Уӕлахизы Парад Мӕскуыйы Сырх фӕзуатыл 1945 азы 24 июны

Уӕлахизы Парад Мӕскуыйы Сырх фӕзуатыл 1945 азы 24 июны

11
(ранӕуӕггонд 14:43 23.06.2020)
Уӕлахизы Парад Мӕскуыйы Сырх фӕзуатыл 1945 азы 24 июны – историон парад Стыр Фыдыбӕстон хӕсты Уӕлахизы цытӕн

Парад райста Уӕлдӕр командӕгӕнӕджы хӕдивӕг, фыццаг Белорусаг фронты командӕгӕнӕг, Советон Цӕдисы маршал Георгий Жуков. Парадӕн командӕ дӕтта дыккаг Белорусаг фронты командӕгӕнӕг, Советон Цӕдисы маршал Константин Рокоссовский.

Уӕлахиздзауты парад ауадзыны фӕдыл скъуыддзаг рахаста ССРЦ Гарзджын тыхты Уӕлдӕр командӕгӕнӕг Иосиф Сталин Уӕлахизы боны фӕстӕ. 1945 азы 24 майы уымӕ бадӕттӕй Генералон штабы ӕнхъарӕнтӕ Уӕлахизы Парад ауадзыны фӕдыл. Уый сӕ райста, фӕлӕ не сразы ис парад ауадзыны ӕмгъуыдимӕ. Генштаб рахицӕн кодта парадмӕ цӕтткӕнынадӕн дыууӕ мӕйы, Сталин радта хӕслӕвӕрд ауадзын парад иу мӕйы фӕстӕ.

Парад хъуамӕ райстаккой бӕхыл бадгӕйӕ ӕмӕ уый фӕдыл Сталин не сразы ууыл. Уый уӕд ӕвзонг нал уыд ӕмӕ йын бӕхыл бадын зын уыд, уый фӕдыл фӕхуыдта Жуковы ӕмӕ йын загъта: "Ды ӕвзонгдӕр дӕ, ды кавалерист дӕ, ӕмӕ уый тыххӕй парад райсдзӕ ды". Сырх Ӕфсады Генералон штабы хистӕры директивӕмӕ гӕсгӕ 1945 азы 24 июнӕй, Уӕлахизы Парады хайадистӕн бацӕттӕ кодто 10 полчы – фӕйнӕ иу полк хӕсты кӕрон архайгӕ фронттӕй, афтӕ ма ССРЦ Ӕфсӕддон-денджызон флот ӕмӕ Хъахъхъӕнынады наркоматы полктӕ. Афтӕ ма парады хайад истой ӕфсӕддон академитӕ ӕмӕ ахуыргӕнӕндӕттӕ, кӕцытӕ уыдысты дислокацигонд Мӕскуы ӕмӕ Мӕскуыйы областы.

Фронтты полкты сконды уыдысты рӕнхъонтӕ, сержанттӕ ӕмӕ офицертӕ, кӕцытӕ расгуыхтысты тохты ӕмӕ сын ис хӕстон хорзӕхтӕ. Полкты уыдысты тырыса хӕсджытӕ ӕмӕ сӕ ассистенттӕ, кӕцытӕ хъуамӕ рахастаиккой иууыл ӕнтыстджындӕр дӕлхайӕдты 36 тырысайы.

Парады алкӕцы хайадисӕгӕн дӕр бахуыдтой парадон дарӕс. Стыр театры аивадон-рауагъдон ӕрмадзты бацӕттӕ кодтой дӕс штандарты, кӕцыты бын хъуамӕ рахыстаиккой парадмӕ фронтты полктӕ. Уым ма бацӕттӕ кодтой сӕдӕгай орденон лентӕтӕ. Алкӕцы лентӕтӕ дӕр нысан кодта коллективон сгуыхтдзинад, кӕцы схорзӕхджын кодтой хӕстон орденӕй. Тырысаты фылдӕр хай уыдысты гвардейонтӕ.

Организаторты хъуыдымӕ гӕсгӕ, ӕфсады цыд хъуамӕ райдыдтаид Уӕлахизы Тырыса рахӕссынӕй, кӕцы ӕрхастой Мӕскуымӕ 20 июны Берлинӕй. Уый хъуамӕ хастаиккой Михаил Егоров ӕмӕ Мелитон Кантария, кӕцытӕ ӕрсагътой тырыса рехстагыл, афтӕ ма Степан Неустроев, кӕцыйы батальон хайад иста тырысатӕ ӕрсадзыны, фӕлӕ уыдонӕн нӕ уыд фаг рӕнхъон цӕттӕкӕнынад. Афтӕ ма Неустроев уыд цалдӕр ран цӕф, уый фӕдыл аскъуыддзаг кодтой, Уӕлахизы Тырыса кӕй нӕ рахӕсдзысты.

1945 азы 22 июны централон советон газетты ныммыхуыр кодтой Уӕлдӕр командӕгӕнӕг Сталины барамынд № 370: "Стыр Фыдыбӕстон хӕсты Уӕлахизы цытӕн 1945 азы 24 июны Мӕскуыйы Сырх Фӕзуатыл ауадзын Уӕлахизы Парад ӕфсад, Ӕфсӕддон-Денджызон Флот ӕмӕ Мӕскуыйы гарнизоны тыхтӕй".

1945 азы 24 июны райсом уыд ӕвзӕр боныгъӕд ӕмӕ уарыд къӕвда. Аст сахатмӕ ӕрӕмбырд кодтой парады хайадисджыты. Фараст сахатмӕ Кремлы къулты раз гранитон трибунӕтӕ байдзаг сты ССРЦ Уӕлдӕр Советы депутаттӕй, наркоматты кусджытӕй, культурӕйы архайджытӕй, ССРЦ Зонады академийы юбилейон сессийы хайадисджытӕй, мӕскуыйаг заводтӕ ӕмӕ фабрикӕты кусджытӕй, Уырыссаг рӕстдинон аргъуаны минӕвӕрттӕй, фӕсарӕйнаг дипломаттӕй ӕмӕ ӕндӕр фӕсарӕйнаг уазджытӕй. 9.45 сахатыл Ленины мавзолейы трибунӕмӕ схызтысты Советон хицауады къухдариуӕггӕнджытӕ Иосиф Сталины сӕргълӕудӕй.

Парады командӕгӕнӕг Константин Рокоссовский йӕ бӕхыл слӕууыд парад исӕг Георгий Жуковы рдӕм. Дӕс сахатыл Георгий Жуков йӕ урс бӕхыл раскъӕрдта Сырх фӕзуатмӕ. Командӕгӕнӕджы рапорты фӕстӕ райхъуыст сиганл "Хъусут иууылдӕр!", ӕмӕ ӕфсӕддон оркестр 1,4 мин адӕймаджы скондӕй инӕлар-майор Сергей Чернецкийы сӕргълӕудӕй сӕххӕст кодта гимн. Уый фӕстӕ Жуков раныхас кодта трибунӕйӕ. Уый фӕстӕ сӕххӕст кодта ССРЦ паддзахадон гимн ӕмӕ ӕмрӕстӕджы айхъуыст артиллерион салюты 50 срӕмыгъды. Уый фӕстӕ райдыдта ӕфсӕдты бӕрӕгбонон марш.

Полкты фыццаг рӕнхъыты цыдысты ӕфсӕдты командӕгӕнджытӕ, дӕлхайӕдты сӕргъ та лӕууыдысты корпустӕ, ливизитӕ ӕмӕ бригадӕты командӕгӕнджытӕ. Фыццаг Белорусаг фронты полкы сконды хицӕн колоннӕйӕ рацыдысты Польшайы Ӕфсады минӕвӕрттӕ инӕлар Владислав Корчицайы сӕргълӕудӕй, цыппӕрӕм Украинаг фронты сконды та – фыццаг Чехословакаг ӕфсӕддон корпусы хӕстонтӕ инӕлар Людвиг Свободайы къухдариуӕгады бын.

Алкӕцы полк дӕр рацыд йӕхи хӕстон маршӕй ӕнӕ фӕурӕдтӕй. Уый фӕстӕ Сырх Фӕзуатмӕ бахызт Дзержинскийы номыл Мидхъуыддӕгты Адӕмон комиссариаты фыццаг мотоӕхсӕн дивизи, кӕцытӕ хастой зӕххмӕ ӕруадзгӕйӕ гермайнаг ӕфсӕдты 200 тырысайы. Мавзолейы бынмӕ схизгӕйӕ, ӕфсӕддонтӕ зылдысты рахизырдӕм ӕмӕ ӕппӕрстой знаджы тырысатӕ.

Парад цыд дыууӕ сахаты (122 минуты) тӕркъӕвдайы бын. Парады хайад райстой 24 маршалы, 249 инӕлары, 2536 офицеры, 31 116 срежанты ӕмӕ солдаты.

Уыцы бонмӕ изӕры 11 сахатыл залптӕй рауагътой 20 мин ракетӕйы. Бӕрӕгбоны кульминаци уыд уӕлцъар "Уӕлахизы" ордены хуызистимӕ, кӕцы фӕзынд уӕларвы прожекторты тынты.

Мӕскуыйы бӕрӕгбоны фӕстӕ советон хицауад ӕмӕ Уӕлдӕр командӕгӕнӕджы хъӕппӕрисӕй 1945 азы сентбяры ацыд цӕдисон ӕфсӕдты парад Берлины, цы ран хайад райстой советон, америкӕйаг, англисаг ӕмӕ французаг ӕфсӕдтӕ.

11
Гасситы Мурат

Гасситы Мурӕтӕн радон хатт раивтой йӕ ныхмӕлӕууӕджы

5
(ранӕуӕггонд 11:13 20.10.2020)
Фыццаг ирон боксер хъуамӕ стох кодтаид америкӕйаг спортсмен Кевин Джонсонимӕ. Уый фӕстӕ та йын йӕ ныхмӕлӕууӕг рахуыдтой албайнаг Сефер Сеферийы

ЦХИНВАЛ, 20 окт — Sputnik. Ирон боксер Гасситы Мурӕты ныхмӕлӕууӕджы йӕ дебютон тохы уӕззау уӕзы фӕивтой дыккаг хатт. Йӕ ног оппонент ныр та у албайнаг спортсмен Нури Сефери, фехъусын кодта РИА Новости промоутер ӕмӕ мадзалы организатортӕй иу Владимир Хрюнов.

Гасситы Мурӕты дебют уӕззау уӕзы нысангонд у 31 октябры Сочийы. Фыццаг ирон боксер хъуамӕ стох кодтаид америкӕйаг спортсмен Кевин Джонсонимӕ. Уый фӕстӕ та йын йӕ ныхмӕлӕууӕг рахуыдтой Нури Сеферийы ӕфсымӕр - Сефер Сеферийы.

"Хъыгагӕн, махӕн фехъусын кодтой, Сефер Сеферийы залы кӕй ис коронавирус ӕмӕ Сефер кӕ хъуамӕ бада карантины. Ноджы ма иу аххосаг – уый фӕтарст Гасситы Мурӕтӕй. Ныр та Мурӕты ныхмӕлӕууӕг уыдзӕн йе фсымӕр Нури", - загъта Хрюнов телефоны.

Ирон боксер Гасситы Мурӕт бахӕццӕ Ӕппӕтдунейон боксы суперсерийы финалмӕ, цы ран 2018 азы июлы фембылд украинӕйаг Александр Усикӕн. Финалон тохы фӕстӕ боксерӕн сарызтой операци йӕ уӕхскыл.

5
Абхазмӕ ӕрцыдысты уӕрӕсейаг ӕфсӕддонтӕ коронавирусӕй рынчынтӕн ӕххуыс кӕныны тыххӕй

Абхазмӕ ӕрцыдысты уӕрӕсейаг ӕфсӕддонтӕ коронавирусӕй рынчынтӕн ӕххуыс кӕнынӕн

4
(ранӕуӕггонд 09:37 20.10.2020)
Мобилон госпиталь 100 бынатимӕ COVID-19-ӕй пациенттӕн хос кӕнынӕн сӕвӕрдтой Сухумы туристон уазӕгдон "Айтар"-ы территорийыл

ЦХИНВАЛ, 19 окт — Sputnik. Абхазмӕ ӕрцыд Хуссар ӕфсӕддон зылды бирӕпрофилон мобилон госпиталы колоннӕ Ставрополӕй, хъусын кӕны Sputnik Абхаз.

Амӕй размӕ Абхазы хъахъхъӕнынады министрад бадзырдта уӕрӕсейаг ӕфсӕддон уагдоны сӕргълӕууӕг Сергей Шойгумӕ, цӕмӕй республикӕйы сӕвӕрой быдырон госпиталь коронавирусӕй рынчынты нымӕц зынгӕ кӕй фӕфылдӕр, уый тыххӕй.

Мобилон госпиталь 100 бынатимӕ COVID-19-ӕй пациенттӕн хос кӕнынӕн сӕвӕрдтой Сухумы туристон уазӕгдон "Айтар"-ы территорийыл. Медицинон дӕлхайады сконды сты 113 ӕфсӕддоны ӕмӕ техникӕйы 30 иуӕджы.

Афтӕ ма, республикӕмӕ ӕрцыдысты Сау денджызон флоты ӕфсӕддон корпусы радиацион, химикон ӕмӕ биологон хъахъхъӕнынады къорды ӕфсӕддонтӕ, цӕмӕй баххуыс кӕной коронавирусы ныхмӕ тохы.

Абхазы коронавирусимӕ уавӕр нырма дӕр у уӕззау. Фӕстаг бӕрӕггӕнӕнтӕм гӕсгӕ, коронавирусӕй рынчынты иумӕйаг нымӕц у 2796, уыдонӕй 1187 сӕнӕниз сты, 27 адӕймаджы амардысты.

4
Коронавирус

Сӕйраг санитарон дохтыр коронавирусы апарахаты тыххӕй Хуссар Иры: ӕнӕстабилон уавӕр

4
(ранӕуӕггонд 16:30 23.10.2020)
Низ арӕхдӕр бахӕцы 18-69 азы кары адӕмыл, ацы кары къордмӕ хауы вирусӕй рынчынты ӕртыккаг хай, банысан кодта Коцты Марина

ЦХИНВАЛ, 23 окт — Sputnik, Козаты Диана. Хуссар Ирыстоны коронавирусӕй рынчынты ӕртын процентӕй фылдӕр хоскӕнынад цӕуынц медицинон уагдӕтты, радзырдта йӕ интервьюйы Sputnik республикӕйы сӕйраг санитарон дохтыр Коцты Марина.

Югосетпотребнадзоры сӕргълӕууӕг схуыдта коронавирусы апрахаты уавӕр Хуссар Ирыстоны "ӕнӕстабилон". Уый радон хатт ӕрсидт цӕрджытӕм, цӕмӕй ӕххӕст кӕной дохтыртӕ ӕмӕ эпидемиологты рекомендацитӕ, дарой маскӕтӕ ӕмӕ сӕхи хизой адӕмы массон ӕмбырдтӕй.

"Фӕрынчынуӕвджыты ӕртын иу проценты сты стационарты. Инфекцион рынчындон ӕмӕ сывӕллӕтты рынчындоны сты 84 пациенты коронавирусимӕ. Се хсӕн ис уӕззау рынчынтӕ дӕр. Дохтыртӕ аразынц алцыдӕр, цы ис сӕ тыхты, фӕлӕ уыцы тыхтӕ фаг не сты", - загъта Коцты Марина.

Йӕ ныхӕстӕм гӕсгӕ, фӕрынчынуӕвджыты 70 проценты сты 18-69 азы кары адӕм. 12 процентмӕ ӕввахс сты сывӕллӕттӕ 17 азы онг, ӕмӕ 18 проценты та сты 65 азӕй хистӕрдӕр адӕм.

Сӕйраг санитарон дохтыр бахахх кодта, уагдонмӕ кӕй ис тест-системӕтӕ 10 000 басгӕрст ауадзынӕн.

"Хардзгӕнӕн ӕрмӕджытимӕ проблемӕ нын уыд, фӕлӕ сӕ тагъд райстам. Уыдон дефициты сты Уӕрӕсейы дӕр. Мах алкӕмӕндӕр аразӕм тесттӕ, фӕлӕ лабораторийы хъомыс ӕмӕ адӕймагон ресурс нӕ фаг кӕнынц" – банысан кодта Коцты Марина.

Уый ма бафтыдта, зӕгъгӕ, Югосетпотребнадзорӕй дарддӕр ӕмбӕстӕгтӕн фадат ис раттын анализтӕ хисӕрмагонд лабораториты "Гемотест" ӕмӕ "КДЛ"-йы.

4