Валерий Бганба

Абхазы снысан кодтой президенты хӕстӕ ӕххӕстгӕнӕджы

23
(ранӕуӕггонд 16:37 13.01.2020)
Президент Рауль Хаджимба ссӕрибар кодта йӕ бынат. Уыцы скъуыддзаджы размӕ Абхазы столицӕйы цыппар боны дӕргъы цыдысты протесттӕ

ЦХИНВАЛ, 13 янв — Sputnik. Абхазы премьер-министр Валерий Бганбайы снысан кодтой бӕстӕйы президенты хӕстӕ ӕххӕстгӕнӕгӕй – ахӕм уынаффӕ рахаста республикӕйы парламент къуырисӕры, хъусын кӕны Sputnik Абхаз.

Ахӕм уынаффӕйыл схъӕлӕс кодтой Адӕмон ӕмбырды 34 депутаты, кӕцытӕ хайад истой хъӕлӕсӕппӕрсты.

Амӕйразмӕ хъусын кодтой, хуыцаубоны Рауль Хаджимба кӕй ссӕрибар кодта Абхазы президенты бынат. Абхазы Централон ӕвзарӕн къамис уыцы бон снысан кодта ног президентон ӕвзӕрстыты датӕ. Уыдон хъуамӕ ацӕуой 2020 азы 22 марты.

Сухумы 9 январы райдыдтой протесты акцитӕ, оппозицийы минӕвӕрттӕ домдтой, цӕмӕй президент ссӕрибар кӕна йӕ бынат. 10 январы Уӕлдӕр тӕрхондоны кассацион инстанци банымадта ӕнӕзакононыл ЦӔК скъуыддзаг сентябры ацӕугӕ президентон ӕвзӕрстыты фӕстиуджытӕ.

23
УФ ӔФС

Мӕскуыйы не руагътой теракт

6
(ранӕуӕггонд 14:26 27.07.2020)
Уӕрӕсейаг столицӕйы теракт цы фыдгӕнӕг цӕттӕ кодта, уый йе рцахсыны рӕстӕджы райдыдта ӕхсын барадхъахъхъӕнджы ӕмӕ йӕ амардтой

ЦХИНВАЛ, 27 июл - Sputnik. Уӕрӕсейы Ӕдасдзинады федералон службӕ (ӔФС), Мидхъуыддӕгты министрады ӕмӕ слестгӕнӕн комитеты кусджытӕ нӕ бауагътой Мӕскуыйы теракт саразын, кӕцы цӕттӕ кодта Централон Азийӕ ӕрцӕуӕггаг нӕлгоймаг, хъусын кӕны УФ ӔФС.

Уагдоны куыд банысан кодтой, афтӕмӕй террористы ссардтой Химкӕты ӕнӕркаст гаражты цур. Уый райдыдта ӕхсын барадхъахъхъӕнджыты автоматикон хӕцӕнгарзӕй. Фыдгӕнӕг фӕмард ис ӕхсты рӕстӕджы.

Цауы бынат басгарыны фӕстиуӕгӕн нӕлгоймагмӕ ссардӕуыд автомат АКС-74У йӕ нӕмгуытимӕ, дыууӕ гранатӕ Ф-l ӕмӕ 1 гранатӕ РГД.

Терорист цард Мӕскуыйы ӕххуырст фатеры, уым ссардтой терактмӕ цӕттӕгӕнӕн бӕрӕггӕнӕнтӕ дӕр.

"Фатеры ссардӕуыд бӕрӕггӕнӕнтӕ, кӕцытӕ ӕвдыстой бандиты бастдзинӕдтӕ Сирийы ӕхсӕнадӕмон терористон организацийы эмиссартимӕ ӕмӕ цӕттӕ кодтой адӕмы массон ӕхст", - дзырдӕуы ӔФС пресс-релизы.

Уымӕй дарддӕр ма подмосковьейы ӕрцахстой фыдгӕнӕджы ӕфсымӕры дӕр - уый агуырдта йе фсымӕры, цӕмӕй йӕ ма ауадзы Сиримӕ терористон организацийы сконды архайынмӕ.

Ныртӕккӕ барадхъахъхъӕнджытӕ агурынц фыдгӕнӕджы ӕмархайджыты.

6
MiyaGI & Эндшпиль

MiyaGi ӕмӕ Andy Panda рауагътой ног альбом Yamakasi

10
(ранӕуӕггонд 12:34 17.07.2020)
Альбоммӕ бацыдысты фараст трекы, кӕцытӕ тынг фӕцыдысты музыкантты фанатты зӕрдӕмӕ ӕмӕ сын сарӕзтой бирӕ зӕрдӕскъӕфӕн комментаритӕ

ЦХИНВАЛ, 17 июл — Sputnik. Ирон зарӕггӕнджытӕ MiyaGi ӕмӕ Andy Panda рауагътой сӕ ног альбом Yamakasi. Уый тыххӕй рэппертӕ фехъусын кодтой сӕ фырсыл социалон хыз Instagram-ы.

Посмотреть эту публикацию в Instagram

Fight for your right ❤️

Публикация от Эндшпиль - Andy Panda (@endspiel_andy_panda)

Альбоммӕ бацыдысты фараст трекы, кӕцытӕ тынг фӕцыдысты музыкантты фанатты зӕрдӕмӕ ӕмӕ сын сарӕзтой бирӕ зӕрдӕскъӕфӕн комментаритӕ. Альбом Yamakasi-мӕ байхъусӕн ис Интернеты алкӕцы музыкалон фӕзуатыл дӕр.

Дзӕуджыхъӕуккаг дуэт MiyaGi & Andy Panda у бӕстӕйы иууыл популярондӕртӕй сӕ иу. Сӕ зарджытӕ иу ӕмӕ дыууӕ хатт не ссисты алыгъуызон хит-парадты лидертӕ.

10
Цхинвалы авд уынгыл цæуынц цалцæггæнæн куыстытæ

Цæттæ сæ кæнынц асфальтмæ: Цхинвалы авд уынгыл цæуынц цалцæггæнæн куыстытæ

8
(ранӕуӕггонд 13:21 04.08.2020)
Республикæйы Арæзтад æмæ архитектурæйы министры хæдивæг Гаглойты Сергейы ныхæстæм гæсгæ, развæлгъау уал уынгтыл ивд цæуынц газы, нуазыны доны æмæ канализацийы хæххытæ

ЦХИНВАЛ, 4 авг – Sputnik, Дриаты Лейла. Хуссар Ирыстоны социалон-экономикон рæзтæн ахъазгæнæг Инвестицион программæйы фæлгæтты ацы аз Цхинвалы цы аст уынджы хъуамӕ ӕрцӕуой цалцӕг, уыдонӕй авдыл ныртӕккӕ активонӕй уагъд цӕуынц куыстытӕ

Республикæйы Арæзтад æмæ архитектурæйы министры хæдивæг Гаглойты Сергейы ныхæстæм гæсгæ, развæлгъау уал уынгтыл ивд цæуынц газы, нуазыны доны æмæ канализацийы хæххытæ.

"Авд уынгыл активонæй кусынц зæххы бын коммуникацитæ ивыныл. Газы хæтæлтæ ивыныл кусы паддзахадон унитарон куыстуат "Энергоресурс", доны æмæ канализацийы хæххытæ ивыныл та – "Водоканал", - банысан кодта Гаглойты Сергей.

Цхинвалы Белинскийы уынджы ныртæккæ аразджытæ кусынц газ уадзыныл, магистралон трубæтæ æвæрыны фæдыл куыстытæ æххæст æрцыдысты 75 процентæй. Доны æмæ канализацийы фæдыл куыстытæ та – 80 процентæй.

"Газуадзæн куыстытæ ныртæккæ фесты Хъайтарты æмæ Кимы уынгты. Ныртæккæ Кимы уынджы цæуынц хæрзарæзтадон куыстытæ – калынц ыл ставд цъæлдур æмæ лыстæг хуырдур. Тротуарты та цæттæ кæнынц плиткæ сæвæрынмæ. Табуйы фырты уынджы уадзынц магистралон газы хахх, хæдзæрттæм бауагътой газ, æвæрд цæуынц газнымайæнтæ. Æвæрд æрцыдысты магистралон канализацион трубæтæ дæр æмæ аразджытæ хæдзæрттæм уадзынц канализацион æмæ донуадзæн хæххытæ", - ранымадта Гаглойты Сергей.

Йæ ныхæстæм гæсгæ, Революцийы уынджы дæр цæуынц газуадзæн куыстытæ, фæуд кæны канализацион хахх, кусынц доны хахх уадзыныл æмæ цъайтæ аразыныл дæр.

Базарадон уынджы æвæрынц магистралон газуадзæн, газ уадзынц хæдзæрттæм, æвæринаг ма сты газынымайæнтæ, доны æмæ канализацийы фæдыл куыстытæ фесты.

Нæузæххонты уынджы фæуд кæнынц газуадзæн куыстытæ, монтаж кæнынц газрегуляторгæнæн пункттæ. Куыст цæуы дон æмæ канализацийы хæххытæ хæдзæрттæм уадзыныл.

Гаглойты Сергей ма куыд зæгъы, афтæмæй Плиты Ароны уынджы дæр аразджытæ рæхджы æрывналдзысты хæрзарæзтадон куыстытæм.

Инвестпрограммæмæ хаст объекттæй дарддæр ма "Водоканал"-æн хæсгонд у, цæмæй Джиоты Аланы проспекты кæрон 130, 130 а, 128, 128 а æмæ 128 б бирæфатерон корпусты территорийыл раивой зæронд канализацион хæтæлтæ.

Азы райдианæй ма Сталины уынджы 96 æмæ 98-æм хæдзæрттæ, Фидауынгæнджыты уынджы 5, 6, 8 æмæ 10-æм хæдзæрттæ, Путины уынджы 2-æм хæдзары дæр ма цалцæг æрцыдысты канализацион хæххытæ.

8