйы ацӕудзӕн хуссарирыстойнаг зарӕггӕнӕг Джиоты Любайы хисӕрмагонд концерт.

"Цадӕггай цӕуы хъуыддаг. Репетици кӕнын. Тыхсын. Ныфс мӕ ис, ӕппӕт дӕр хорз кӕй ацӕудзӕн. Мӕскуыйаг ирӕттӕ ӕнӕрхъӕцӕй ӕнхъӕлмӕ кӕсынц мӕ концертмӕ ӕмӕ уый ӕхсызгон у" , - загъта Sputnik зарӕггӕнӕг йӕхӕдӕг.

Йӕ ныхӕстӕм гӕсгӕ, популярон тректӕй дарддӕр ма айзӕлдзысты Хъодалаты Марияимӕ сӕ ног зарджытӕ дӕр.

"Мӕ репертуары уыдзӕн ӕртӕ ног зарӕджы, Хъодалаты Марияимӕ иумӕйаг альбомӕй", - бафтыдта уый.

Солон концерты инициаторӕй ралӕууыдысты Любайы ӕмзӕххонтӕ - оперон зарӕггӕнӕг Хӕбӕлаты Лали ӕмӕ Битеты Наталья, афтӕ ма кутюрье Орхан Султан.

Мадзал ацӕудзӕн 24 сентябры, 19.00 сахатыл ахӕм адресыл: уынг Тверская, 22а.

19
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

Ӕвзонг теннисисткӕ Цхинвалӕй рамбылдта бронзӕ Подмосковьейы турниры

0
(ранӕуӕггонд 16:19 25.09.2020)
Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл

ЦХИНВАЛ, 25 сен — Sputnik. Ӕвзонг теннисисткӕ Хуссар Ирыстонӕй Плиты Алана схызт кады пьедесталы ӕртыккаг къӕпхӕнмӕ Подмосковьейы турниры, хъусын кӕны республикӕйы фӕсивӕдон политикӕ ӕмӕ спорты фӕдыл комитеты пресс-службӕ.

Дунейы дыууӕ хатты чемпионкӕ Зоя Рудневайы мысӕнӕн турниры горӕт Втдноейы тох котой спортсментӕ Мӕскуы, Мӕскуыйы область, Тверь, Калуга, Рязань, Ярославль, Воронеж ӕмӕ Уӕрӕсейы ӕндӕр горӕттӕ ӕмӕ регионтӕй.

Юная теннисистка Алана Плиева из Южной Осетии завоевала бронзу на турнире в Подмосковье
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

"Фарастаздзыд Плиты Алана рамбылдта йӕ ныхмӕлӕуджыты Мӕскуы, Мӕскуыйы область ӕмӕ Калугайӕ 3:0, 3:1 ӕмӕ 3:2 хыгъдӕй ӕмӕ бацахста дыккаг бынат ӕвзарӕн этапы. Фӕлӕ уый фӕстӕ ирон спортсменкӕ фембылд 2:3 хыгъдӕй турниры фидӕны уӕлахиздзау Олеся Усовайӕн, кӕцы дзы уыд дыууӕ азы хистӕрдӕр", - дзырдӕуы хъусинаджы.

Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл.

0