Акци Ӕнӕмӕлгӕ полк онлайн

Акци "Ӕнӕмӕлгӕ полк онлайн"-мӕ ӕрбаиу сты 600 мин адӕймагӕй фылдӕр

12
(ранӕуӕггонд 11:34 06.05.2020)
Ацы аз коронавирусимӕ уавӕры тыххӕй 9 майы ӕрмӕстдӕр ацӕудзӕн Уӕлахизы парады уӕлдӕфон хай, акци "Ӕнӕмӕлгӕ полк" та ацӕудзӕн онлайн-форматы

ЦХИНВАЛ, 5 мая – Sputnik. 600 мин адӕймагӕй фылдӕр ныууагътой куырдиӕттӕ виртуалон цыд "Ӕнӕмӕлгӕ полк онлайн"-ы хайад райсыны фӕдыл, хъусын кӕны РИА Новости.

"Иу къуыри рацыд виртуалон цыд "Ӕнӕмӕлгӕ полк онлайн"-ы регистрацийы райдайӕнӕй. Бонӕй бонмӕ ацы акци кӕны популярондӕр – хайад райсыны фӕдыл ныридӕгӕн ӕрбарвыстой 600 мин куырдиаты", - радзырдтой акцийы организатортӕ.

Афтӕмӕй "Ӕнӕмӕлгӕ полк онлайн"-ы хайад райсын ис гӕнӕн адӕмӕн, кӕцытӕм нӕ баззад ветеранты къамтӕ: анкетӕйы ацы хай гӕнӕн ис ныууадзын афтидӕй. Афтӕ ма нӕ хъӕуы фыссын хӕсты хъайтары райгуырд ӕмӕ мӕлӕты датӕтӕ.

Проект "Ӕнӕмӕлгӕ полк онлайн"-ы хайад райсыны фадат ис ацы фӕзуатты: https://2020.polkrf.ru/, https://ok.ru/app/immortal-regiment, https://vk.com/polk_app, https://sber9may.ru/.

Стыр Фыдыбӕстӕйон хӕсты ветераны сгуыхтдзинады тыххӕй радзурын кӕй фӕнды социалон хызӕгты, уыдон хъуамӕ посты бын бафыссой хештэгтӕ: #Бессмертныйполк2020, #Бессмертныйполконлайн, #ДеньПобедыдома, #9маявсети, #9маЯпомню.

Амӕйразмӕ Уӕрӕсейы президент Владимир Путин аргъӕвта Уӕлахизы парад ӕмӕ акци "Ӕнӕмӕлгӕ полк" коронавирусимӕ уавӕры тыххӕй. Уӕлахизы бон, 9 майы, ацӕудзӕн хӕдтӕхӕгтӕ ӕмӕ вертолетты парад, изӕры та горӕтты центры ацӕудзысты салюттӕ, фехъусын кодта УФ президент.

12
Олег Котов

Олег Котов: дӕс азы фӕстӕ адӕймаг ӕрфидар уыдзӕн мӕйы

24
(ранӕуӕггонд 17:01 01.06.2020)
Зындгонд космонавт нымайы, ныридӕгӕн космикон паддзахадтӕ сӕ ных сарӕзтой мӕйы уылты Марсмӕ атӕхынмӕ

ЦХИНВАЛ, 1 июн - Sputnik, Плиты Фатимӕ. Уӕрӕсейы 100-ӕм космонавт ӕмӕ дунейы 455 космонавт Олег Котовы хъуыдымӕ гӕсгӕ, XX ӕнусы 30 ӕзты дзыллӕ басӕтдзӕн мӕй, цæмæй йæ руаджы бахауа Марсмæ.

"Космикон паддзахадтӕ сӕ ных сарӕзтой мӕйы уылты Марсмӕ атӕхынмӕ. Ам сӕйраг нысаниуӕг ис адӕймаджы Марсмӕ бахауынӕн, уый тыххӕй планетæты цӕрын фӕразын ӕмӕ кусын сахуыр уӕвынӕн мӕй уыдзӕн фӕлварӕн полигон", - загъта космонавт.

Йӕ ныхӕстӕм гӕсгӕ, мӕймӕ атӕхыны ӕууӕлтӕ сын сты зындгонд.

"Космос ӕрхион кӕнын тагъд нӕ бантысдзӕн, фӕлӕ нырмӕ цы бантыст саразын, уый нын бар дӕтты дзурын 20 ӕзты дыккаг хай ӕмӕ 30-ӕм ӕзты фӕстӕ адӕймаг ӕрфидар уыдзӕн мӕйы", - бафтыдта Котов.

24
Куыд аразгæ у видео: Sputnik ауагътой вебинар журналисттæн

Куыд аразгæ у видео: Sputnik ауагътой вебинар журналисттæн

24
(ранӕуӕггонд 16:10 22.05.2020)
Сайт Ruptly-йы уӕрӕсейаг версийы редактор Мария Дьяконова радзырдта журналисттӕн æмæ суденттæн куысты сусӕгдзинӕдтӕ, равдыста кӕцыдӕр цӕттӕ видеотӕ, хъусдард аздæхта æвæрццаг æмæ зæрдæмцæугæ хæйттæм

ЦХИНВАЛ, 22 май - Sputnik, Плиты Фатимӕ. Дыууӕ сахаты бӕрц ахаста Ӕхсӕнадӕмон информацион агентад ӕмӕ радио Sputnikы вебинар "Как "запилить" видео и найти свою целевую аудиторию?" видео саразыны фӕдыл æмæ йæ апарахаты фæдыл.

Сайт Ruptly-йы уӕрӕсейаг версийы редактор Мария Дьяконова радзырдта журналисттӕн æмæ суденттæн куысты сусӕгдзинӕдтӕ, равдыста кӕцыдӕр цӕттӕ видеотӕ, хъусдард аздæхта æвæрццаг æмæ зæрдæмцæугæ хæйттæм.

Иу сахат ӕмӕ 40 минуты дӕргъы дзырд цыд видеойæн йæ хронометраж, музыкайы равзӕрст, стæй ма телеуынынады ӕмӕ ӕндӕр ресурстӕй райсгӕ ӕрмӕг мыхуыры бартыл. Вебинары архайӕг журналисттӕ фыстой сæ фарстытӕ. Дзыллон информацийы фӕрӕзты цымыдис кодта цы программæтæй хуыздæр у пайда кæнын видео аразгæйæ, коронавирусы апарахаты дуджы къуындæг авналæнты куыд ис гæнæн сисын видео æмæ æндæр тематæ.

Спикеры хъуыдымӕ гӕсгӕ, тынг популярон сты сырдтимæ видеотæ, сæ нымæцы гæдытæ æмæ куыйтимæ. Мария Дьяконовайы хъуыдымæ гæсгæ, ахсджиаг у видеойы æмбæлон музыка равзарын.

"Цы фæнды видеомæ кæсгæйæ æз арæхдæр бахъуыды кæнын йæ музыка. Уымæ гæсгæ йын йæ равзарынмæ дæр аздахын уæлæмхас хъусдард. Фылдæр бæрцæй уый бафтауын фæстаг этапыл. Хаттæй –хатт вæййы афтæ æмæ видеойы уый бæрц æнкъарæнтæ вæййы æмæ дзы музыка у уæлдай, хуыздæр у мæ хъусой йæхи уынæр", - загьта уый.

Уый ма банысан кодта, видео цæттæгæнгæйæ хуыздæр у æмæ пайда кæнай хуымæтæг дзырдтæй, канцелярон æвзагыл сæ къух сиссой.

Вебинарæн иумæйагæй уыд афæлгæстон нысан, йæ организаторы фæндмæ гæсгæ кæцыдæр тематæ гæнæн ис æмæ суой хицæн вебинары тема, кæд журналисттæ равдисой цымыдис.

24
Рауагъдон бал

Хуссар Ирыстоны равзӕрстой фӕстаг дзӕнгӕрӕг ӕмӕ рауагъдон балы датӕтӕ

139
(ранӕуӕггонд 21:26 02.06.2020)
Хуссар Иры рауагъдонты сӕйраг бӕрӕгбонон мадзӕлтты датӕтӕ не 'нтыст сбӕлвырд кӕнын коронавирусы апарахаты тасӕй тобӕтӕ хынцгӕйӕ

ЦХИНВАЛ, 2 июн - Sputnik, Плиты Фатимӕ. Хуссар Ирыстоны ахуырады министрады равзӕрстой фӕстаг дзӕнгӕрӕг ӕмӕ рауагъдон балы датӕтӕ, фехъусын кодтой Sputnik уагдоны пресс-службӕйы.

Хуссар Иры рауагъдонты сӕйраг бӕрӕгбонон мадзӕлтты датӕтӕ не 'нтыст сбӕлвырд кӕнын коронавирусы апарахаты тасӕй тобӕтӕ хынцгӕйӕ.

"Развӕлгъау сбӕлвырд кодтам 17 июны ауадзын фӕстаг дзӕнгӕрӕг ӕмӕ 18 июны та рауагъдон бал. Раздӕрау та йӕ организаци фӕнд кӕнӕм бакӕнын сывӕллӕтты сфӕлдыстадон галуаны бӕрны. Фӕлӕ уыдон дырыс датӕтӕ не сты ӕмӕ сӕ ауадзын баст уыдзӕн коронавирусы фӕдыл уавӕримӕ", - загътой пресс-службӕйы.

Рауагъдон бал хицӕнӕй ауадзынц ӕрвылаз Дзауы районы дӕр.

"Дзауы районы ахуырдзаутӕн сӕ бал республикӕйы скъолатимӕ иумӕ Цхинвалы банхъардзысты ауадзын, фӕлӕ ацы фарст нырма скъуыддзаг нӕу", - загътой ахуырады министрады.

Хуссар Ирыстоны ацы аз скъолайӕн хӕрзбон зӕгъдзысты 468 ахуырдзауы, уыдонӕй цыппар иттӕг хорз нысӕнттыл. Иу чызг у сызгъӕрин майданмӕ претендент. Цыппар иууыл хуыздӕр бӕрӕггӕнӕнтимӕ ахуырдзауы сты гимназитӕ "Рухс" ӕмӕ "Альбион"-ӕй.

139