Цытджын æмæ хуымæтæг: Хуссар Иры минæвар Абхазы президенты инаугурацийы тыххæй

© Sputnik / Томас ТхайцукАслан Бжания
Аслан Бжания - Sputnik Хуссар Ирыстон
Рафыссын
Церемонийы хайад райстой парламенты депутаттæ, тæрхондæтты тæрхонгæнджытæ, ЦӔК-ы сæрдар, æвзæрст президенты хиуæттæ - æдæппæтæй 58 адæймаджы

ЦХИНВАЛ, 23 апр — Sputnik, Плиты Фатимæ. Абхазы республикæйы президент Аслан Бжанияйы инаугураци ацыд цытджын, фæлæ  хуымæтæг уавæрты, фехъусын кодта Sputnik, церемонийы хайадисæг, Хуссар Ирыстоны минæвар Абхазы Боциты Олег.

Ирыстон æмæ Абхазы тырысатæ - Sputnik Хуссар Ирыстон
Хуссар Ир æмæ Абхаз бафысдзысты æхсæнадæмон автомобилон бастдзинады бадзырд

Мадзал ацыд Абхазы президенты администрацийы конференц-залы.

"Инаугураци ацыд цытджын æмæ уыимæ иумæ хуымæтæг уавæрты. Хайад дзы райстой парламенты депутаттæ, конституцион æмæ уæлдæр тæрхондæтты тæрхонгæнджытæ, ЦӔК-ы сæрдар, æвзæрст президенты хиуæттæ. Ӕдæппæтæй 58 адæймаджы", - загъта Боциты Олег.

Дипломаты ныхæстæм гæсгæ, церемонийы архайдтой Уæрæсе, Хуссар Иры æмæ Днестргæрон республикæйы минæвæрттæ.

"Раныхас кодта Абхазы президент Аслан Бжания, уымæн радтой йæ бынаты атрибуттæ - хъама, печать æмæ алабаша. Ныхасы рацыдысты æндæр бæстæты официалон минæвæрттæ. Церемони уыд цыбыр", - бафтыдта минæвар.

Инаугурацийы фæстæ уыд ног президенты официалон химæрайст.

Ног хабӕртты лентӕ
0