УФ ӔФС

Мӕскуыйы не руагътой теракт

6
(ранӕуӕггонд 14:26 27.07.2020)
Уӕрӕсейаг столицӕйы теракт цы фыдгӕнӕг цӕттӕ кодта, уый йе рцахсыны рӕстӕджы райдыдта ӕхсын барадхъахъхъӕнджы ӕмӕ йӕ амардтой

ЦХИНВАЛ, 27 июл - Sputnik. Уӕрӕсейы Ӕдасдзинады федералон службӕ (ӔФС), Мидхъуыддӕгты министрады ӕмӕ слестгӕнӕн комитеты кусджытӕ нӕ бауагътой Мӕскуыйы теракт саразын, кӕцы цӕттӕ кодта Централон Азийӕ ӕрцӕуӕггаг нӕлгоймаг, хъусын кӕны УФ ӔФС.

Уагдоны куыд банысан кодтой, афтӕмӕй террористы ссардтой Химкӕты ӕнӕркаст гаражты цур. Уый райдыдта ӕхсын барадхъахъхъӕнджыты автоматикон хӕцӕнгарзӕй. Фыдгӕнӕг фӕмард ис ӕхсты рӕстӕджы.

Цауы бынат басгарыны фӕстиуӕгӕн нӕлгоймагмӕ ссардӕуыд автомат АКС-74У йӕ нӕмгуытимӕ, дыууӕ гранатӕ Ф-l ӕмӕ 1 гранатӕ РГД.

Терорист цард Мӕскуыйы ӕххуырст фатеры, уым ссардтой терактмӕ цӕттӕгӕнӕн бӕрӕггӕнӕнтӕ дӕр.

"Фатеры ссардӕуыд бӕрӕггӕнӕнтӕ, кӕцытӕ ӕвдыстой бандиты бастдзинӕдтӕ Сирийы ӕхсӕнадӕмон терористон организацийы эмиссартимӕ ӕмӕ цӕттӕ кодтой адӕмы массон ӕхст", - дзырдӕуы ӔФС пресс-релизы.

Уымӕй дарддӕр ма подмосковьейы ӕрцахстой фыдгӕнӕджы ӕфсымӕры дӕр - уый агуырдта йе фсымӕры, цӕмӕй йӕ ма ауадзы Сиримӕ терористон организацийы сконды архайынмӕ.

Ныртӕккӕ барадхъахъхъӕнджытӕ агурынц фыдгӕнӕджы ӕмархайджыты.

6
Борис Грачевский

"Ералаш"-ы бындурӕвӕрӕг Борис Грачевский амард коронавирусӕй

6
(ранӕуӕггонд 09:53 15.01.2021)
Сывӕллӕтты юмористикон журнал "Ералаш"-ы аивадон къухдариуӕггӕнӕг короновирусимӕ госпитализацигонд ӕрцыд Мӕскуыйы рынчындӕттӕй иумӕ

ЦХИНВАЛ, 15 янв — Sputnik. Мӕскуыйы 72-аздзыдӕй йӕ цардӕй ахицӕн "Ералаш"-ы аивадон къухдариуӕггӕнӕг Борис Грачевский, хъусын кӕны РИА Новости.

 Грачевский цалдӕр къуырийы дӕргъы тох кодта коронавирусимӕ – уый госпитализацигонд ӕрцыд Мӕскуыйы горӕттаг 52-ӕм рынчындонмӕ уӕззау уавӕры. Фӕстӕдӕр йе ‘нӕниздзинад фӕхуыздӕр, медиктӕ йӕ хъуамӕ ракодтаиккой медикаментозон фынӕййӕ.

Грачевский - кинорежиссер, сценарист, Уӕрӕсейы иавӕды сгуыхт архайӕг. Зындгонд у куыд фильмтӕ "Крыша", "Между нот, или Тантрическая симфония"-йы режиссер.

6
Ирон боксер Гасситы Мурат

Ирон боксер Гасситы Мурат загъта, кӕд рахиздзӕн иннӕ хатт рингмӕ

18
(ранӕуӕггонд 13:29 11.12.2020)
Уӕззау уӕзы йӕ дебютон тох Гасситы Мурат ауагъта албайнаг Нури Сефериимӕ ӕмӕ йӕ арвыста нокауты фыццаг раунды

ЦХИНВАЛ, 11 дек - Sputnik. Зындгонд ирон боксер Гасситы Мурат йӕ интервьюйы РИА Новости радзырдта, кӕд рахиздзӕн радон хатт рингмӕ, афтӕ ма Нури Сефериим йӕ тохы тыххӕй. Боксеры ныхӕстӕм гӕсгӕ, цӕттӕ кӕнын райдайдзӕн январы фыццаг бонты, ӕмӕ радтон тох та развӕлгъау бӕрӕггӕнӕнтӕм гӕсгӕ, ацӕудзӕн уалдзӕджы.

"Ӕвӕццӕгӕн март-апрелы ауадздзӕн мӕ радон ныхмӕлӕуд. Ногазон бӕрӕгбонты фӕстӕ райдайдзӕн цӕттӕ кӕнын. Ныртӕккӕ дӕр хъахъхъӕнын мӕ формӕ, фӕлӕ серьезон тренировкӕтӕ нырма нӕ райдыдтон", - загъта спортсмен.

Уый ма бафтыдта, цӕттӕ кӕныны фыццаг этап ӕй кӕй фӕнды рацӕуын хӕдзары тренер Сланты Виталиимӕ, спарингтӕм та ацӕуид Америкӕмӕ Абель Санчесмӕ.

Гасситы Мурат банысан кодта, америкӕйаг специалист ын  Нури Сефериимӕ тохӕн кӕй саргъ кодта куыд "иттӕг хорз".

Гасситы Мурат уӕззау уӕзы дебют ауагъта дыууӕазон паузӕйы фӕстӕ. Уый йӕ ныхмӕлӕууӕг Нури Сеферийы арвыста нокауты фыццаг раунды 47 секундыл.

18
Пухаты Эрик

Хуссар Иры президент йæ уынаффæгæнæгæй снысан кодта хицауады раздæры сæрдары

0
(ранӕуӕггонд 17:01 20.01.2021)
Ивгъуыд аз августы онг Пухаты Эрик куыста Хуссар Ирыстоны хицауады сæрдарæй. Цхинвалы æвзонг цæрæг Дзабиты Иналы мæлæты фæстæ уый ацыд отставкæйы

ЦХИНВАЛ, 20 янв - Sputnik. Хуссар Ирыстоны президент Бибылты Анатолий снысан кодта хицауады раздæры сæрдар Пухаты Эрикы йæ паддзахадон уынаффæгæнæгæй экономикон фарстыты фæдыл, фехъусын кодтой президенты администрацийы.

Эрик Георгийы фырт, кæцы 2017 азы маййæ 2020 азы августы онг лæууыд республикæйы хицауады сæргъ, раивта ацы бынаты Джуссойты Сосланы - уый президент ссæрибар кодта йæ куыстæй ивгъуыд аз декабры кæрон.

 

Биографион справкæ

Пухаты Эрик Георгийы фырт райгуырд 1957 азы 5 майы РХИ-ы Знауыры районы Схлиты хъæуы.

1982 азы каст фæцис Хуссар Ирыстоны паддзахадон педогогон институты "Математикæ æмæ физикæ"-йы факультет.

Фæллойадон архайды рæстæджы куыста Цхинвалы консерваразæн заводы, каст лекцитæ ХИПУ-ы.

2005 азы слæууыд РХИ Паддзахадон статистикæйы управленийы сæргъ.

2014 азы апрелы нысан æрцыд РХИ хицауады сæргълæууæджы хæдивæгæй.

Хорзӕхджын у Хуссар Ирыстоны майданӕй "Фӕллойады сгуыхтдзинад", Днестргӕрон Молдаваг республикӕйы майданӕй "Ӕхсӕнадӕмон ӕмгуыстады фидар кыныны тыххӕй".

Ис ын бинонтӕ, ӕртӕ хъӕбулы.

0