Виктор Захарченко

Путин схорзӕхджын кодта Хуссар Иры адӕмон артисты Фӕллойы Хъайтары номӕй

6
(ранӕуӕггонд 14:38 15.10.2020)
Кубайнаг хъазахъхъаг хор Виктор Захарченкойы сӕргълӕудӕй 2008 азы радта концерт Хуссар Ирыстоны,уыцы мадзалӕй хоры артисттӕ балӕууыдысты республикӕйы адӕмы фарсмӕ сӕ сӕрибардзинады сӕрыл тохы

ЦХИНВАЛ, 15 окт – Sputnik. Уӕрӕсейы президент Владимир Путин радта УФ Фӕллойы хъайтары ном Кубайнаг хъазахъхъаг хоры къухдариуӕггӕнӕг Виктор Захарченкойӕн.

Документы нысан цӕуы, ацы кадджын ном Виктор Захарченкойӕн кӕй радтӕуыд "фыдыбӕстӕйон культутӕ ӕмӕ аивады райрӕзтмӕ уӕлдай хайбавӕрды, афтӕ ма Уӕрӕсейы культурон ӕмӕ историон бынтӕ хъахъхъӕнын ӕмӕ парахат кӕныны тыххӕй".

Кубайнаг хъазахъхъаг хорӕн бындур ӕвӕрд ӕрцыд 1811 азы. Уый ӕххӕст кӕны хъазахъхъаг, уӕрӕсейаг ӕмӕ украинӕйаг адӕмон зарджытӕ.

Кубайнаг хъазахъхъаг хор Виктор Захарченкойы сӕргълӕудӕй ӕрцыд Хуссар Ирыстонмӕ 2008 азы, гуырдзиаг агрессийӕ иу мӕйы фӕстӕ. Хор радта концерт Цхинвалы сӕйраг фӕзуатыл, уыцы мадзалӕй артисттӕ балӕууыдысты республикӕйы адӕмы фарсмӕ сӕ сӕрибардзинады сӕрыл тохы.

6
Гасситы Мурат

Гасситы Мурӕтӕн радон хатт раивтой йӕ ныхмӕлӕууӕджы

2
(ранӕуӕггонд 10:54 20.10.2020)
Фыццаг ирон боксер хъуамӕ стох кодтаид америкӕйаг спортсмен Кевин Джонсонимӕ. Уый фӕстӕ та йын йӕ ныхмӕлӕууӕг рахуыдтой албайнаг Сефер Сеферийы

ЦХИНВАЛ, 20 окт — Sputnik. Ирон боксер Гасситы Мурӕты ныхмӕлӕууӕджы йӕ дебютон тохы уӕззау уӕзы фӕивтой дыккаг хатт. Йӕ ног оппонент ныр та у албайнаг спортсмен Нури Сефери, фехъусын кодта РИА Новости промоутер ӕмӕ мадзалы организатортӕй иу Владимир Хрюнов.

Гасситы Мурӕты дебют уӕззау уӕзы нысангонд у 31 октябры Сочийы. Фыццаг ирон боксер хъуамӕ стох кодтаид америкӕйаг спортсмен Кевин Джонсонимӕ. Уый фӕстӕ та йын йӕ ныхмӕлӕууӕг рахуыдтой Нури Сеферийы ӕфсымӕр - Сефер Сеферийы.

"Хъыгагӕн, махӕн фехъусын кодтой, Сефер Сеферийы залы кӕй ис коронавирус ӕмӕ Сефер кӕ хъуамӕ бада карантины. Ноджы ма иу аххосаг – уый фӕтарст Гасситы Мурӕтӕй. Ныр та Мурӕты ныхмӕлӕууӕг уыдзӕн йе фсымӕр Нури", - загъта Хрюнов телефоны.

Ирон боксер Гасситы Мурӕт бахӕццӕ Ӕппӕтдунейон боксы суперсерийы финалмӕ, цы ран 2018 азы июлы фембылд украинӕйаг Александр Усикӕн. Финалон тохы фӕстӕ боксерӕн сарызтой операци йӕ уӕхскыл.

2
Абхазмӕ ӕрцыдысты уӕрӕсейаг ӕфсӕддонтӕ коронавирусӕй рынчынтӕн ӕххуыс кӕныны тыххӕй

Абхазмӕ ӕрцыдысты уӕрӕсейаг ӕфсӕддонтӕ коронавирусӕй рынчынтӕн ӕххуыс кӕнынӕн

3
(ранӕуӕггонд 09:37 20.10.2020)
Мобилон госпиталь 100 бынатимӕ COVID-19-ӕй пациенттӕн хос кӕнынӕн сӕвӕрдтой Сухумы туристон уазӕгдон "Айтар"-ы территорийыл

ЦХИНВАЛ, 19 окт — Sputnik. Абхазмӕ ӕрцыд Хуссар ӕфсӕддон зылды бирӕпрофилон мобилон госпиталы колоннӕ Ставрополӕй, хъусын кӕны Sputnik Абхаз.

Амӕй размӕ Абхазы хъахъхъӕнынады министрад бадзырдта уӕрӕсейаг ӕфсӕддон уагдоны сӕргълӕууӕг Сергей Шойгумӕ, цӕмӕй республикӕйы сӕвӕрой быдырон госпиталь коронавирусӕй рынчынты нымӕц зынгӕ кӕй фӕфылдӕр, уый тыххӕй.

Мобилон госпиталь 100 бынатимӕ COVID-19-ӕй пациенттӕн хос кӕнынӕн сӕвӕрдтой Сухумы туристон уазӕгдон "Айтар"-ы территорийыл. Медицинон дӕлхайады сконды сты 113 ӕфсӕддоны ӕмӕ техникӕйы 30 иуӕджы.

Афтӕ ма, республикӕмӕ ӕрцыдысты Сау денджызон флоты ӕфсӕддон корпусы радиацион, химикон ӕмӕ биологон хъахъхъӕнынады къорды ӕфсӕддонтӕ, цӕмӕй баххуыс кӕной коронавирусы ныхмӕ тохы.

Абхазы коронавирусимӕ уавӕр нырма дӕр у уӕззау. Фӕстаг бӕрӕггӕнӕнтӕм гӕсгӕ, коронавирусӕй рынчынты иумӕйаг нымӕц у 2796, уыдонӕй 1187 сӕнӕниз сты, 27 адӕймаджы амардысты.

3