Рауль Хаджимба ссӕрибар кодта Абхазы президенты бынат

Рауль Хаджимба ссӕрибар кодта Абхазы президенты бынат

16
(ранӕуӕггонд 09:59 13.01.2020)
Ног ӕвзӕрстыты ацы аз марты Рауль Хаджимбайы хайадисты фарстыл нырма дзырд нӕ цӕуы, банысан кодта вице-президент

ЦХИНВАЛ, 12 янв — Sputnik. Рауль Хаджимба ссӕрибар кодта Абхазы президенты бынат, хъусын кӕны РИА Новости республикӕйы вице-президент Аслан Барцицайыл ӕнцойгӕнгӕйӕ.

"Тугкалд ма руадзын ӕмӕ республикӕйы сабырдзинад саразыны нысаниуӕгӕн, Рауль Хаджимба аскъуыддзаг кодта бафыссын ацы документ", - банысан кодта уый.

Документ уайтагъд бацыд йӕ тыхы. Ног ӕвзӕрстыты ацы аз марты Рауль Хаджимбайы хайадисты фарстыл нырма дзырд нӕ цӕуы, банысан кодта вице-президент. Йӕ ныхӕстӕм гӕсгӕ, республикӕмӕ ӕрцыд уӕрӕсейаг лидеры ӕххуысгӕнӕг Владислав Сурков, цӕмӕй ӕркӕса уавӕрмӕ.

Амӕйразмӕ Абхазы ЦӔК снысан кодта ног президентон ӕвзӕрстыты датӕ – 22 март.

Сухумы цыппӕрӕмы, 9 январы, райдыдтой протесты акцитӕ. Сӕ хайадисджыты зӕрдӕмӕ нӕ цыд бӕстӕйы криминогенон уавӕр ӕмӕ фарон ноябры кӕрӕдзи ӕхсты фӕдыл фӕдагуырд. Уыцы рӕстӕг ма цыд тӕрхондоны рабадт бӕстӕйы президентмӕ экс-кандидат Алхас Квициниайы куырдиаты фӕдыл, кӕцы не сразы президентон ӕвзӕрстыты фӕстиуджытимӕ.

Рауль Хаджимбайы минӕвӕрттӕ фехъусын кодтой, ног президентон ӕвзӕрстытӕ куы снысан кӕной, уӕд дзы уый хайад райсдзӕн.

16
Вакцинӕ

Уӕрӕсе срегистраци кӕндзӕн дунейы фыццаг вакцинӕ коронавирусы ныхмӕ

19
(ранӕуӕггонд 13:10 07.08.2020)
Гамалейы номыл эпидемиологи ӕмӕ микробиологийы национ иртасӕн центр цы вакцинӕ сарӕзта, уый клиникон ӕгъдауӕй сгарын райдыдтой июны астӕу Сеченоваг университеты

ЦХИНВАЛ, 7 авг — Sputnik. Гамалейы Центры цы вакцинӕ сарӕзтой, уый срегистраци кӕндзысты 12 августы, фехъусын кодта майрӕмбоны уӕрӕсейаг ӕнӕниздзинад хъахъхъӕныны министры хӕдивӕг Олег Гриднаев.

Йӕ ныхӕстӕм гӕсгӕ, коронавирусы ныхмӕ фыццаг вакцинӕ райсдзысты медицинон кусджытӕ ӕмӕ ацӕргӕ адӕм. Гамалейы номыл эпидемиологи ӕмӕ микробиологийы национ иртасӕн центр цы вакцинӕ сарӕзта, уый клиникон ӕгъдауӕй сгарын райдыдтой июны астӕу Сеченоваг университеты. Вакцинӕ сбӕрӕг кодта йӕ ӕдасдзинад ӕмӕ эффективондзинад.

"Гамалейы Центры цы вакцинӕ сарӕзтой, уый срегистраци кӕндзысты 12 августы. Ныртӕккӕ уагъд цӕуы фӕстаг этап, ӕртыккаг. Уый у тынг ахсджиаг хъуыддаг. Мах хъуамӕ ӕмбарӕм, вакцинӕ кӕй хъуамӕ уа ӕдас", - хъусын кӕны Гриднаевы ныхӕстӕ РИА Новости.

Пневмонийы вирус апарахат декабры кæрон, Китайаг горæт Уханьы, йæ аххосаг ссис коронавирусы ног тип (2019-nCoV). Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй дунейы фӕрынчын сты 19 милуан адӕймагӕй фылдӕр, 710 мин рынчынӕй фылдӕр амардысты.

19
УФ ӔФС

Мӕскуыйы не руагътой теракт

6
(ранӕуӕггонд 14:26 27.07.2020)
Уӕрӕсейаг столицӕйы теракт цы фыдгӕнӕг цӕттӕ кодта, уый йе рцахсыны рӕстӕджы райдыдта ӕхсын барадхъахъхъӕнджы ӕмӕ йӕ амардтой

ЦХИНВАЛ, 27 июл - Sputnik. Уӕрӕсейы Ӕдасдзинады федералон службӕ (ӔФС), Мидхъуыддӕгты министрады ӕмӕ слестгӕнӕн комитеты кусджытӕ нӕ бауагътой Мӕскуыйы теракт саразын, кӕцы цӕттӕ кодта Централон Азийӕ ӕрцӕуӕггаг нӕлгоймаг, хъусын кӕны УФ ӔФС.

Уагдоны куыд банысан кодтой, афтӕмӕй террористы ссардтой Химкӕты ӕнӕркаст гаражты цур. Уый райдыдта ӕхсын барадхъахъхъӕнджыты автоматикон хӕцӕнгарзӕй. Фыдгӕнӕг фӕмард ис ӕхсты рӕстӕджы.

Цауы бынат басгарыны фӕстиуӕгӕн нӕлгоймагмӕ ссардӕуыд автомат АКС-74У йӕ нӕмгуытимӕ, дыууӕ гранатӕ Ф-l ӕмӕ 1 гранатӕ РГД.

Терорист цард Мӕскуыйы ӕххуырст фатеры, уым ссардтой терактмӕ цӕттӕгӕнӕн бӕрӕггӕнӕнтӕ дӕр.

"Фатеры ссардӕуыд бӕрӕггӕнӕнтӕ, кӕцытӕ ӕвдыстой бандиты бастдзинӕдтӕ Сирийы ӕхсӕнадӕмон терористон организацийы эмиссартимӕ ӕмӕ цӕттӕ кодтой адӕмы массон ӕхст", - дзырдӕуы ӔФС пресс-релизы.

Уымӕй дарддӕр ма подмосковьейы ӕрцахстой фыдгӕнӕджы ӕфсымӕры дӕр - уый агуырдта йе фсымӕры, цӕмӕй йӕ ма ауадзы Сиримӕ терористон организацийы сконды архайынмӕ.

Ныртӕккӕ барадхъахъхъӕнджытӕ агурынц фыдгӕнӕджы ӕмархайджыты.

6
Рӕмонаты Сослан

Олимпиаг чемпион Рӕмонаты Сослан фӕнд кӕны фæивын йӕ уӕзы категори тренер

0
(ранӕуӕггонд 15:50 13.08.2020)
Ирон спортсмен ссис Олимпиадӕйы уӕлахиздзау Рио-де-Жанейройы 65 килограммы уӕзы категорийы

ЦХИНВАЛ, 13 авг — Sputnik. Риойы Олимпиадӕйы уӕлахиздзау, ирон уӕгъдибар хъӕбысӕйхӕцӕг Рӕмонаты Сослан Уӕрӕсейы чемпионаты архайдзӕн 65 кӕнӕ 70 килограммы уӕзы категорийы, хъусын кӕны Р-Спорт спортсмены тренер Мӕргъиты Анатолийы ныхӕстыл ӕнцойгӕнгӕйӕ.

Мӕргъиты Анатолийы ныхӕстӕм гӕсгӕ, хъӕбысӕйхӕцӕг схос кодта йӕ травмӕйӕн ӕмӕ ныр ӕххӕст тренировкӕтӕ уадзы егъау турнирмӕ, кӕцы ацӕудзӕн октябры.

"Рӕмонаты Сослан архайдзӕн Уӕрӕсейы чемпионаты. Уӕзы категорийы тыххӕй мах аныхас кӕндзыстӕм Уӕрӕсейы сӕйраг тренер Тедеты Дзамболатимӕ. Кӕд турниры фӕстиуӕгӕн уа ахсджиаг бынат дунейы чемпионат ӕмӕ Олимпиадӕйы ӕвзӕрстытӕм – уӕд тох кӕндзыстӕм нӕхи уӕзы, 65 килограммы. Кӕнӕ та схиздзыстӕм бӕрзонддӕр категоримӕ", - загъта тренер.

Мӕргъиты Анатолий банысан кодта, спортсмены хӕслӕвӕрд у хайад райсын дунейы чемпионаты Сербийы, фӕлӕ Рӕмонаты Сослан ӕмӕ йӕ тренеры сӕйраг интерес у Олимпиадӕ Токиойы.

0