Развӕлгъау хатдзӕгтӕ: Аслан Бжания райста хъӕлӕсты 59%

© Sputnik / Томас ТхайцукАслан Бжания
Аслан Бжания - Sputnik Хуссар Ирыстон
Рафыссын
Абхазы хуыцаубоны ацыдысты президентон ӕвзӕрстытӕ, уым хайад райстой ӕртӕ кандидаты - Адгур Ардзинба, Аслан Бжания ӕмӕ Леонид Дзапшба

ЦХИНВАЛ, 23 мар - Sputnik. Развӕлгъау бӕрӕггӕнӕнтӕм гӕсгӕ Абхазы президентон ӕвзӕрстыты фӕуӕлахиз Аслан Бжания.

"Фыццаг ӕнӕофициалон бӕрӕггӕнӕнтӕ фехъусын кодта Аслан Бжанияйы штаб. Уыдонмӕ гӕсгӕ, оппозицион блокы лидер райста хъӕлӕсты 59% ӕввахс, афтӕмӕй уый рамбылдта фыццаг туры", - хъусын кӕны Sputnik Абхаз.

Дыууӕ аннӕ кандидаты – мидхъуыддӕгты министрады раздӕры сӕргълӕууӕг Леонид Дзапша ӕмӕ экономикӕйы раздӕры министр Адгур Ардзинба райстой хъӕлӕсты 2% ӕмӕ 35%. Алкӕй ныхмӕ дӕр схъӕлӕс кодтой ӕвзарджыты 1%, ноджы ма 3% фехӕлдтой бюлеттеньтӕ.

Абхазы президенты бынатыл тох кæндзæн æртæ кандидаты - Sputnik Хуссар Ирыстон
Абхазы президенты бынатыл стох кæндзысты æртæ кандидаты

Абхазы ӕвзарӕн фадгуытӕ сӕхгӕдтой хуыцаубоны, 22 марты. Централон ӕвзарӕн къамис уайтагъд бавнӕлдта хъӕлӕстӕ нымайынмӕ. Фыццаг официалон бӕрӕггӕнӕнтӕ фехъусын кӕндзысты абон 11:00 сахатыл.

Куыд ӕхсӕнадӕмон цӕстдарджытӕ, афтӕ ӕвзӕрстыты хайад райстой Хуссар Ирыстоны минӕвӕрттӕ – президенты администрацийы сӕргълӕууӕджы хӕдивӕг Джуссойты Алан, президенты уынаффӕгӕнӕг Гӕззаты Давид ӕмӕ Централон ӕвзарӕн къамисы уӕнг Карсанты Хъазбег.

Ног хабӕртты лентӕ
0