Тест-системӕтӕ ног коронавирусы диагностикӕйӕн

Тесттӕ ӕмӕ специалисттӕ: куыд баххуыс кодта Уӕрӕсе Хуссар Ир ӕмӕ ХПЦ COVID-19-имӕ тохы

14
(ранӕуӕггонд 13:03 17.07.2020)
Уӕрӕсе 2020 азы февралӕй фӕстӕмӕ ӕххуыс кӕны 32 паддзахадӕн COVID-19-имӕ тох кӕнын. Гуманитарон ӕххуысы ӕрдӕгӕй фылдӕр арвыстой Хӕдбар паддзахӕдты цӕдисы бӕстӕтӕм, Абхаз ӕмӕ Хуссар Ирыстонмӕ. Уымӕй дарддӕр ма Цхинвалмӕ ӕрцыдысты уӕрӕсейаг специалисттӕ дӕр

Данара Курманова, Sputnik

Уӕрӕсе ӕрмӕст медицинон ифтонггарз ӕмӕ хостӕй не ‘ххуыс кодта. Sputnik бацӕттӕ кодта ӕрмӕг уӕрӕсейаг гуманитарон архайды тыххӕй ӕмӕ сбӕрӕг кодта, куыд ӕххуыс кӕны Уӕрӕсе сыхаг бӕстӕтӕн пандемийы рӕстӕджы.

Басгӕрстой алкӕйдӕр

Гуманитарон ӕххуысы фыццаг партитӕ фӕсарӕнтӕм сорганизаци кодтой февралы – Уӕд Уӕрӕсе райдыдта ӕрвитын тест-системӕтӕ коронавирус сбӕрӕг кӕнынӕн. Уый тыххӕй Sputnik фехъусын кодтой Роспотребнадзоры.

"Ахуыргондтӕ центр "Вектор"-ӕй сарӕзтой тест-системӕ 19 январы. 7 февралӕй йӕ эффективондзинад рабӕрӕг ис уӕрӕсейаг специалистты балцы рӕстӕджы Китаймӕ. Уый фӕстӕ Уӕрӕсе райдыдта ӕрвитын тест-системӕтӕ фӕсарӕнтӕм, ӕмӕ ахсджиаг аспект ссис  ӕмархайд Евразиаг экомикон цӕдис ӕмӕ ХПӔ бӕстӕтимӕ", - радзырдтой организацийы пресс-службӕйы.

2020 азы 14 июлы бӕрӕггӕнӕнтӕм гӕсгӕ, Уӕрӕсе арвыста фӕсарӕнтӕм коронавирус сбӕрӕг кӕныны фӕдыл 734 мин тесты. Ацы бӕрцуаты 55%, 402,7 мин тесты, райстой ХПӔ бӕстӕтӕ, Абхаз ӕмӕ Хуссар Ирыстон. Тест-системӕты иууыл егъаудӕр партитӕ Уӕрӕсе арвыста Кыргызстан, Узбекистан ӕмӕ Казахстанмӕ.

Как Россия помогла странам СНГ в борьбе с COVID-19
© Sputnik /
Как Россия помогла странам СНГ в борьбе с COVID-19

Афтӕ ма Роспотребнадзоры банысан кодтой: уӕрӕсейаг тесттӕ сбӕрӕг кодтой коронавирусӕй фыццаг рынчынты Сомихы, Беларусы ӕмӕ Таджикистаны. Фӕлӕ, цӕмӕй тест ауадзай ӕмӕ райсай фӕстиуӕг, уый тыххӕй хъӕуы химикон реагенттӕ дӕр. Уый фӕдыл Уӕрӕсе арвыста фӕсарӕнтӕм реагенттӕ 723 басгӕрст ауадзынӕн. Уыдонӕй 440 минӕй фылдӕр арвыстой ХПӔ бӕстӕтӕм, Абхаз ӕмӕ Хуссар Ирыстонмӕ.

Ӕрмӕст тесттӕ нӕ

Уӕрӕсе гуманитарон ӕххуысы хуызы рахицӕн кодта 23 ӕнӕконтактон термотетры, цӕмӕй сӕ сӕвӕрой паддзахадон арӕнты уадзӕн пунктты.

Уый тыххӕй радзырдтой Sputnik Роспотребнадзоры пресс-службӕйы. 10 термометры арвыстой Кыргызстанмӕ, 7 – Сомихмӕ, 6 – Таджикистанмӕ.

Уӕрӕсе стыр хъусдард здӕхта дохтыртӕн ахуырадон мадзӕлттӕм. Роспотребнадзор сорганизаци кодта 10 онлайн-лекцийы, кӕцыты рӕстӕджы уӕрӕсейаг дохтыртӕ бакуыстой 30 специалистимӕ ХПӔ бӕстӕтӕй.

Ацыдысты ӕххуысмӕ

Цӕмӕй баххуыс кӕной хӕлар паддзахадтӕн пандемиимӕ тох кӕнын, уый фӕдыл ХПӔ бӕстӕты абон кусынц уӕрӕсейаг дохтырты къордтӕ. Июлы уӕрӕсейаг эпидемиологтӕ ӕмӕ вирусологтӕ ацыдысты Казахстан ӕмӕ Кыргызстанмӕ, фехъусын кодтой Роспотребнадзоры.

Казахстаны ныридӕгӕн кусынц  55 уӕрӕсейаг дохтыры. Бӕстӕйы эпидемиологон уавӕр кӕй февзӕрдӕр ис ӕмӕ карантины режим 2 августы онг кӕй адарддӕр кодтой, уый фӕдыл Уӕрӕсе рахицӕн кодта Казахстанӕн уӕлӕмхасӕн гуманитарон ӕххуыс. Медикаментты казахстайнаг дистрибьютеры "СК-Фармация" бӕрӕггӕнӕнтӕм гӕсгӕ, гуманитарон ӕххуысы ис хъахъхъӕнӕн дарӕсы 2 790 комплекты, 22 мин маскӕйы ӕмӕ хос "Фавипиравир"-ы  236 иуӕджы. Июлы кӕрӕттӕм Уӕрӕсе арвитдзӕн ацы препараты ноджы 700 мин таблеткӕйы.

Абоны бон уӕрӕсейаг дохтырты къордтӕ кусынц Фӕскавказы дӕр. Сомихы Ӕнӕниздзинад хъахъхъӕнынады министрады информацимӕ гӕсгӕ, бӕстӕйы рынчындӕтты коронавирусимӕ тох кӕнынӕн ӕххуыс кӕнынц 50 дохтыры. 12 июлы та Уӕрӕсейы Ӕнӕниздзинад хъахъхъӕнынады министрад арвыста Азербайджанмӕ Сеченовы номыл Фыццаг мӕскуыйаг паддзахадон университеты дохтырты къорд. Уыдонимӕ иумӕ Бакумӕ ацыдысты 17 дохтыр-бархионы, кӕцытӕ куыстой Мӕскуы, Одинцово ӕмӕ Норильскы клиникӕты.

Сербийӕ Лаосмӕ

Фӕлӕ хъӕуы банысан кӕнын: Уӕрӕсе ӕрмӕст ХПӔ бӕстӕтӕн не ‘ххуыс кӕны. Sputnik базыдта Роспотребнадзоры, пандемийы рӕстӕджы Уӕрӕсе баххуыс кодта 32 бӕстӕйӕн.

Уӕрӕсе ӕнӕаргъӕй арвыста коронавирус сбӕрӕг кӕны фӕдыл тесттӕ Гвинея, Непал, Коста-Рика, Никарагуа, Палестина, Афганистан, Куба, Лаос, Доминика, Ливан, Серби, Венесуэла, Египетмӕ ӕмӕ ӕндӕр бӕстӕтӕм.

14
Сухум

Абхаз 5 октябрӕй ногӕй бакӕндзӕн арӕнӕвӕрдон мадзӕлттӕ

11
Абхазы коронавирусӕй фӕрынчынуӕвджыты иумӕйаг нымӕц у 782 адӕймаджы. Уыдонӕй 226 пациенты сӕнӕниз сты, авд адӕймаджы амардысты

ЦХИНВАЛ, 18 сен — Sputnik. Абхазы къухдариуӕгад ногӕй бакӕндзӕн арӕнӕвӕрдон мадзӕлттӕ коронавирусы тыххӕй, хъусын кӕны майрӕмбоны Sputnik Абхаз.

Ӕмбӕлон барамынд бафыста республикӕйы сӕргълӕууӕг Аслан Бжания Абхазы цӕрджыты коронавирусон инфекцийӕ бахъахъхъӕныны фӕдыл Координацион штабы скъуыддзагыл ӕнцойгӕнгӕйӕ.

Документмӕ гӕсгӕ, 5 октябрӕй республикӕйы территорийыл нал ис бар уадзын массон спортивон, хиирхӕфсӕн ӕмӕ равдыстон мадзӕлттӕ бӕстыхӕйтты; афтӕ ма нӕй бар уадзын чындзӕхсӕвтӕ ӕмӕ ӕндӕр бӕрӕгбонон мадзӕлттӕ.

Уымӕй дарддӕр, рекомендаци радтой фӕкъаддӕр кӕнын уазджыты нымӕц фыдохы мадзӕлтты дӕр.

Фӕстаг бӕрӕггӕнӕнтӕм гӕсгӕ, Абхазы коронавирусӕй фӕрынчынуӕвджыты иумӕйаг нымӕц у 782 адӕймаджы. Уыдонӕй 226 пациенты сӕнӕниз сты, авд адӕймаджы амардысты.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй фӕрынчын сты 30 милуан адӕймагӕй фылдӕр, 950 мин рынчынӕй фылдӕр амардысты.

11
Джиоты Люба

Ног ӕмӕ уарзон зарджытӕ мадӕлон ӕвзагыл: Джиоты Люба йӕ концерты тыххӕй Мӕскуыйы

12
(ранӕуӕггонд 10:13 18.09.2020)
24 сентябры Уӕрӕсейы столицӕ Мӕскуыйы ацӕудзӕн хуссарирыстойнаг зарӕггӕнӕг Джиоты Любайы хисӕрмагонд концерт

ЦХИНВАЛ, 17 сен – Sputnik, Плиты Фатимæ. Сӕххӕст кӕндзӕн мадӕлон ӕвзагыл зарджытӕ, кӕцытӕ бауарзтой адӕм ӕмӕ ӕртӕ ног зарӕджы Хъодалаты Марияимӕ иумӕйаг альбомӕй Мӕскуыйы хисӕрмагонд концерты рӕстӕджы , фехъусын кодта Sputnik зарӕггӕнӕг Джиоты Люба.

24 сентябры Уӕрӕсейы столицӕ Мӕскуйы ацӕудзӕн хуссарирыстойнаг зарӕггӕнӕг Джиоты Любайы хисӕрмагонд концерт.

"Цадӕггай цӕуы хъуыддаг. Репетици кӕнын. Тыхсын. Ныфс мӕ ис, ӕппӕт дӕр хорз кӕй ацӕудзӕн. Мӕскуыйаг ирӕттӕ ӕнӕрхъӕцӕй ӕнхъӕлмӕ кӕсынц мӕ концертмӕ ӕмӕ уый ӕхсызгон у" , - загъта Sputnik зарӕггӕнӕг йӕхӕдӕг.

Йӕ ныхӕстӕм гӕсгӕ, популярон тректӕй дарддӕр ма айзӕлдзысты Хъодалаты Марияимӕ сӕ ног зарджытӕ дӕр.

"Мӕ репертуары уыдзӕн ӕртӕ ног зарӕджы, Хъодалаты Марияимӕ иумӕйаг альбомӕй", - бафтыдта уый.

Солон концерты инициаторӕй ралӕууыдысты Любайы ӕмзӕххонтӕ - оперон зарӕггӕнӕг Хӕбӕлаты Лали ӕмӕ Битеты Наталья, афтӕ ма кутюрье Орхан Султан.

Мадзал ацӕудзӕн 24 сентябры, 19.00 сахатыл ахӕм адресыл: уынг Тверская, 22а.

12
Дзиццойты Юрий

Хуссар Ирыстоны паддзахад сæвзæрыны рæстæг нымайæн ис 1920 азæй Дзиццойты Юрий

0
(ранӕуӕггонд 19:43 19.09.2020)
Филологон зонæдты кандидат Дзиццойты Юрий радио Sputnik Хуссар Ирыстонæн интервьюйы радзырдта республикæйы расидыны боны тыххæй
Хуссар Ирыстоны паддзахад сывзæрыны рæстæг нымайæн ис 1920 азæй – Дзиццойты Юрий

Хуссар Ирыстоны республикæйыл 30 аз сæххæст ацы аз 20 сентябры. Дзиццойты Юрий куыд радзырдта, уымæ гæсгæ нæ паддзахад у æлхæд тугæй.

"Нæ паддзахаддзинад 1920 азæй куы нымаиккам, уæд раст дæр у. Уый нын радта фадат, цæмæй 1990 азы автономон областæн йæ статус фæбæрзонддæр кодтаиккам", - загъта Юрий.

Дзиццойты Юрийы ныхæстæм гæсгæ, республикæ расидын фадат лæвæрдта, цæмæй ирон адæм сæхæдæг æвзарой сæ дарддæры фæндаг.

"Гуырдзыстон хицæнкæныны фæндагыл ныллæуыд, æмæ цæмæй мах дæр семæ ма акодтаиккой, уый тыххæй нын хъуамæ уыдаид конституци, фæлæ автономон областæн уый нæ уыд", - бафиппайта Дзиццойты Юрий.

Юрий ма куыд радзырдта, уымæ гæсгæ уыцы рæстæджы цы къахдзæфтæ арæзт æрцыдысты, уыдон уыдысты хæдбар паддзахады бындуртæ.

0
Темӕтӕ:
Радио иронау