Мамсыраты Таймураз

Владимир Путин схорзӕхджын кодта Цӕгат Иры экс-сӕргълӕууӕджы Александр Невскийы орденӕй

64
(ранӕуӕггонд 13:57 25.08.2021)
Цӕгат Ирыстоны раздӕры сӕргълӕууӕджы схорзӕхджын кодтой уӕрӕсейаг паддзахадон хорзӕхӕй парламентаризмы райрӕзтмӕ стыр хайбавӕрды тыххӕй

ЦХИНВАЛ, 25 авг — Sputnik. Уӕрӕсейы Федерацийы президент Владимир Путин схорзӕхджын кодта Цӕгат Ирыстоны раздӕры сӕргълӕууӕг, РЦИ-Аланийӕ сенатор Мамсыраты Таймуразы Невскийы орденӕй, дзырдӕуы УФ президенты барамынды, кӕцы ныммыхуыр кодтой барадон информацийы официалон порталы.

"Парламентаризмы райрӕзтмӕ стыр хайбавӕрд ӕмӕ активон законаразӕг архайды тыххӕй схорзӕхджын кӕнын Александр Невскийы орденӕй Мамсыраты Таймуразы, УФ сенаторы Цӕгат Ирыстоны ӕххӕстгӕнӕг хицауадӕй", - дзырдӕуы документы

Мамсыраты Таймураз уыд Цӕгат Ирыстоны сӕргълӕууӕг 2005-2015 азты. Мамсыраты Таймуразы хиуӕттӕ бахъыгдард сты Беслӕны теракты рӕстӕджы. 2008 азы 8 августы уый ацыд Хуссар Ирыстонмӕ, цӕмӕй балӕууа адӕм ӕмӕ къухдариуӕгады фарсмӕ хӕсты рӕстӕджы.

Мамсыраты Таймураз у Уӕрӕсейы Федерацийы Советы уӕнг – Цӕгат Ирыстоны ӕххӕстгӕнӕг хицауадӕй минӕвар.

64
Хуссар Ир спайда кӕндзӕн Мӕскуыйы фӕлтӕрддзинадӕй комфортон горӕтон фалдзусы арӕзтады

Хуссар Ир спайда кӕндзӕн Мӕскуыйы фӕлтӕрддзинадӕй комфортон горӕтон фалдзусы арӕзтады

7
(ранӕуӕггонд 12:23 16.09.2021)
Бибылты Анатолий Мӕскуымӕ йӕ балцы рӕстӕджы бацыд парк "Говоровский лес"-мӕ. Бӕстӕйы сӕргълӕууӕг базонгӕ парчы проекты историимӕ, афтӕ ма объекты арӕзтады лыстӕг хӕйттимӕ

ЦХИНВАЛ, 16 сен - Sputnik. Хуссар Ирыстоны Бибылты Анатолий бацыд  парк "Говоровский лес"-мӕ Ног Мӕскуыйы. Республикӕйы раздзог улӕфӕн бынатмӕ фӕуазӕг Мӕскуыйаг районы администрацийы сӕргълӕууӕг Дания Андрецова ӕмӕ Паддзахадон думӕйы депутат Дмитрий Саблинимӕ.

Проектгӕнджытӕ радзырдтой хуссарирыстойнаг президентӕн парчы историйы тыххӕй ӕмӕ равдыстой, куыд гӕнӕн ис саразын горӕты мидӕг улӕфӕн зонӕ, уыимӕ алкӕцы бӕлас дӕр бахъахъхъӕнгӕйӕ.

Хъусинагӕй куыд бӕрӕг у, афтӕ ма ацы бонты ног объекттӕ равдисдзысты Сирийы делегаттӕн дӕр.

7
Хынцӕгты Альберт

Владимир Путин схорзӕхджын кодта Хынцӕгты Альберты Хӕлардзинады орденӕй

8
(ранӕуӕггонд 12:39 14.09.2021)
Паддзахадон хорзӕхтӕ Токиойы сыгъзӕрин уӕлахиздзаутӕн цытджын ӕгъдауӕй радтой Стыр Кремлаг галуаны къуырисӕры

ЦХИНВАЛ, 14 сен – Sputnik. Уӕрӕсейы президент Владимир Путин схорзӕхджын кодта Паралимпиаг хъӕзтыты чемпион ядро ӕхсынӕй Хынцӕгты Альберты Хӕлардзинады орденӕй. Уый тыххӕй хъусын кӕны 15-ӕм Регион.

Паддзахадон хорзӕхтӕ Токиойы сыгъзӕрин уӕлахиздзаутӕн цытджын ӕгъдауӕй радтой Стыр Кремлаг галуаны къуырисӕры.

Уымӕй дарддӕр ма II къӕпхӕны майдантӕй "За заслуги перед Отечеством" скад кодтой бронзӕйон призер лидзынӕй Къобесты Черменӕн.

Уӕрӕсейаг атлетты – Токиойы Паралимпиадӕйы призерты - схорзӕх кӕныны фӕдыл барамынд сабаты бафыста Уӕрӕсейы президент Владимир Путин.

8
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

0
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

0